18-03-2017, 03:05 AM
|
المشاركة الأصلية كتبت بواسطة زين ابيها
كلي على بعضي أونس القلب...
 آنه اللي بانصحج إن توفرين نصيحج قد تحتاجين تستخدمينها حق نفسج يوماً ما ... النصيحة البيضاء لليوم الأسود .... سلام |
18-03-2017, 10:25 PM
19-03-2017, 05:05 AM
|
المشاركة الأصلية كتبت بواسطة أُقْحُوَآنّ ♡
من غير توصين يا كوكي من العصر على اعصابي ابي ارجع البيت وامخمخ على الخاله زين 😎 شوفي يا ستي انا جلست اقولبها براسي يمين ويسار واللي طلعت به انو مافيه دخان من غير نار ليش قالت لك يا خاله فكري معي ليش 🤔 اكيد موب عميا ويبين من الشكل اذا كبيرة ولا صغيرة وهذا يدل على ايش يدل على انك فعلا كبيرة فماله داعي هالحركات يا زين خلاص ترا كله رقم والشباب شباب القلب وبالعكس كبيرة عاقلة ولا صغيرة مطيورة ( اسهل عليك الاعتراف ) و بما انك تقولين انك حديثة عهد بالنقاب فشكلك مسويه مثل الكومبارس اللي بالمسلسلات البدويه الا غصب يبي يقنعك انه بدوي يا اخي هزا الحتشي ما زين اي نعم بالضبط عقال الكومبارس يمثل نقابك ( هاذي اللي بتتكفخ ) لا تعصبين بس افكر معك في الاسباب 🤔 كيفني معك يا كوكي تهقين قضينا على مستقبلها ولا باقي او البنت تستهبل عليك سلامات ياللي ما تعرف تفرق ولا ما جا على بالها انو فيه بنات منقبات خير 😤 في الحقيقة مالومك تقهر شوي وش اللي يا خاله ليش ما حشرتيها باقرب زاوية وتناقشتي معها من وين استشفتيتي اني ممكن اكون كبر امك ها من وين يا ذكية الله من العباطه ببعض البنات * ولا عليك يا زينو يعني اذا هي عندها عمى اشكال وشافت القمر نجمه نلوم القمر ولا هو يلوم نفسه ولا اللي ما يعرف يفرق بينهم هو اللي عليه قل صح بعد الدرر اعلاه مفروض خلاص تقفلين الموضوع 😜 |
|
المشاركة الأصلية كتبت بواسطة ملكة غاليها..
يا كتر المواقف يازين
وخاصه مع المنقبات مرة كنت بالملاهي ومعي بناتي صغار اكبرهم 8 سنين ولا تقولي وحده من الموظفات ياخاله انا هون ما اقدرت اسكت هي غير منقبه قلتلها انا بعمرك وشوفي بناتي صغار انت شفتي وجهي كيف بتقولي ياخاله ؟؟؟ طبعا تلعثمت وقالت انت منقبه وانا مابعرف عمرك ومرة انا وزوجي بالمول ووحده بدها تمر فقالت شوي يا خاله وقدام زوجي انا ارتفع ضغطي لانه المرة واضح انها ممكن اكبر مني وانا معي فقط بناتي الصغار لكن عبط بعدت بهدوء وتظاهرت بعدم الانتباه لكن زوجي ما بتفوته ما ان مرت حتى انفجر ضاحك وقال سامعه قالت خاله قلتله وانت جدها فاهم واضحكنا |
|
المشاركة الأصلية كتبت بواسطة Rudi
زيون احمدي ربك انتي حكموا عليك من خلال شيء عام
اما غيرك بشكلهم العادي 😂😂 اختي راحت زواج صديقتها وسلمت ع أخت العروس وقالت انتي أم العروس 🙃💔 و صديقة اختي جات بزواج اخوي وجات أم البنت أعطت الواجب لوحده من خواتي ع بالها انها أم العريس الله لا يوريك طول الزواج اختي تاكل وتبلع في الفيفادول و ضاق صدرها ولا عاد رقصت ههههههههههههه يعني انا اشوف ان طالما محد حكم عليك من وجهك وجسمك فهذا شيء عادي ما يضايق ابدا انتي ادرى بنفسك و ما عليك من احد |
19-03-2017, 05:12 AM
|
المشاركة الأصلية كتبت بواسطة kooki3
أفه يا زينب زعلتي مني ، حقش علي وما يكون خاطرش الا طيب ، ما حب ابد حد يزعل مني وخصوصا
الناس القراب على قلبي ، خذي يا بت وبلاش زعل |
|
المشاركة الأصلية كتبت بواسطة مبتعثة متفائلة
مره كان معانا طالبه تدرس بكالريوس
والبنت مؤدبه وشكليا وشخصيه تحسينها اكبر من عمرها كانها من بنات الدراسات العليا انا وصديقتي كلنا نفس العمر وندرس دكتوراه واشكلنا اصغر من عمرنا يعني الي يشوفنا معاها بيقول بكلاس واحد تنادينا ياخالتي صديقتي زعلت مع انها ام عيال انا عادي قلت هي اساسا من عمر عيال اختي وانا ماازعل منهم اذا قالوا لي ياخالتي فعادي بالنسبه لي على الرغم من ان زميلتها لنفس مرحلتها كانت تنادينا باسماء الدلع هههه شوفوا الفرق هذي خالتي وهذيك تدلعنا صديقتي كانت مجننتها وخده تناديها طنط عقب انفجرت عليها وقالت خير وش شايفتني مره كنت رايحه مشغل ومعايا بنت خالو وكنت مهتمه فيها لاني جايبتها للمشغل وصاحبه المشغل عارفه اني دكتوره فقالت لي هذي مين هذي بنتك مع انه لاشكليا ولا عمريا ولا منطقيا هههه شي يوحي انها بنتي قلت لا ولا انقهرت لاني واثقه من نفسي وعارفه انها تحسب محد يصير بهالشهاده الدراسيه الا عياله اطول منه مرتين ودايم مع اختي الاكبر يحسبونها امي بصراحه لما تطلع الكلمه من بنت صغيره او طفل مره تنبسطين وتحسبنها ادب منه لكن لما تطلع من وحده اطول واعرض منك جد تخلخلت عظامها خير ان شاءالله ههههه امي مجننتها وحده كبيره تناديها يمه قالت امي ومصمه متى جبتك ان شاءالله اشوف ماله داعي كلمه خالتي ممكن انادي الوحده باسم ولدها الكبير واذا ماعرفه مو لازم يعني كانوا يقدرون يقول لج يازيون ممكن لو سمحتي بنعدي من عندج |
19-03-2017, 09:25 AM
|
المشاركة الأصلية كتبت بواسطة زين ابيها
واي كوكو لا تقولين جذي تخلين ضميري يأنبني
بالكوفي عادي لو قلتي لي جذي.. بس هني احس مو الكل بيفهم ولا الكل بيعرف عن شنو مزحتنا اللي كان بيقرأ الرد عبالهم ربيتي ناقصة والربية هي عملة معدنية وهي المسمى الاخر للمائة فلس يعني اللي بيقرا بالذات كلمة ان اتخيل و ان ويهي امبقع 😂 عبالهم ويهي مغسول بكلوروكس ما يدرون ان هذي حبة خال لا تكاد تُرى احبج ❤😘😘😘😘 ههههههههههههههههه واي يبوووي قتلني رد امج الله يحفظها 😂😂😆😂😂😂😂😂 ذكرتني بأمي بس الموقف معاكس اتذكرنا كنا بمجمع انه وامي اذن المغرب و رحنا نصلي بالمسيد وانه اصلي امي خلصت قعدت تسولف مع وحدة يعني اعطيها عمر 70 سنة ما شاء الله فجأة دخلت اسيوية صارت العجوز تتكلم مع الاسيوية بالانجليزي 😂😂😂 عاد امي قالت لها ما شاء الله عليج يا يمه اتعرفين انجليزي شكلج من العاصمة قالت لها اي من العاصمة شدراج قالت لان المناطق الباقي اللي بعمرج ما شاء الله ما يعرفون انجليزي بهالطلاقة اللي يعرفون يعرفونه من الاحتلال البريطاني 😂😂😂😂😂😆😂 حسيت ان العجوز صار فيها دوار البحر طقت على صدرها وقالت يعني قصدج انه چبيرة بالعمر ؟؟ قالت لها امي لا يعني لج طول العمر ان شاء الله 😂😂 مسكينة انهارت من امي الله وكيلج عدت صلاتي من كثر ما ضحكت بعدين امي اعتذرت ووضحت لها قصدها |
19-03-2017, 10:35 AM
19-03-2017, 02:45 PM
|
المشاركة الأصلية كتبت بواسطة إستنكار
ارتبط مظهر الستر للاسف بالعمر
الام متسترة و عباية واسعه و بنتها عباية قصيرة ملفته والاساور و المناكير مالنا الا نصير يا جبل ما يهزك ريح 🙄ونتحمل اكثر الكلمات موجعة للمرأة الشابة مثل يمه و خاله 😅 بس القهر لا انقالت قدام الزوج 😑 |
19-03-2017, 04:30 PM
20-03-2017, 12:47 AM
20-03-2017, 01:05 PM
ـ 43 سنة .. ولو إني متزوجة بدري جان عيالي واصلين العشرين .. وفعلاً عندي بنت أخت عمرها 24 سنة وكنت أشيلها وأحطها وهي صغيرة ومن كثر ما كانت لاصقة فيني كانوا يفكرونها بنتي.
) .. وبنات أهل زوجي كلهن ـ حتى اللي أعمارهن في العشرينات أو أصغر ـ ينادوني باسمي .. أما أصدقاء سلطان ما ينادوني أصلاً .. وتوني الحين انتبهت إنهم لما يتصلون مثلاً عشان يسألون عن سلطان أو يكونون عندنا في البيت يبدأون كلامهم على طول بدون مقدمات أو نداء. .. ووالله ما تذكرته إلا لما قريت موضوعج... وأحس إني راح أسيء لنفسي. .. وفي حالتج يا زين يمكن بالفعل هيئتج الخارجية مرتبطة بكبار السن في ذهن هالبنات فكان كلامهن بحسن نية.. وإما يستهبل ويعمل حركات بقصد إغاظتي واستفزازي. ) .. وأظن أن التحسس من موضوع السن في مرحلة الشباب راح يصعّب علينا تقبّل مرحلة الكبر والتقدم في العمر .. وممكن نتصرف تصرفات ساذجة أو غير عقلانية عشان نثبت لأنفسنا وللآخرين إن احنا ما كبرنا.
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
