والله حسيت قلبي بيوقف..ولكن .... - منتدى عالم الأسرة والمجتمع

20-11-2007, 09:36 PM

(مصدومه)

عضو جديد

تاريخ التسجيل: Oct 2007

المشاركات: 38

والله حسيت قلبي بيوقف..ولكن ....

السلام عليكم ورحمة الله

يا جماعه

يا ناس

احنا وين عايشين؟

والله جد !!!

تدرون شنو صار؟

يا الله افتكرت الموقف وتجدد الخوف

هذا موقف ابي اعلمكم فيه ولا احد يدري فيه الا انتم بعد الله

ما علمت احد علشان لا ينهبلون

تدرون شنو صار

اليوم رحت زياره لهلي...

المهم في العصر الوالده طالعتني قالت الجو حلو شرايج نطلع نتمشى شوي ؟
انا ما صدقت انها طلبت لأن عيال المدارس نايمين من تعب المدرسه

المهم
طلعت انا والوالده الله لا يحرمني منها وبيدي ولدي صغيرون المجموع ثلاثه اشخاص

اول ما طلعنا من البيت مبااااااشرة قلت يالله أذكار الخروج

بسم الله
آمنت بالله
توكلت على الله
لا حول ولا قوة الا بالله

اعوذ والوذ بكلمات الله التامه
من كل شيطان وهامه
ومن كل عين لامه

بسم الله علي الذي لايضر مع اسمه شيء في الارض ولا في السماء وهو السميع العليم

وكررناها 3 مرات
وكلنا ايمان بأنها سبب من اسباب حفظ الله لنا
وهذي عاده تعودناها من الوالده لا حرمها الله من الاجر واسأل الله ان يجيب لها سؤلها ويجعل الجنه مثوانا ومثواها

المهم بدينا الطلعه وتمشينا مشي بدون سياره ورحنا لسوق قريب منا منها رياضه ومنها تغيير جو

نسيت اقول لكم اننا ما خرجنا الا بإذن ازواجنا

يعني مسوين اللي علينا والتزمنا بأوامر الدين الحنيف ..اللهم ادم علينا نعمة الاسلام

ظلينا برا قريب الساعتين وبعد صلاة المغرب قررنا الرجوع للبيت
يعني الدنيا ظلام الا من لمبات الشوارع وحركة الناس فيها

ماشين في امان الله
الا وتجي سياره فيها شباب والله مدري شقول الله يهديهم والا ياخذهم ويفك الناس من شرهم

انا ماسكه ولدي بيدي وجالسه العب لعبة كلمات معاه وواضح من شكلي اني ام وان امي امرأه كبيره وواضح اننا مو حول احد...

واضح من عباياتنا اننا مو راعيات خرابيط
واضح اننا في حاااااااااااااااااالنا
والدنيا امان
وكم مره طلعنا زي كذا طلعات من 15 سنه واحنا نطلع كذا طلعات ما سبق وحصل زي اليوم

طولت عليكم ادري

امي سبقتني قدامي لأننا قربنا من البيت .. والدنيا شويه ظلام

و سياره جت قربت مني انا ع الرصيف وهم في الشارع

وقام اللي جنب السايق يقول:

( يا حلو اعطينا وجه... تعالي تسلي معانا ... يا بنت تعالي ...سيبك منه وتعالي )

السياره قدمت قدامي وطالعت فيهم

انا حسبته معاكس وبيروح

لا

وقف

وقفففففففففففففففففففففففففففففففففففففف

وفتح باب السياره

وكان بينزل

وفعلا نزل وهووو يطالعني

خويه رفع صوت المسجله للآخر ( الظاهر قصده ما يسمع احد صراخي لا سمح الله)

قام يقول بشكل حاد ويبحلق عيونه فيني ويعض على اسنانه ( اتركي الولد ويالله...)

اقسم بالله يا ناس انا جمدت
وقفت
يبست
اوصفوها زي ما تحبون

انا قلت بصوت مخنوووووق مرررره : يمممممممممممممممممه ( استغفر الله نسيت ربي)

مسكت يد ولدي بقووووووووووووووووووه
لدرجة انه قال ياماما عورتيني (لما وصلنا البيت)

تدرون شنو صار...انا قلت خلاص هذا جاي وابي اشوف من وين اهرب منه الله لا يسامحه

والله وربي ما اكذب عليكم

فجأه هالسافل صار يطالع في الجهه اللي جنبي وكأن فيه احد جاي

انا طالعت الجهه اللي هو طالع فيها مافيها احد

اقسم بالله يا بشر كان يطالع في شي انا ما كنت اشوفه كأن فيه احد متوجه جهتي
طالعت امي لقيتها رايحه البيت ما انتبهت لي ابد افتكرت اني وراها ما درت ان الحياه دقايق وثواني لا اكثر

انا قلت بس
خلاص

هذا ملك والله ارسله(افتكرت قصة البنت اللي قرب منها القاتل وراح وقتل بنت ثانيه ولما سألته ليش ما قتلها مع انها جدامه واول وحده ...قال والاثنين العمالقه اللي جنبك كيف تبيني اقضي عليهم..هي فهمت انهم ملائكه لأنها قرت الاذكار)

والله كأن احد صب الطمأنينه صب في قللبي

ارتحت مرررررررررررررررررررررره

ووقفت مكاني وانا كلي يقين ان الله معاي( اول مره امر في موقف واحس فيه بالقوه هذي )

تدرون كيف كان شكله؟

فجأه صار يطالع من الجهه اللي جنبي وكأن فيه احد جاي جهتي(حسبتها امي انتبهت لي)

وسكت

ونزل عينه بالأرض ودخل السياره وراااااااااااااااااااااااااااااااااااااح وهو لا يلوي على شيء

انا سكت ولحقت امي بالبيت ولا علمتها بس بقيت مذهووووووووووووووله

صراحه موقف مخيف

حسبي الله عليهم
حسبي الله عليهم
حسبي الله عليهم

آسفه طولت عليكم

لكن

لا تنسون الادعيه والاذكار
وخلوا اايمانكم بالله قوي

(سامحوني يمكن اسلوبي مفكك ومو مركزه بس والله لازلت مصدومه واحمد الله على سلامتي)
امنتكم الله

20-11-2007, 09:43 PM

طيف من نور

عضو مثالي

تاريخ التسجيل: Aug 2007

المشاركات: 643

الحمدلله على السلامه...
اختي ان شاء الله ما تشوفي شر أبدا..

اللهم من أراد بنساء المسلمين شرا فاجعل كيده في نحره
حماك الله ورعاك

20-11-2007, 09:45 PM

نجوى80

عضو نشيط جدا

تاريخ التسجيل: Feb 2007

المشاركات: 330

الحمدد لله على سلامتك حبيبتي
عسى ما يصيبك شر
و ثابري على أذكارك ترى ما في أحسن من ذكر الله عز و جل

__________________
---------

20-11-2007, 09:46 PM

ابو فراس النمري

كبار شخصيات المنتدى

تاريخ التسجيل: Aug 2006

المشاركات: 1,886

الحمد لله ..
اختي ..
لقد حفظك الرحمن بما يحفظ به عباده الصالحون ..
داومي على الاذكار فهي سلاح المؤمن ..

حفظكم الله تعالى

__________________
الفضاوة إما تصنع مبدع أو

مريض

20-11-2007, 09:50 PM

عناديه

عضو نشيط جدا

تاريخ التسجيل: May 2007

المشاركات: 309

لاتخرجي من البيت وحدك مع والدتك وولد صغير

يجب ان يذهب معكما رجل ليحميكما من الذئاب الجائعه

20-11-2007, 10:01 PM

مشكلتي اصدق

قلب المنتدى النابض

تاريخ التسجيل: Jan 2006

المشاركات: 3,893

يا الهي
والله الزمان خرب خلاص ما عاد فيه امان
قبل كام يوم شباب يقولون لأمي بكل استهبال يا امي تعالي نوصلك واخويا معاها ..اخوي خبط السياره بيده وسبهم وهزأهم .وهم شردوا..وهي ما بينها وبين البيت الا كام متر بس..الله لا يسامحهم ولا يوفقهم
الكلام ما يوقف عند محرم او رجل اولا
الكلام انه اذا لم تستح فاصنع ما شئت

الف الف الف الحمد لله على سلامتك

__________________
[/IMG]

20-11-2007, 10:02 PM

جوجى الجميلة

عضو جديد

تاريخ التسجيل: Apr 2007

المشاركات: 1

الحمد الله على سلامتك
ولا تنسى من حفظ الله حفظه
ربنا يحميكى انت واللى زيك

20-11-2007, 11:02 PM

abo marym

عضو المنتدى الفخري

تاريخ التسجيل: Dec 2003

المشاركات: 5,781

الله أكبر الله أكبر ولله الحمد

حمدا لله على سلامتكم وحفظكم

طبعا الاذكار حفظ من الله تعالى

ونسأل الله ان يقينا من مصارع السوء

آمين يا رب العالمين

__________________

قال الله تعالى

فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّاراً {10}
يُرْسِلِ السَّمَاء عَلَيْكُم مِّدْرَاراً {11} وَيُمْدِدْكُمْ بِأَمْوَالٍ
وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَاراً {12}

20-11-2007, 11:07 PM

العازم

موقوف

تاريخ التسجيل: Jan 2006

المشاركات: 1,321

حمدا لله ان سلامكِ من هولا الاشرار .. نسأل الله لهم الهدايه ان كان في هدايتهم خير او يخسف بهم ان كان بهم شر على عباد الله المومنين ..رعاكم الله

20-11-2007, 11:24 PM

#10

jeans

كبار شخصيات المنتدى

تاريخ التسجيل: May 2006

المشاركات: 4,360

والله وقف شعر جسمي

الحمد لله على سلامتك

والله انقهر من هذي التصرفات من بعض الشباب

يحسبون الدنيا لعب وبس مايدرون ان ربي بيسلط عليهم من اعمالهم

الله يحفظك من الشر وكل مره

ويستر علينا وعلى بناتنا

اللهم آمين

__________________

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه