السلام عليكم

كيفكم ؟
هذي اول مشاركه ليا ،،اعذروني بس مستعجله بالكتابه ونفسيتي تعبانه مااارا ،،،

انا عمري 17 ومملكه على واحد عمره 21 (زوجي يعني )

انا مملكه من 7 شهور وبالبدايه كنا بمشاكل وكيدا بس الحمدلله اتعودنا على بعض وبدينا نفهم بعض وكانت مكالماتنا مرا وحده بالاسبوع بس بنتكلم ع البي بي يوميا وكنا مبسوطين ،،،بصراحه هوا مو مقصر معايا بشئ مدلعني ولمن بيجيني البيت بيجيبلي معاه هدايا وايام الاختبارات يجي ويتصل على اخويا ويعطيه حلويات واكل وشغلات يعرف اني احبها ،،وانا والله ماكنت اقصر معاه لمن يجي يسهر عندي ونضحك ويجوا اخواتي الصغار ويقعد يمزح معاهك وكيدا ،،المشكله هوا جابلي جوال من محل مايدرس بكندا وطلعلي شريحه باسمه ،،وانعزمت قبل فتره انا وامي والبيت كله بنات وحريم وانسرق جوالي الله لايسامح اللي اخذته ومن وقتها زوجي مايعرف عن الموضوع بس امي قبل فترة ارسلتله رساله وقالتله ع الموضوع ،،انا وربي مالي نفس اروح المدرسه ولا اكل لو اشرب وماني عارفه ايش اقله مررا مستحيه ومعصبه...هوا قعد يتواصل مع امي ويسال عني الفتره الماضيه واتصل على بيتنا اكثر من مرا بس الى الان ماكلمته ،،ودحينا صار مرررررا زعلان ولمن امي بتقوله زوجتك بتسلم عليك مايرد بيسالها عن ابويا واخواني ويسال عن امي ويطمن عليها بس مايسال عني ..ولمن امي تقوله زوجتك تبغى تكلمك ايش رايك تتصل عليها ذحينا على البيت يقولها انا بروح الجامعه ذحين وبحصله ع الواتس ،،،تغير عليا ،،خايفه يكون فهمني غلط ،،،حاسه صار يكرهني وماصرت مهمه عنده ما اعرف ايش اسوي وربي ماني قادره انااام

أول شي مبروك الله يوفقك ويسعدك
يا أختي أنتي مكبره الموضوع زوجك لا صار يكرهك ولا شي بس هو ماخذ على خاطره شويه منك
معاه حق المفروض أنك كلمتيه من أول أش فيها يعني أنسرق جوالك قامت القيامه
ذحين أنتي تتواصلي معاه و أعتذريله و فهميه بطريقتي و أسلوبك وراح يرضى أن شاء الله
الله يجمع بينكم على خير وحب وسعاده
اللهم أمين يارب العلمين

ههههه يا ضرافتك

لا ما يكرهك ولا شيء

كل الي عليك ارسلي له رساله شوق وكذا

و بعدها اتصلي عليه اذا هو ما اتصل

...........................


خلي اهلك يجيبولك جوال ثاني وشريحة ثاني وتواصلي معاه .. ولا ناطرينه هو يجيب جوال بدل اللي انسرق؟

هي رسالة عتب من زوج محب
نصيحتي لك بأن لا تكثري الاتصال ولا تنقطعي عنه ويكتفى بالقليل من الاتصالات والرسائل فلا تعطيه كل ماعندك في فترة الملكة.

__________________

الله يبارك فيك
الموضوع مو بس عالجوال قالي كل حاجه بقله وما توقعت شايل علي قد كذا

مادري بس كلمته وقالي كلام كثير وحده مو راضي يتكلم معايا حتى كلامه الحلو اختفى

مشكوره حبيبي

يعطيك العافيه اخوي

المشكله مررررا اتغير, مو الانسان اللي اعرفه , مو الانسان الحبوب والطيوب اللي كنت اعرفه

ماني عارفه احس ضايعه,,, انا جدا حساسه وازعل من اي شي ولابسط سبب وهوا عارف الشي ذا وكان دايما يقولي لاتدققي كثير حتتعبي,,الفتره ذي له ثلات ايام ساب الدخان وعصب عليا يقولي اسبوع مريض وانتي ماتسالي ولايهمك لو مو انا اللي قايلك ماهمك,, موكافي عايش بغربه ومايهمك اذا انا بخير ولا لا؟ اكلمك تاخذي بالساعات عشان تردي واحيانا واحنا بنتكلم بتطنشيني وتنامي ولا تروحي تلعبي مع اخوك.... طيب انا ايش ذنبي مشغوله وشايله هم الزواج ومتوتره وعندي دراسه ايش اسوي؟؟
هوا بصراحه لمن امرض يسال عليا ولمن ما اروح المدرسه يزعل ويهزاني وجدا طيووب معايا وكذا فرفوش ويحب المزح بس ذحينا مررررا مو طايق كلمه مني,,,يقولي انا جيت افضفضلك وانتي بدل ما تهديني وتوقفي بجنبي الفتره ذي لين انتهي من موضوع الدخان صرتي ضدي وتزعلي على اتفه سبب حتى لو كان مزج,,,

انا غلطت قلتله طيب عشانك مادخنت جاي تدور مشاكل عند زوجتك؟ ونعم الرجل!!! عصببب وسكت شويتين بس رد بكلمه "كلمتك هذي كبيره بحق الرجال واتذكريها" ومن العصبيه اللي فيني قلتله "اذا تشوفها اهانه مشكلتك" والله اني احبه وماكنت اقصد الكلام ذا بس متنرفزه من كلامه,,,قبل شويا ارسلي رساله يقولي "انا انتقدت بعض تصرفاتك بس ما انتقدت شخصك او اهنتك او جرحت كرامتك, انا تكلمت عن بعض التصرفات اللي ماتعجبني ولكن انتي للاسف اهنتيني شخصيا وقلبتيها شخصنه, الحمدلله حتى ترضى والحمد لله اذا رضيت والحمدلله بعد الرضا والحمدلله على كل حال,, ان شاء الله قريبا راح تسمعي كل شي يسرك, في امان الرحمن" ماني فاهمه ايش قصده بالكلام ذا بس احسه شايل بخاطره من المشكلتين وهوا فاهم تصرفاتي اني ما ابغاه واني اتجنبه باي طريقه وخاااااايفه من كلامه , ماني فاهمه ايش يقصد قريبا تسمعي اللي يسرك ؟

الله يستر