أهل زوجي ..

.
.

أبغى تكون عندي خطوات واضحة و مرسومة للسير معهم .. ما أبغى أعيش بشكل عشوائي ..
يعني أم زوجي خلاص صرت أعرف أتعامل معاها ..
و ما أفكر كثير كيف كانت و كيف صارت و ايش التعامل الأفضل بأي موقف يحصل بيننا ..
و صرت اكثر ثقة بنفسي في تعاملي معها ..

.
.

عشان كذا بمساعدتكم ، بأضع النقط عالحروف ..
و أجد اجابات لتساؤلات كانت بنفسي ..

سلفاتي ، هي وحدة محددة ..
أخاف من شرها .. و بدأ يظهر حقدها الآن .. لما تصلحت علاقتي مع أهل زوجي ..
أما اللي أنا على تواصل معها ، طيبة و كويسة و على نياتها ..

سلفتي مو مرة مهم .. خليها بعدين ..
لكن بدأت تظهر تصرفات .. و حابة برضو بالأخير اخد رايكم ..

هذا كل شي يختص بهم ..

يعني أفكر إني بعد كم يوم ، أقول لزوجي نسافر و نزور أخواته و نعيد على كل وحدة فيهم ..
( هي مرة وحدة في السنة )

طبعا أخواته راح يفرحوا بأخوهم ، لإنه ما يروح لهم كثير .. و راح يضيفونا أكيد ..
و منها أبغى أولادي يختلطوا مع أهل أبوهم ..

بس أنا اخجل إني أروح عند أحد و يضيفني و أنا ما أستضيفه عندي ..

.
.

اقترح عليه ، و لا ماله داعي ؟

ملاحظة للتوضيح فقط /
ضيافتهم لنا ، يعني يحطوا لنا من الي موجود ..
مو معناه ذبيحة و عزيمة و ماعرف أيش .. فقط لتوضيح الصورة ..

.
.

و أخواتي مع بقية الناس مرة كويسين و اخلاق و أدب و ذوق ..
مشكلتهم كانت معاي فقط ( و انتهت تقريبا و الحمد لله ) ..
لإني عرفت السبب و بديت أتفاداه و اتجنبه ..

كنت اتكلم عن دوامي و شغلي و أي مواقف في الغربة ، أخواتي يفهموني غلط ..
و يحسبوا اني ابين لهم اني احسن منكم ، و مو قصدي أبدا ..
أنا كذا - كان - طبعي ، أحكي كل شي و بعفوية و ما أتقصد شي ..
فصرت اتجنب الأمور هذه الي تزعجهم ..

لكن هما مع بقية الناس ، مرة كويسين ..
و هذا الشي الي كان يحز في نفسي شوي ، إنهم يعاملوا الغريب معاملة أفضل من معاملتهم لي ..
و طبعا أمي الله يرحمها كانت تفرق في التعامل بيننا و خاصة على اخر ايامها الله يرحمها ،

لإني كنت أكثر وحدة قريبة منها و اجلس اتكلم معاها و ما أحاول ازعلها قدر المستطاع ..

راح اختصر الي سبق ..

- انا مرتاحة حاليا كذا و الحمدلله .. لكن اهله مو عاجبهم و يجاملوني ..
و يسايروني حتى ينفتح لهم الباب عن طريقي ..
و لانهم جربوا كل انواع الشدة معايا و ما مشي معاي ..


- المقاطعة .. ليست حل ..
ممكن استخدمته سابقا لرسم الحدود و التأديب لعدم الغلط علي مرة اخرى
لكن اني اقاطعهم نهائي .. ما يصير بسبب وجود الأطفال ..
الا إذا جات منهم ؛ وقتها - فكة - و سويت الي علي ..


- اخوات زوجي محترميني و زوجي يبعدني عنهم و سلفتي اكثر وحدة متضررة منهم
بسبب زوجها و إجباره لها على خدمتهم .. تحذرني و تقول ( خليك افضل كذا بعيدة عنهم )


.
.


المشكلة فين !؟

دحين اكمل ..

وين المشكله
ننظرك روح
الااذا كنتي طويتي صفحتهم بقرار يرضيك خلاص لاعاد تفتحي هالصفحه

المشكلة ..

فيا أنا ..

.
.

هذا اللي اكتشفته ..

.
.

لا أحد يفهم غلط ..

.
.

يعني فترة انقطاعي عن الموضوع هذا ، و إلى الآن ..

الحمد لله و الشكر .. أعيش باستقرار نفسي ..
سواء مع أهل زوجي ..
أو مع زوجي ..
أو مع أهلي و خصوصا أخوي ..
أو مع زميلاتي بالعمل ..

.
.

غلطتي إني كنت أنسى و أسامح .. و أرجع انقرص
و إن ما نسيت و سامحت ، أجلس ألوم نفسسسسسسسي .. و اعيش في حيرة و تردد ؟

و لما أسامح و أنسى ، أرجع لنقطة الصفر ..

.
.

لما اعطيتوني نصايحكم و وضعتوا لي حروف عالنقاط ، و نورتوني ..
شفت انه الطريقة الجديدة هي اللي خلتني اعيش تمام ..

هي اللي خلتني أبعد كل شي يشغل بالي ، و أركز عالأمور المهمة ..
أولادي + دراستي + نفسي + عبادتي ..

من قبل كم يوم ، تكلمت مع زوجي .. كلام سريع ..
اقترحت عليه انه نعدي على أهله و نسلم عليهم ..

لإنهم ما شافوا الأولاد من بعد العيد ، زوجي رفض مثل كل مرة ..
و قالي ( مو لازم ) ..
قلت له ( من زمان ما راحوا .. لو في الشهر مرة يروحوا ، أو في الشهرين مرة ..
يعني 6 مرات في السنة ؟ )
جلس ينكت و يقول ( لو مرة وحدة في السنة .. كفاية )

استغربت الصراحة منه !
لكن بعدين اقتنعت بكلامه ..

قالي الصراحة ، أمس أمي كلمتني و قالت من زمان ما جبت أولادك ، ليه ما تجيبهم ؟
و قام اخدنا زوجي و رحنا لهم زيارة سريعة ..

.
.

- سلامهم كان بارد ، خالي من المشاعر ..
حتى مافي لا حضن و لا بوسة لأحفادهم .. بس شافوهم من بعيد و بس ..

- أنا طبعي أحضن أولادي و أبوسهم و ألعب معاهم ، و حتى مع أطفال أهل زوجي ..
و حماتي احسها تراقبني من بعيد لما أجلس اتكلم مع الأطفال و اخد و أعطي معاهم ..

- هما يراقبوا الأطفال عشان ينتقدوهم ، يبحثوا عن أي غلط فيهم و يعاقبوهم عليه ..
حسيتها تراقب اولادي و تدور عن أي شي .. و ولدي الوسطاني ، بالغلط مسك شي من باب الفضول ..
و على طووووول صاحت ، أنا انفجعت و رجعت الشي مكانه و شفت ولدي انفجع ..
( قلت له .. لا حبيبي ، لا تمسكه ) و ابتسمت له .. و ولدي فهم خلاص ..
هما يبغوني مباشرة اضربه ..

- الصغير جاء عندي و جلس في حضني ، و بسته و حضنته .. شفت أمه تطالعنا و ساكتة ..
قلت لها بحسن نية ، ما يخلي أحد يقرب مني ، لا أبوه و لا أخوانه .. يبغى بس كذا يكون جالس ..

- بدأت ابتساماتها تنقلب للون الأصفر ..

.
.

فهمت بعدين ليش زوجي ما يحب ياخد الأولاد عندهم ..
لإنهم يبدأوا ينتقدوا زوجي في كل شي يختص بالأولاد ..

و زوجي لإنه غير واثق في نفسه ( و إن كان الآن أفضل من قبل ) ..
فيرتبك ، و يجلس يهزئ في الأولاد أو يعاقبهم على اي شي .. و يعصب على الأولاد ..

أنا قدامي ما يقدروا ينتقدوا أولادي .. شايفيني كيف اهتم بالأولاد ..
و عيني عليهم طول الوقت ، و ما أعطي فرصة لأي أحد انه ينتقد أولادي ..

.
.

تويي اللي افهم و اكتشف الشي هذا ..

عشان كذا ، ما راح أقرب أولادي مرة كثير و لا ابعدهم ..
إذا أبوهم بياخدهم عندهم ، بكيفه ..

حتى سلفتي تقول لي ، إنه أهل زوجي دايما كانوا يضربوا أولادها و ينتقدوهم و يعاقبوهم و يهزأوهم ..
و يقولوا نحن ( عماتهم و أعمامهم و نربيهم على كيفنا ) ..
و قالت لي سلفتي اللي عاشت معاهم ، إنه أهله يحسبوا حساب لأولادي و ما يقدروا يخاصموهم ..
تقول يخافوا يخاصموا أولادك أو يزعلوهم ..

.
.

خلاص خلينا كذا أفضل ..

المشكلة ، أسلوبهم في التربية غلط ..
و ماني مستعدة أخلي أولادي ضحايا لهم ، يكفي زوجي كان ضحية لتربيتهم ..

الأسلوب الجديد هذا اللي اتبعته مع أهل زوجي - بعد كلامكم و نصايحكم -
خلاني قوية من الداخل ، خلاني ارجع لقوتي .. ( قوة أبوي الله يرحمه )

أنا مرض أمي ، و وفاة امي الله يرحمها .. أثر فيا ..
يمكن خلاني اعيش في صراع ، إني أحاول أكون ( هي ) .. ( مو أنا ؟ )

دحين رجعت لنفسي .. ما صرت اهتم بأحد ..
اللي يزعل يزعل ، و اللي يرضى يرضى ..

أخوي غلط و اساء لي و لأخواتي ..
اتبعت معاه نفس الطريقة ، و ارتحت ..

و نفس الشي مع أهل زوجي دحين ، صرت أنام و أنا مرتاحة ..
ما أجلس أفكر ، طيب الأصول كذا ، نحن تربينا كذا ؟ المفترض كذا ؟

خلاص .. هما كذا ، و ما ينفع معاهم غير كذا ..
هذا هو القانون الجديد اللي أمشي عليه ..

يعني خلاص نقول الحمد لله على السلامة؟

نتحمد لكي بسلامة عودتك الى الطريق الصحيح في التعامل معهم