السلام عليكم ورحمة الله وبركاتة

لدي حساب على الاستقرام لة تقريبا 3 سنوات
عدد المتابعين يفوق 15 الف متابع حساب لايوجد بة
مايغضب الله لا صور نساء ولا اغاني ولا علاقات والحمد الله .
ما جذب المتبعين لهذا الحساب هو مقاطعي بقالب مضحك
مقالب بالاصدقاء بالاستراحة وايضا مقاطع من سفراتي ويومياتي
بالايضافة الي كلمات اقتبسها من هنا وهناك
تلامس مشاعر المتابعين والزوار طبعا الحساب مفتوح للجميع
في الاونة الاخيرة جأتني عروض اعلانات من خلال الحساب لمطاعم
ومفروشات .... الخ ..سويت دعاية المطعم ومحل حلويات بعدها توقفت
بصراحة مستمتع جدا بالحساب ولكن اين المشكلة !!!!

حرمنا المصون متضايقة تطلب مني حذف الحساب من شبكة النت
والسبب انت ما تشوف تعليق البنات على مقاطعك وكلامهم البايخ
قلت انا مارد على احد الا الاصدقاء الي بالاستراحة وخواني
وعيال عمي نعلق على المقاطع والمقالب ونضحك والباقي ما اهتم فية
ولا مرة كتب حرف لهم. وانتي عارفة الشي هذا

واسبب الثاني تقولي انت تبي تجيب لنا العين من هالمقاطع
لان فية مقطع مع عيالي بالبيت انتشر بالاستقرام والمدام خافت
صرت ما صور عيالي معي بس مازالت متضايقة تقول احذفة

ملاحظة

حذفت السناب شات لانها كانت متضايقة من اشياء انا مالومها
في قرارها وتم التنفيذ

عطونا حل مشكورين يرضي الطرفين





..

__________________
سبحان الله وبحمده سبحان الله العظيم

هي معاها حق تغار وغيرتها طبيعية بس مدام إنت ماترد على البنات هذا الشي يحسب لك مو عليك وأنا رأيي تتفاهم معاها بالكلام الحلو إنها تخفف من غيرتها وأن غيرتها مو بمحلها لأنه مو معقول تحرم نفسك من هواية تحبها وتنبسط فيها عشان غيرة مالها داعي.

لا الحمد الله ما رد على البنات .. و مبسوط مع هالحساب

__________________
سبحان الله وبحمده سبحان الله العظيم

كيف قدرت تخفي عنها معرفك هنا في المنتدى وانت تشارك بشكل متواصل ومستمر بدون انقطاع وماقدرت تخفي حسابك في الإستقرام والسناب وغيره

يخبرني قريب لي ان حالات الطلاق في المحكمة وصلت لنسب طلاق عالية جدا بسبب مواقع التواصل والأطفال هم الضحية ، مواقف وقصص مبكية والله بسبب هذه البرامج
ويقول طبيب نفسي كل مرضاي بلا استثناء مشاكلهم هي هذه البرامج يا حب .. يا زواج سري .. ياطلاق واطفال مشردين .. ياسحر وعين وطلاسم ورقية وبحث عن الشفاء

اخيرا
السعيد من اتعظ بغيره

هههههههه

بصراحة ودي اقولك الطريقة بس اخاف ني مصيود من قبل المدام وتعرف طريقتي
شي ما يخرش المية
لا ان شاء الله الامر مايوصل لطلاق وهو مجرد انها متضايقة ولا يوصل لزعل
ومشكورة على النصيحة

__________________
سبحان الله وبحمده سبحان الله العظيم

هلا بك اخوي شاطي الراحة

رأيي لا تحذف الحساب ولا شي ماشاء الله تبارك الله عدد متابعينك عالي وبيزيدون مع الايام وممكن يكون لك دخل من هذا الحساب لو سويت اعلانات وغيره
انت ماشاء الله تبارك الله ماترد على البنات وامورك في السليم اقنعها باي طريقة والله يختار لك مافيه الخير

جزاك الله خير اخوي ابو كنان كلامك علاقني

__________________
سبحان الله وبحمده سبحان الله العظيم

فعلا تعليقات البنات تضايق
زوجي أيضا يتابعونه آلالافات في الانستغرام وتويتر
وبعض التعليقات سخيفة .. ويسوون منشن لصديقاتهم
اذكر فيه تعليق شفته بما معناه : وسيم تلقين اللي متزوجها قوبعه ( بمعنى جيكرة )
ردت عليها صديقتها : صح ما شفنا شكلها بس الوسيمين ما يتزوجونا الا جياكر .. وحظ القبايح في السماء لايح

😂 بصراحة ما انقهرت .. و ضحكني
بس قلة أدب...


برأيي حاول تقنعها

__________________

حاجة الناس إليكم من نعم الله عليكم ، فـ لا تملوا النِعم ☁✨

اذا كانت بالعمل تنسخ بعض التعليقات الجديدة وترسلها لي
وتس اب قلت اذا بتابعين التعليقات بتتعبين
انا ما لتفت لها ابدا واحيان ما اقراها

احيان وحنا بالبيت تقراء على بعض التعليقات
وتقولي يا شاطي الراحة هالبنات وش يحسون فية طبعا انا اضحك هههه
وتقولي ليش ماتعلق على كلامي قلت والله ماعندي شي اقولة ههههه

هههههههههههه

الي قهرها امرة خطابة جاية تسوي علان عندي
كاتبة عن نشاطها وحذفتها هي وعلانها والي معها هههه


هي بس لو تسوي مثلي ولا طالع التعليقات كان حنا بخير

__________________
سبحان الله وبحمده سبحان الله العظيم

الحل بسيط عطها بلوك وإرتاح 😆
ما أتابع زوجي ولا يتابعني كل واحد له خصوصيته ، بس حلو إنك تراعي مشاعرها جزاك الله خير .

__________________
الحمدلله حمدا جزيلا ...