السلام عليكم ورحمة الله وبركاته
انا بعرض مشكلتي واتمنى تساعدوني لاني تعبت من التفكير😢!
المشكلة هي انا متزوجة لي 6 شهور وعمري22، زوجي انسان ماعنده احساس بالمسؤولية ابداً
يعني عادي يطلع مع اصحابه من العصر لما الفجر وانا طول هالوقت لوحدي بالشقه صح اخاف من الوحده بس مستحيل اتصل اقول وينك تأخرت من هالحكي! اعرف هالاشياء تزعج الرجل لكن برضو مستمر في السهر والطلعات وانا دايم لوحدي حتى والله العظيم تمر اسابيع ماطلع من الشقه ولا يطلعني، والله افتح الشباك ابي بس اشم هوا.. برضو لما يرجع ريحته شيشه ودخان، سألته مره انت تشيش؟ قال ايييه مو عاجبك؟ تقدرين تشكيني عند اهلك...
رضيت بقدر ربي وماعلقت..
ثاني شي بخيل معاي بشكل! يعني عادي يعطي امه اصحابه لكن معاي وعلى بيته بخيل جداً، والله ماتصدقون لما اقولكم للحين البس ملابسي من بيت اهلي اللي قبل زواجي ولا عمري رحت السوق ولا اشتري زي الاوادم!
ثالث شي انا طلبته يوديني مكه يومين من اول ماتزوجنا لكن يأجل يأججل وانا اسكت، اتصل عليه صاحبه قبل اسبوع قال بروح مكه تجي معاي! قال اوكي تم! وجا قالي انا رايح مكه الويك اند الجاي هالاسبوع اجلسي عند اهلك بالرياض لاني بطير من الدمام! (يشتغل بالدمام واهلي واهله بالرياض)
طبعاً قلت له انت وعدتني توديني مكه قبل 5 شهور ولما طلبك صاحبك مافكرت انك واعدني؟ قالي هذا اللي عندي تبين ولا ازعلي، سكت ومشينا الرياض
لما وصلنا وارتحنا وكذا قلت طيب ابي السوق بشتري هديه لبنت عمي ملكتها الاسبوع الجاي! قالي بصوت عالي ماعندي فلوس ولا تطلبيني شي وانتي طلباتك كثيره وانا والله ماطلب شي وان طلبت ماطلب الا الضروري واللي ناقصني وهو عارف! قلت طيب مارديت ولا رفعت صوتي ولا شي
لما جا يوديني لاهلي قالي شوفي تبين غيري بتلقين كثير ترا! انصدمت! قلت ايش يعني؟ قال افهميها! سكت مدري ايش ارد عليه...
نزلت عند اهلي واللحين لي اسبوع ماكلمني ولا اتصل ولا سأل، مدري ايش اسوي ومدري ايش غلطت فيه اصلاً!
والله مامدح نفسي لكن انسانه محترمه ودايم بيتي نظيف والبس له واتكشخ له رغم انه مايمدح ولا كأنه يشوف اصلاً! لكن مايهمني اهم شي انا راضيه عن نفسي..

كل يوم اقول بيسأل بيتصل لكن ابداً مافيه امل!

__________________

التعارف كان من قبل خالته جت وخطبتني وصارت شوفة شرعية
وملكة (سنتين)!
اعمارنا متقاربه كلنا 22 سنه لكن انا اكبر منه ب3 شهور فقط..
الحياة الخاصه هاجرني تقريبا من شهر لا اعلم مالسبب..
من ناحية الدين يصلي لكن يسمع الاغاني ويشوف مقاطع اباحيه واتس اب وسناب شات كم مره انصحه لكن لا حياة لمن تنادي ..
علاقته بأهلي سيئه مايحب اخوي ولا امي ودايم يسبهم عندي وانا من داخل احترق، لكن ابوي مره رسمي معاه عشان كذا ماحصلت مشاكل بينهم
وعلاقتي بأهله ممتازه امه تحبني واحبها جداً
والحمدلله على كل حال..

مكانه الانسب

__________________
أشهد أن لا إله إلا الله و أشهد أن محمدا رسول الله صلى الله عليه و سلم

__________________



(الذين يبلغون رسالات الله ويخشونه ولا يخشون أحدا إلا الله وكفى بالله حسيبا)


اللهم اهدى إبنى عبيد و أخوته جميعا وجميع أبناء المسلمين

انتبهي تطلبين طلاق

كلمي ابوك عن الوضع يوقفه عند حده قبل يتمادى

وعطيه قرصه محترمه لأنه ماراح يحس بقيمتك الا اذا حس انه بيفقدك

الله يسخركم لبعض

هذا الشيطان يوزك ع الطلاق
لكم سنتين متملكين و اموركم في السليم وبعد الزواج وخلال 6 شهور بس تفكرين في الطلاق وهو كذا أسلوبه

صغر السن يلعب دور كبير لهذا لازم شخص كبير حكيم يتدخل بينكم
و يحط حدود لكلامه و لأسلوبه

و لا تزعلين مني
انتي توك عروس ليه تلبسين من ملابسك القديمة و ليه تبين تشترين ؟!
العروس اقل شيء تجلس سنة م تتكلم في شراء الملابس بالذات لأن بديهيًا تكون شاريه من مهرها

ياقلبي الله يفرج همك
لازم أهلك يعرفون باللي صار،،معليش ليش التعامل السيء ذا والأسلوب الجاف وانت باقي عروسه
لاترخصين نفسك له أبدا

الله يهديه زوج جاهل وسفيه وماعنده خبره بالحياة ، لازم وقفه جاده من قبل اهلك الوضع مايرضي الله ، واهم النقاط كالتالي ....!
/ السهر الكثير والمتأخر ...!
/ هجره للفراش لمدة شهر ماهي الاسباب ...!
/ تلميحه الدائم بالطلاق والاستغناء عنك ...!
/ اهماله وتقصيره بمسوؤلياته كزوج ....!

__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي

اختي

انا صحيح ما اشجع على التمرد على الزوج
ولكن كوني قويه بيني الجانب الآخر

يعني على كل هذا اللي يسويه وانتي ساكته

قبل ماتدخلين الاهل بمشاكلكم
انتي بيني له انج انسانه قويه لها كيانها واحترامها ومايتجرأ يكلمج بهذه الطريقه ويهملج وماعنده اي مسئولية اتجاه بيته

لازم تكلمينه بشكل حازم وانه يؤدي جميع حقوقه و واجباته كزوج
واذا الوضع استمر خبريه انج راح توصلين خبر لأهله واهلج

لانه في بعض الاحيان الموضوع يحتاج تدخل رياييل

وانتوا توكم في بداية زواجكم
عليج بالصبر وكثرة الدعاء له عسى الله يهديه