الله يعينك ويصبرك
الصراحة الجي الى الله بالدعاء والاستغفار
وعليك بكل قوة تنسيه ماضيه
واذا لم تستطعين اجلسي معاه وضعي حدا لحقوقك

__________________
اللهم اصلح قلبي وقلب ابنائي

حبه ليس سبب لهجرك مطلقاً ولم أقتنع بهذا
السبب ولو كان صحيحاً لحرم التعدد فالرجل سيميل
لواحده ويظلم الأخرى!!!
وطبيعة الرجل ليست مثل الأنثى فلا يشترط للزواج
أن يحب الزوجة ويستطيع أن يقوم بالعلاقة دون حب ولا مشكلة
لديه في ذلك ..

زوجي قال من القهر وحرقة قلبه مو قادر يجيني هل هذا عذر !! او احتمال يكون فيه شي مسوينه له
اصلا انا اللحين اللي مابقدر اتقبل قربه صوبي مره ثانيه

عطيته فرصه لعقب رمضان فقط انه يعدل وضعه معاي
لو ماتعدل بطلب الطلاق

بس الحين ماني قادره اشوفه واتكلم معاه مادري شسوي
في كل لحظه ودقيقه اتحسب على هذيج البنت
علما انها على حد قوله ملتزمه وخلوقه
اي التزام اللي يخليها تتواصل مع واحد متزوج ولو كانت تحبه

حبيت اوضح لكم شي
انه اهله غير موافقين عليها
حتى هذه اللحظه
لكنه يدعي ان الله يسخر له قلب امه وابوه عشان يوافقون
وهو عايش على هذا الامل واذا وافقوا بياخذها

ماشفتوه كيف متعلق فيها وانها غيرت حياته للافضل !!
ونفس الوقت لا يريد ان يفرط فيني ! اناني بمعنى الكلمه

بس انا بدعي ربي وانا مظلومه ان الله يحرق قلبها مثل ماحرقت قلبي
ويبعدها عنه نهائياً


وايد خايفه من الطلاق ذقت الالم مره واخاف اجربه مره ثانيه
اللي كبري عندهم عيال و والوقت يمضي .. عمري 26

واخاف ينقلب علي بعد زواجه منها على الرغم من وعوده وكلامه ويقول خلي الايام تثبت لج

لكن للاسف لا استطيع ان اثق

أذكر مرة كتبتي انه قالك الله يسامح الي كانت السبب

ماسألتيه مين يقصد ؟

اختي لا تظلمي وانتي مظلومة
بدل ما تدعي عليها بدون ذنب
ادعي الله يبعدها عنك ويبعث لها نصيب تنسى زوجك فيه

مو ذنبها صدقيني الي يصير فيك


حاولي تكثري من الدعاء لنفسك وزوجك ولها
وحاولي تحسني علاقتك مع زوجك





ربي يسخره لك ويهديه

__________________


سبحان الله و بحمده
عدد خلقه و رضى نفسه
و زنه عرشه و مداد كلماته

~♥¤♥¤♥¤♥~

طيب بالفعل حاولي من غير مايدري تسألي امه او اخته بطريقه غير مباشره

يمكن قصه ومألفها يغطي على نفسه ..

اخترعي قصه.واذا تعرفين اسم حبيبته بيكون احسن
روحي لامه وقوليلها فلان امس كان يحلم وينادي باسم مراة واذكري اسمها.وكانه في المنام يريد يتزوجها.وافهمي من امه القصه.
شي ثاني هو مارضى بالقضاء والقدر للاسف.وخلاكي احتياط في حياته.
الموضوع بيده يا انه يرصى بنصيبه ومايظلمك وينساها او انه ينساك ويرجع لها.انتي لستي لعبه متى ما ارادها جاء وتسلى معها.

SABINE66
للاسف كان يقصد اهله بالسبب امه وابوه
لانهم حرموه من اللي يحبها حسبي الله عليهم هو وحبيبته


دوندرمه
مو ذنبها !!!! قسما بالله ودي اسبها بس ماسكه نفسي
مو ذنبها انها جليلة الحيا تتواصل مع واحد متزوج
هي لين هذه اللحظه تتواصل معاه على امل يرتبطون عسى عينها ماتشوفه
لو هي تخاف الله اولا ماكلمت ريال مايحل لها
وفوق هذا عرفت انه تزوج ماتركته ولازالت تتواصل وياه

انا اقول بس حسبي الله عليها وعسى الله يروايها



وبخصوص الموضوع هذا مو تأليف
انا سألت اخته وتأكدت
واخته عصبت وايد على اخوها وقالت انه الموضوع بينهم انتهى وهو وعدهم
لكن شكله حن او هي حسبي الله عليها رجعت تتواصل وياه ايام ملجتنا

لانه اول ايام الملجه كان غير ، فجأه حاله انقلب بعد كم شهر من الملجه

حسبي الله ونعم الوكيل

الله يسرلك ويكتبلك الخير
تاكدي رب العالمين لانك مظلومة رح ينصرك ويعوضك خير
الله يعينك ويصبرك
صبر جميل وبالله مستعان
بنات ناس صارو لعبة ودواء ليحلو مشاكلهم حسبي الله على قلة نخوة والضمير