زوجي خانني وهو اللي فضح نفسه (حُلت المشكله) - منتدى عالم الأسرة والمجتمع
logo

الملاحظات

المشاكل المحلولة المشاكل التي حلها أعضاء المنتدى

 
قديم 08-07-2008, 01:55 PM
  #1
سكر منثـــور
عضو جديد
تاريخ التسجيل: Dec 2006
المشاركات: 12
سكر منثـــور غير متصل  
icon40 زوجي خانني وهو اللي فضح نفسه (حُلت المشكله)

السلام عليكم...

اكتب وماادري وش اكتب ومن وين ابدأ

بداية..

انا تزوجت من قريب لي
والحين لنا سنتين بالضبط من زواجنا

احب زوجي وهو يدعي انه يحبني

لكن ف يوم او بالأصح قبل كم يوم

اكتشفت وسمعت بأذني زوجي حبيبي ابو ولدي اللي بالطريق
يضحك ويسولف مع مجموعة بنات مو وحده




بقول لكم السالفه من البدايه

كنت معزومه ف ذاك اليوم... وجلست اصلح حلى علشان اخذه معي... اكتشفت ان فيه شي ناقصني من البقاله... على طول دقيت على زوجي اللي كان طالع بحجة الدوام.. كلمته وقلتله اللي ناقصني من البقاله...
قال وانا راجع بشتري الناقص

بعد ماطلع دق علي مره ثانيه... يسألني وهو متواجد ف البقاله اذا فيه شي غيره؟

قلت لا مشكور

انا وقتها كنت بالمطبخ اصلح طبقات الحلى واللي ناقصني الطبقه الاخيره

قلتله مشكور مع السلامه وحطيت الجوال من كثر ماني مشغوله وماسكرت الخط اعتمدت عليه قلا اكيد هو بيسكر الخط

بعدها بدقيقتين تقريبا جهازي طلع منه نور.. طالعت يقول البطاريه ضعيفه بدون صوت
تأملت شوي لقيت الخط مفتوح لسى ماتسكر من زوجي

اخذت جوالي وحطيته بأذني
واناديه
الو ... الوووووووووووووو
وارفع صوتي علشان يسمعني

سمعت صوت بنت..

سكتت لحظتها وعرفت انه بالغلط ماسكر الخط

الاخ معه جوال ثاني واللي زاد الطين بله انه فاتح السبيكر وانا اسمع حتى البنت وش ترد عليه

كأنه يقول لي يلا اسمعي انا قاعد اخونك ومعي جهاز مخبيه عنك

شوفوا كيف ربي فضحه

والبنت اللي تكلمه عندها بنات كثير ويستهبلون واللي ضايقني اكثر ان زوجي الموقر يقول كلام شين

وانا اسمع المحادثه رحت ركض اشحن الجوال بطاريه لانه بيتقفل

وبعدها فكرت بفكره حلوه اني اسجل مكالمته مع اللي تكلمه
لاني اعرف زوجي ياما واجهته على امور ويكذبني

وبنفس الجهاز سجلت المكالمه بعدها شاف خطي مفتوح وسكر الخط

انا على طول دقيت عليه
مارد علي طبعا
دقيت مره ثانيه انتظاااااااااااار
شكله توهق ويستشير احد

مارد..

وانا ارجف من الصدمه وقتها...
حسبي الله ونعم الوكيل

المهم انتظرت شوي دقيت عليه ,, ورد
قلت اهلين
وينك؟؟

وربي وربي صوته وكلامه واااااااااااااااضح الخوف عليه

وانا سويت نفسي طبيعيه ماسمعت شي

لان الحكي بهالموضوع بالجوال ماينفع ابيه يرجع للبيت وبعدها لكل حادث حديث

قال انا يمكن اتأخر
قلت ليه؟؟ انا انتظرك خلص الحلى باقي اخر طبقه

قال معليش بتأخر

قلت لا الله يخليك تعال الحين جب الطلب اللي معك وارجع

اطمئن من كلامي وشككته اني ماسمعت
قال خلاص انا قريب


وانا انتظره ارتجف وخايفه من المواجهه مااحب هاللحظات

واقول بيني وبين نفسي ياربي ثبتني وقلبي يرجف بقوووووووووووووووه

ولاتنسون اني حامل


دخل وشرف الخاين ولابس نظاره شمسيه تغطي عيونه الخاينه

ودخل المطبخ ييحط الغرض على الطاوله ومايطالعني مع انه لابس الشمسيه

جيت قربت منه وطالعته رفع راسه وطالعني

مديت ايدي بكل هدوء واخذت النظاره ابي اطالع عيونه

وجلست اطالع شوي

قال وهو متلعثم وش فيك تطالعيني كذا؟؟؟

قلت انا نص الكلام اللي قاله للبنت
قال وشو؟ وش تخربطين انتي؟؟؟

عدت الكلام
وطالعته

قت ليه يا .....؟؟؟
ليه؟؟؟؟؟؟؟؟؟؟؟؟؟؟؟؟؟؟؟؟؟؟؟
قال وشو اللي ليه؟؟

قلت ليه تخونني؟
ليه

قال اقول بدت خرابيطك
يلا انا بروح

ناديته بأسمه طبعا بوقتها خلاص ماقدرت امسك اعصابي

قلت تكذب اذاني اللي سمعتك تضحك وتسولف؟؟؟؟؟؟؟؟؟؟

وانكر طبعا على طول يجحد

قلت له كنت متوقعه هذا ردك علشان كذا انا سجلتك

قال وبكل ثقه روحي جيبي التسجيل!!!!!!!!!!!!!!!!!!!!!!!!!!!!!

(شين وقوي عين)

لحظتها... خلاص نفذ صبري اقول له سمعتك باذاني يقول بدت خرابيطك اقول له مسجله محادثتكم يقول روحي جيبي اللي سجلتي

خلاص قمت اصيح واصارخ بأعلى صوتي


وانا اصارخ اقول له انا مقصره معك بشي؟
جاوبني

يقول : لأ

ويقولها بعد

المهم بعد حكي طويييييييييييييييييييييييييييييييييييييييييل وداني بيت اختي

دلوني وش اسوي؟؟

اسامحه ؟ او لأ؟

جرحني وانا كنت وااااااثقه فيه

جرحني جرح عمري ماراح انساه
والله لايحطكم بمثل هالمواقف لاني تعبت وربي تعبت

انتظر ردودكم واي استفسار انا حاضره

لاتبخلون علي بالدعاء
حتى الوالده متوفيه

والله المستعان..........
قديم 08-07-2008, 02:02 PM
  #2
زوج في المستقبل
عضو مثالي
تاريخ التسجيل: Nov 2005
المشاركات: 663
زوج في المستقبل غير متصل  
طيب عطينا معلومات عن شخصية زوجك ، علشان الاعضاء يقدرون يعطونكِ الحل الأنسب


لا تخافين الاعضاء ما راح يقصرون معك إن شاء الله
__________________
ليكن حالك كحال الشاعر الذي يقول :

رضـيت بـما قسـم الله لــي
وفـوضت أمـري إلى خالقـي
لقد أحسن الله فيـما مضى
كـذلك يــحسن فيـما بـقـي

ـــــــــــــــــــــــــ

ما سد لي مطلع ضاقت ثنيته

إلا وجدت وراء الضيق متسعـا

ـــــــــــــــــــــــــ

عسى الكرب الذي أمسيت فيه

يـكـون وراءه الــفـــرج الـــقــريـب

ـــــــــــــــــــــــــ

وما مسني ضر ففوضت أمره

إلى الـمـلك الجـبـار إلا تيسرا

ـــــــــــــــــــــــــ

قضى الله أن العسر يتبعه اليسر
قديم 08-07-2008, 02:09 PM
  #3
سكر منثـــور
عضو جديد
تاريخ التسجيل: Dec 2006
المشاركات: 12
سكر منثـــور غير متصل  
اممممممم شخصيته طيب اذا طلبت منه شي يحاول انه يلبيه
ومع الناس احس فيه حياء شوي

وبأمور الفزعات مايقصر مع الناس

بس ماادري ليه سوى كذا

يوم قلت له عطني سبب واحد بس

قال كذا بكلم بجرب المكالمات بعد الزواج


واللي حارقني ومضايقني

اني قبلها كنت اسأله فلان انت تخونني؟؟

يقول لأ ويحلف بربه العظيم انه مايخون

لدرجة مره حط ايده على بطني ودعا على الجنين اللي ف بطني انه يموت اذا كان يخون

يعني دعا على ولده بالموت

طيب ليه كذا يسوي؟
ليه يدعي على انسان برئ مابعد طلع على الدنيا

وبالنسبه لصلاته الحمدلله يصلي
احيانا بالمسجد واحيانا اذا فاتته بالبيت


افيدوني بأرائكم الله يجزاكم خير


تعبـــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــا نه
تعبانه حيل
قديم 08-07-2008, 02:13 PM
  #4
امل الحيـاه
من كبار شخصيات المنتدى
تاريخ التسجيل: May 2005
المشاركات: 1,430
امل الحيـاه غير متصل  
يا اختي يا حبيبتي الله يصبرك ويثبتك ادري الموقف صعب عليك والنفس ما تتقبل الخيانه ولكن العفو من شيم الكرام

عيوني ما ابي اكلمك بالمنطق والعقل لا ابي استجدي فيك الزوجه الحبيبه والصديقه لزوجهاا واقولك الحياه الزوجيه ما تخلى من مواقف منها الجارح ومنها الي يصدم ومنها الي يعذب بس الحكمه وانا اختك في هالمواقف هي سيده القرار عمر العجله ما عمرت بيت

انتي الحين استهدي بالله كم يوم بعدهاا انااقولك

توضي وصلي ركعتين في جوف الليل وقولي يارب ثبتني وانطق الحق على لساني وقوي نفسك بالله

بعد كذاا جهزي لليله حلوه بينك وبين زوجك جهزيهاا باغراض وشموع ومااعلمك انتي ادري وفيكي الخير والبركه واجلسي مع زوجك فيها وانتي بكامل زينتك وباهدى اعصابك اكليه بيدك وشربيه وامسكي يده وطالعي في عينك واساليه وقتهاا ليش سويت كذاا انا مقصره معك بشي شفت مني شي ما عجبك ولقيته بغيري صارحني قوليله اليوم انا زوجتك وبكره بكون ام ولدك وضحيله انه جرحك وانك كنتي تثقي فيه وكيف شرخ هالثقه وتفاهمي معه

صدقيني عيوني بيستحي بينه وبين نفسه وقتها حتى لو ما بين لك وبيفكر بنت الناس ما تستاهل وانا غلطان وتلقينه يرجعلك يالغلا بس اهم شي عالجي الموضوع بحكمه الصراخ والعناد ما يجيب نتيجه وانا اختك وانتي لازم توريه شوف انا ما قصرت معك يكفيك تانيب نفسه له لا شافك كذاا تعاملينه

اختي اكثري من الدعاء له واكثري من قول اللهم سخر لي زوجي

اسال الله ان يصلح حالك زوجك ويهدء سركم
قديم 08-07-2008, 02:48 PM
  #5
أميرات
كبار شخصيات المنتدى
تاريخ التسجيل: Jul 2007
المشاركات: 5,090
أميرات غير متصل  
والله قهر ..

لكن يا اختي الحل هو في جلسه مصارحه هااااادئه ...

تكلمي معه بكل ثقه و حطي عينك في عينه .. حافظي اختي على نبرة صوتك اوعي ترفعي صوتك ..

اختي اوعي تبكي امامه .. خليك متماسكه عشان ما يحس انك ضعيفه ..

طمنينا اختي عن اخر اخبارك ..
قديم 08-07-2008, 02:27 PM
  #6
صاحب رأي سديد
كبار شخصيات المنتدى
 الصورة الرمزية صاحب رأي سديد
تاريخ التسجيل: Sep 2005
المشاركات: 10,106
صاحب رأي سديد غير متصل  
وعليكم السلام ورحمة الله وبركاته

أختي الكريمة

الله يكون في عونك ويصبرك انصحك تصبرين على زوجك في حال كان محافظ على الصلاة ومعطيك حقوقك كامله وليس مقصر معك في شي واخلاقه وتعامله معك مميزه فربما تكون هذه نزوه .

واكثري من الدعاء له بالهدايه ويجب ان تقفي في وجهه وتحاوريه لماذا فعل هذا الشي ولكن بعد ان تهدأ الامور بينكم .

اما إذا كان مقصر في دينه وحقوقك يجب ان يكون هذا الشي سبب ان تاخذي منه وعد ان يعدل امور دينه
لأن فعلته بسبب ضعف الوازع الديني والاخلاقي

وفقك الله ورعاك
__________________
جاء في الأثر أيضا خير الناس أنفعهم للناس .


ما أروع الانجاز والعمل المخلص اذا كان خالصا لوجه الله تعالى,, وكم من مؤمن وقاه الله شر صروف الدهر وأتراح الحياة فبارك الله له في عمره وماله وأولاده ووفقه الى كل خير وحبب عباده فيه، بسبب ما يقدمه في حياته[/SIZE][/B]
قديم 08-07-2008, 02:50 PM
  #7
jjohr0
عضو جديد
تاريخ التسجيل: Sep 2006
المشاركات: 43
jjohr0 غير متصل  
انا اشكرك كثير على اهتمامك بزوجك وبيتك

واشكرك على حسن تعاملك المواجهة كانت جدا من صالحك

يتبقى عليك كيف تعيدين الخائن اسف زوجك اليك

باقي الأمور الثانية خليها لا تفكرين فيها

المواجهة معه كفاية والاحداث اللى صارت انسيها امسحي التسجيل

امسحي من ذاكرتك هذا اليوم وساعدي زوجك على مسحه
قديم 08-07-2008, 06:33 PM
  #8
رسيـــل
كبار شخصيات المنتدى
تاريخ التسجيل: Mar 2004
المشاركات: 2,470
رسيـــل غير متصل  
اقتباس:
المشاركة الأصلية كتبت بواسطة jjohr0 مشاهدة المشاركة
انا اشكرك كثير على اهتمامك بزوجك وبيتك

واشكرك على حسن تعاملك المواجهة كانت جدا من صالحك

يتبقى عليك كيف تعيدين الخائن اسف زوجك اليك

باقي الأمور الثانية خليها لا تفكرين فيها

المواجهة معه كفاية والاحداث اللى صارت انسيها امسحي التسجيل

امسحي من ذاكرتك هذا اليوم وساعدي زوجك على مسحه
لا انصح بمسح التسجيل ووجدوده قد ينفع ولا يضر
قديم 08-07-2008, 03:09 PM
  #9
شمعة لزوجي
عضو نشيط جدا
 الصورة الرمزية شمعة لزوجي
تاريخ التسجيل: May 2008
المشاركات: 217
شمعة لزوجي غير متصل  
الله يفرج همك

الحزن الشديد يضر الجنين حبيبتي

حاولي تهدين والكمال لله

لكن عالجي المشكلة لاتسكتين

ولاتمسحين التسجيل لأنه ورقة رابحة

في ردعة عند الحاجة واستمرار الخطأ

إذا احتجت اللجوء لأحد والديه فقد يكذبك

فاحتفظي بالدليل للحاجة فقط

واستشيري أخصائي نفسي ضروري

عندهم حلول حلوة ومريحة وصحيحة

للخيانات الزوجية

أهم شيء لاتفكرين تنفصلين هذه غلطة وتتصلح

كوني قوية وأكثري الدعاء
__________________
اضغط على الرابط وستبتسم وتنشره فورا

http://www.tvquran.com/

قديم 08-07-2008, 03:48 PM
  #10
bunney
عضو متألق
تاريخ التسجيل: Aug 2005
المشاركات: 676
bunney غير متصل  
نصيحه مهمه اختي صعب اتخاذ اي قرار و انتي حامل لانه الهرمونات تلعب اب جسم المراه و تخليها تقول و تسوي اشياء مو اب وعيها ... اول شيء روحي بيت اختج و بينيله عن غضب و انه خلاص .. خليه يعترف و يقول ليش سوه جذي و انه خلاص كل شيء منهد .. خل يعرف مقدار الجريمه الي ارتكبها اب حقج .. قوليله انج بتروحين بيت اهلج فتره تفكرين اهناك و تتخذين القرار المناسب بشان حياتكم سوا .. روحي بيت اهلج خليه اي وراج و يركضلج و يحاول يراضيج و يوعدج و يحلفلج على القران انه ما يعيد ولا يفكر انه يخرب بيته اكثر من جذي .. هم لا تعطينه الجواب قوليله محتاج افكر .. هذا افضل حل انج تعاقبينه اشويه .. المهم بعد فتره اذا يالج لا تضحكينله ولا شيء ردي بيتج و نامي يمه و لكن لا تحسسينه اب شوق او اي شيء .. على شان يحس اب فداحت الي صار و اذا عصب قوليله ليش الي صار اشويه !! لو انا الي كنت امسويه شان قطيتني بيت اهلي !! تحلل على نفسك و تحرم علي !! ولا لي هل الدرجه على بالك انا نفس الكمبيوتر ديليت و خلاص .. اكيد بيحز اب نفسي لاني عطيتك كامل الثقه و احتاج وقت ... اذا شفتيه تعدل و مهتم فيج بالاخص انج جااامل ما راح يقصر معاج حاولي تنسين الزله و الله كريم (تره هل الشيء مجرب لازم عقاب على شان ما يتمادي)
اختج بني
 

مواقع النشر

الكلمات الدليلية
اللي, بنفسه

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 11:36 PM.


images