مساوؤ زوجك كثير مو وحدة ولا ثنتين (( مايجلس بالبيت خير شر - مهمها طولت مدة الزعل مايفكر يجي يراضيك _متساهل بالصلاة_حاجر عليك بالبيت _يحلف بالايمان كذباا_ يهددك بالطلاق وماعنده مشكلة يطلق_ وفوق هذا كله مقاااطع ابااحية _ مكالمات ويمكن طلعات مع بنات وهذا بناءعلى الرسائل اللى قلتي عنها _العادة السرية ))

عزيزتـــــــــــــــــــــي
الله خلق الانساااان وكرمة عن بااااقي المخلوقااااات
لازم الوحدة تحفظ كرامتهااا وماتلغي وجودها او شخصيتهاا في بيتهاا وعند زوجهااا

انتي بنفسك قلتي : نفسيتي تعبت احط الحرة ببناتي بس خايفة اتطلق عشانهم
العكس انتي كذاا تعيشينهم في جو من التوتر والمشاحنات والمشاكل اللى تنعكس على نفسيتهم ونفسيتك ارحمي نفسك
اذا في الانفصاال سعة ورااحة بالبال وهدؤ واستقرار لك ليش لا هذا صاير زوج بالاسم بس وفوق هذا كله نكدي مايبيك لا تروحين ولا تجين
عموما انا ما احرضك على الطلاق انا اقوول في البداية وقبل اتخااذ اي قرار مصيري حاولي معاه مرة ومرتين وثلاث وادعيله بالهدااية وان شاء الله ربي يصلح الحااال
واذا ماتعدل................
((امساك بمعروف او تسريح بإحسان))

الله يكون بعونك أختي

صدقيني الموقف يبغالة وقفة حازمة منك

أنا شاب متزوج وزوجتي ما قصرت معي ومع الأسف مريت بمثل ما مر فيه زرجك ويمكن أكثر واجهتني أكثر من مرة ما نفع أتهرب منها وأقلب الموضوع عليها

بعد فترة زاد الوضع وأنغمست في علاقاتي وسبحان الله مع أنه ما عندها دليل علي الا أن عندها حاسة غريبة جدآ رغم حرصي علي عدم كشف نفسي الا أنها تحس أني مسوي شي بس تسكت


وضعت حد وقالت يا أنا يا علاقاتك توقعت أنها فترة وبتعدي لكن أصرت علي موقفها قلت خلاص لمجرد الخلاص من الأزمة

وفي يوم من الأيام كنت طالع من البيت وعندي موعد من مواعيد الهوي

أرسلت لي زوجتي مسج ودعت علي دعوة قلبت كياني وخلتني أتغير جذريآ وكنسلت الموعد

وبعدها بديت افكر الي متي وأنا علي هاذا الحال ودعيت ربي أن الله يهديني والحمدلله ربي هداني وقطعت كل علاقاتي وكله بفضل من الله ثم زوجتي

سردت لك قصتي لأن فيها الكثير من الي عايشته

والوضع يبيلة وقفة حازمة منك حتي لو من دون دليل قدام أهلك وخلي الموضوع بينك وبينه أفضل

صدقيني مهما طال الزمن أسبوع أو شهر أو شهرين مسيرة بيندم وبيرجع لك بس خليكي علي موقفك ولا تتنازلين

والله يوفقكم والله يهدي زوجك

__________________
اللهم ارحم والدي واغفر له

__________________

الاخوان والاخوات اللي قالوا اراجع نفسي ممكن اصير انا السبب باللي جالس يسويه
اقول انه ماتغير علي الا بعد مارجعت من اهلي ودخل النت وعاد قلب علي مره وصار عاملني معامله الله العالم فيها بعد ماشرى الايفون
وانا دائما اساله اذا انا مقصره معك بشي او ضايقتك بشي قلي ودااااااائما رده والله ماشفت منك الا كل خير
انا هذا اللي ذابحني لو اني مقصره معاه بشي اقول ممكن تصير تصرفاته هذي ناتجه عن تقصيري بس هو معترف اني ماقصرت معاه ليييييش طيب يسوي فيني كذا؟؟؟؟

واللي سالوا عن علاقتي باهله كانت حلوه بس بعد مارحت لاهلي وتدخلوا بينا صدرت منهم اشياء ماكنت متوقعتها منهم وتوترت العلاقه بيني وبينهم

اخويfeeilng مشكووور على سردك لتجربتك واسال الله ان يثبتك على دينه وان يبعد عنك شياطين الجن والانس
انا اللحين مصوره بعض الرسايل اللي شفتها بجواله من خلال تجربتك اللي مريت فيها هل تؤيد اني اوريه الصور واواجهه فيها بالرغم اني عارفه درت فعله بيقابها علي ويعتبرني اتجسس عليه بيقول اناو حر اسوي اللي ابيه مافيه اي احد يرده او يحاسبه
ولا اسكت وادعيله بالهدايه وان ربي يرده لنا ردا جميلا بالرغم انه صعب علي اشوف الاشياء هذي قدامي واسكت واسوي نفسي ماشوف

من ممكن يستحمل هالحياة الصراحة انتي وايد عجبتيني لان ما شاء الله عليج صبورة واااايد الله يفرج همج ويعطيج على قد نيتج

السلام عليكم
أختي الكريمة:
وضعك صعب، وأنت بين أمرين أحلاهما مرّ.
أقترح عليك:
الصبر، ومواصلة النصح والوعظ والدعوة بالتي هي أحسن، فربما ينفع هذا يوما من الأيام حتى لو بعد عشر سنين أو بعد عشرين سنة، أو أكثر.
لا تكوني واضحة وصريحة في وتحاولي اكتشافه، لأن هذا سيحزنك ويحزنه، حاولي معالجة الموقف بكل لطف، فالرجل عنييييد، ربما يأتي يوم ويكون بجحا ووقحا ويبدأ في الصراحة، وما دام يستحي أو يخاف منك فهذا أفضل من أن يتبجح أمامك.
ربما هو يحاول التوبة لكنه لا يستطيع، لا تطلبي الطلاق إلا في حال كان لمعيشتك خطر عليك أو على أولادك من ناحية التربية، أو لم يكن يجوز لك شرعا البقاء معه، مثل: ترك الصلاة بتاتا.
أكثري من الدعاء له بالهداية.
أسأل الله أن يهديه للصواب، ويرزقه حبك وترك ما هو عليه.

أنصحك بعدم إدخال أهلك أو أهله، إلا إذا أحسست أن أحدا منهم قد يكون سببا في هدايته، واحرصي على عدم فضحه، فهو زوجك، وفضحه سيسبب مشاكل كثيرة بينكما، وأيضا بين أهليكما.

__________________
كثير من المشاكل الأسرية والمعقدة لا تنتهي تماما، وإنما تبقى لها بقايا.
أي أنها قد يبقى منها 20% مثلا

مشاكلنا الأسرية المعقدة كثير منها لا ينتهي بصورة نهائية وإنما تبقى لها بذور يمكن أن تنمو في يوم ما، ما لم نتعاهدها بالحصاد.

مشاكلنا المعقدة لا يمكن حلها بضغطة زر، وإنما تحتاج إلى ممارسة ومجاهدة وضغط نفسي ومدة أطول مما نتوقع ليأخذ الحل مجراه.
المهم الصبر، فقد يكون بينك وبين الحل غشاء رقيق، فلا تتوقف.

شين وقوي عين!!
لا حول ولا قوة الا به،،،،،،،،، والله الذي لا اله الا هو وبحكم انني شاب ارى في مجتمع الشباب المتزجين مثل صنف زوجك الكثير!!
استهتار مابعده استهتار ....سهر وخيانه وسفر وكلن يقول للثاني من باب الرجوله" يارجال الرجال مافيها خير اذا سمع حرمته وخلها عنك واترك دلعها ولا يكبر راسها عليك انت رجال خلها تتطق ريح راسك"

اسمع الفاظ وكلمات وامور اكبر واعظم!!
يعني هن حافظات لبيوتكم ومربيات لابنائكم ومطيعات لكم ومحبات لكم وانتم والله مافكرتو فيهن!!

يا كثر هالنوعيه ياختي الصابره لكن عسى ربي يعينك ...في رايي المتواضع لا تعلمين احد احد من اهلك وتسوينها مشكله لكن رااي عليك تقولين لواحد من اخوانك وتقولين له صارحه ووقف معه وقفة رجال وخله يايتعدل ويحس ويضمني باحسان والا يتركني اعيش بسلام وطمئنان في بيت اهلي معززة مكرمه!!

طبعا اخوك اتفقي معه ما يقول لاهلك يعني جلسه بينه وبين زوجك ..

الله يوفقك ويصبرك ويخليلك بناتك يارب

العفو أختي والله يجزاكي خير

المواجهة ضرورية حتي لو ما عندك أثبات لأنك متأكدة 100% من علاقاتة ما بالك لو عندك أثبات يعني ما فيه مجال
وبعدين لو قام يلف ويدور خليكي ثابته وقوية وقولي أنا ما عندي أستعداد أعيش مع واحد خائن ويا أنا يا علاقاتك
وبتفرق كثير لو قدرتي تروحي لبيت أهلك كم يوم وتحججي بأي شي لهم وأنصحك بكتم الأمر عنهم ولو حسو بأي شي قولي خلاف عابر وبينتهي بأذن الله

الأمر يحتاج قوة وحزم في المواجهة

والله يعينك والله يهدي زوجك ويبعد عنه وساوس الشيطان

__________________
اللهم ارحم والدي واغفر له