السلام عليكم
في البداية أحب أتكلم عن نفسي بشكل مختصر حتى إذا دخلت في مشكلتي ،اللي بيعطيني رأيه يفهم مقصدي
انا انسانة لطيفة في التعامل ، مع الكل وما أفرق بين رجل و امرأة لأنه طبع فيني وكلمات الشكر والاحترام شي متأصل فيني : مثلا : شكرا / جزاك الله خير لو كان الشي بسيط ومايستاهل الشكر عند بعض الناس .. ولو طلبت من أحد شيء ضروري عندي أستخدم هذه العبارات : لو سمحت / اذا ممكن / لو تقدر وغيرها من العبارات اللي تستخدم بين البشر بشكل طبيعي وعادي .
مشكلتي مع بعض الرجال ، خصوصا لو كان لي احتكاك دائم به، يعتقد بتعاملي هذا أنا أستلطفه أو إني قاعدة أعامله معاملة خاصة و هو مايدري إنه هذا أسلوبي مع الكل !
وماتتوقف المشكلة لهذا الحد، سبق وكانت لي مواقف كثيرة متعلقة بهذا الموضوع وبعضها كانت راح تتحول لمشكلة حقيقة لكن الحمدلله بمساعدة العضو أخي في الله اللي أحترمه جدا و انا ممتنة لكل وقفاته معي ، تجاوزتها كلها ، لكن كل ما أمر بموقف مشابه أحتار كيف أتصرف؟ وما أعرف هل المشكلة فيني وفي طريقة تعاملي مع الرجال ؟ أم المشكلة فيهم وفي قلوبهم المريضة؟!
ولو كانت المشكلة فيني كيف أحلها ؟! هل أغير أسلوبي وطبعي وأصير مثل بعض البنات لما تتكلم مع سائقها ترفع صوتها عليه وبس تخاصمه وماتحترمه؟! ولا أستمر على ما أنا عليه وأطنش لأني صح؟!
وحتى تفهموا قصدي كويس بذكر لكم آخر موقف حصل معي، عندنا سائق يوصلني الدوام مع أمي، يوم تكون أمي موجودة ساكت ومايتكلم الا في حدود و يوم تغيب أمي من الدوام أحسه يستغل الموضوع ويفتح مواضيع معي ويسأل وكأنه يبى يسولف، انا طبعا مرات أرد بكلمة ومرات أطنش .
مثلا سألني اليوم: اليوم أربعاء ولا خميس!!!
وسألني عن رقم شحن بطاقة سوا!!!
وقاعد يتكلم عن عياله و مدارسهم وكلها سواليف أنا ما سألته عن أي شي منها!!!
وقبل فترة كان يقولي ليش ما اقدم شغل في المكان الفلاني رواتبهم حلوة !!!! ويقول فيه وحدة كان يوصلها تشتغل في هذا المكان وراتبها كذا وكذا !!
مابقي إلا يسألني كم راتبي الحالي وهل انا مرتاحة في عملي أو لا !
هذا موقف واحد من ضمن مواقف، ومو بس مع سائق يصير حتى مع عضو في منتدى أو دكتور ،، يعني انا مو من نوعية البنات اللي هي بنفسها تبي تسولف ومطيحة الميانة ، بالعكس انا حاطة حدود وحواجز وما أتكلم إلا في حدود اللي بيننا سواء كان عمل أو معاملة أو خدمة أو استشارة لو كان دكتور مثلا، فما أدري ليش يصير لي كذا؟؟؟
بصراحة انا منزعجة جدا،، بعض الرجال ما أدري ايش يحسو فيه مهما حطيت حدود وحواجز، يتجاوزوها .. ما أدري أيش الحل معهم؟!
هل الحل أصير قليلة أدب وأرفع صوتي وأخاصم عشان يلزموا حدودهم؟!


أعطوني آرائكم و جزيتم خيرا

وعليكم السلام ورحمة الله وبركاته

هذا طبع جميل لكن للأسف أعتقد بأن الرجال سيفهمونه بطريقة خاطئة
أنا أيضاً كرجل استخدم هذه العبارات وأعتقد بأنها سبب في مماطلة البعض لي أو الاستهتار بحواري معه.
(الطيبة للأسف مع البعض ما تنفع)
أختنا الكريمة .. بعض الرجال (وبلأصح أشباه الرجال) يحاول الوصول إلى أي امرأة بالحوار أو المزح أو غيره
والبعض الآخر قد تكون عنده الرغبة إذا وجد منكِ حافزاً يحفزه إلى ذلك (حتى لو لم يكن مقصوداً)
مثال للحافز غير المقصود:
الصوت الناعم للمرأة (الأنثوي جداً) .. العباية (الضيقة أو الملونة أو المزخرفة)
مشي المرأة (أو صوت الكعب) .. تعطرها بعطر فواح .. وغيرها الكثير

كلها رسائل غير مباشرة للرجل تثيره وتحثه على ما يفعل.
(طبعاً هناك من يؤذي حتى المنقبة التي لا تتكلم .. لكن بشكل عام هذه الأمور تزيد من الأذى)

لا قيمة للحدود مع هؤلاء .. هذه ضريبة الاختلاط بهم
أعتقد بيتمادو أكثر ..

هذا ما أعتقده
بالتوفيق

__________________

مرحباً أختي

كلامك جميل وكلك ذوق

يعطيك العافية

أي كلام جميل
مافهمت قصدك

الله يعين
المشكلة أنا مو حولهم أبدا وحجابي ساتر وفضفاض وأغطي وجهي
أيش أسوي أكثر من كذا، شكلي مرة مايهيأ لأي انطباع سيء أو يوحي لأي شيء مو كويس
ماعدا الصوت وأسلوبي في الكلام عاد هذا في خلقتي ولا أقدر أغيره.
وعملي الحمدلله غير مختلط لكن مضطرة إختلط بهذه النوعيات في الحياة كسائقين أودكاترة مثلا

__________________

مرحباً أختي

تعمدت أن يكون ردي عليك بهذه الصيغة اللطيفة دون كلام آخر حول موضوعك لأشعرك بمدى تلقي الطرف الآخر عندما يسمع كلام لطيف .

والمقصود يا أختي
أن الشكر والثناء والمعاملة الطيبة واللطف مع الناس .. هذا شئ جميل ومحمود .. ولكن هناك ضوابط لهذا الأمر عندما يكون التعامل بين رجل وإمرأة غرباء منها :
1- أن يكون بشكل رسمي وجاد
2- أن لا يصدر منا بشكل مرقق أو مبالغ
3- أن يكون له داعي لذلك

أما من تري من الرجال الغرباء أنه يتجاوز معك سواء بالتصريح أو التلميح .. فهنا لابد أن تكوني صارمة وجارحة معه وأن توقفيه عند حده وبصوت حاد .

وأنا دائماً أنصح الناس ممن يستشيرني حول تجاوز بعض الناس معه سواء بالمزاح معه زيادة عن اللزوم أو تصغيره أمام الناس أو جرحه بالكلام .. فأقول له ( أعمل معه تتش بالأدب ) بمعنى أن توقفه فوراً بمثل : لو سمحت لا عاد تمزح معي بهذا المزح وخلينا محترمين مع بعض .. أو لو جرح بكلام أمام الناس أو إستنقاص .. فيرد عليه مباشرة أنه ألزم حدودك وتعامل معي بأدب وإحترام كما أتعامل معك .

ومن باب تجربة .. بعد عمل التتش .. تجد أن الشخص أصبح يحسب لك حساب ويتعامل معك بكل أدب وإحترام .


بارك الله فيك

مافي اشي اسمه لطيفة في التعامل وماافرق بين رجل وامرأة
كيف يعني ماتفرقي ! قال هذا طبع فيني
حبيبتي غيري طبعك والزمي حدودك عند التعامل مع رجل
لا تخضعي في القول حتى لا يطمع اللي في قلبه مرض
مايحتاج تشكري وتدعي وتصيري مؤدبه زيتدة عن اللزوم مع الرجال
صوتك لا يطلع إلا للضروره
لا يلبس عليك الشيطان الحق بالباطل ويقول لك هذا من باب الأدب واللطف
وبعدين تجي هنا في المنتدى وتقولي ماادري كيف احط حدود وانا منزعجه ومدري ايش
لا تكلمي الرجال ابدا وشوفي تصير فيه حدود ولا لا

قلت لك من اول المشكلة فيكي مدري ليه حاسه ان الرجال يحاولو يتقربو منك وفي نفس الوقت انتي حاطة حدود وفي نفس الوقت مو حاطة حدود والأمور عندك ملخبطة

واحد زايد واحد يساوي اثنين ، مافي خضوع مافي حديث مع الرجل الا للضرورة ولو كان فيه إمرأة تفي بالغرض تذهبي لها
كل مواضيعك تدور حول نفففففففس المحور
وكل ما حلينا موضوع رجاتي فتحتي موضوع مشابه ........

ركزي على نبرة صوتك


الشكر من طبعي كذلك ولو شيئ بسيط. لكن نبرة الصوت تكون جادة ورسمية جدا...

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

أعذروني بتجاوز الردود و بعلق على هذا الرد أول

اللي فهمته من كلامك شيين :
الاول : انو الوضع عاجبني والحل بسيط و في يدي وانا قاعدة ألف وأدور وكل شوية أجي أشتكي.
الثاني: عندي احساس انه الرجال بيتقربوا مني وانا حاطة حدود، وفي الحقيقة انا مو حاطة حدود وكلامي مع الرجال فيه خضوع بالقول ولذلك هم كذا معاي.

بالنسبة لأول شي، أنا لو عاجبني الوضع ليش أجي أفتح موضوع؟!
استهبال ولا تضييع وقت ولا أيش بالضبط؟!
ولو عاجبني الوضع صدقيني ماراح تشوفيني هنا حتشوفيني هناك مبسوطة
وأنا أشوف كيف يتعاملوا معاي و يبحثوا عن رضاي واني اعطيهم وجه
راح اكون فعلا مستمتعة بالوضع والاهتمام ومحاولات الكلام معاي.
لكن هذا كله تفكير غير صحيح عني، وعلى فكرة عندي مساحة حرية كبيرة واقدر أسوي اللي يعجبني ومع اي احد .
والموضوع مو سهل مثل ماتتوقعيه ولا حله سهل، لأني فعلا انا ما اعرف كيف اتصرف معاهم
يعني كثير مرات أحاول أحسن الظن وما أحط ببالي اني أكون انسانة تسيء الظن بالرجال او اني متعقدة منهم بتعاملي معهم ، ليش وانا ماشفت منهم شيء أبدأ بالتعامل الشديد والسيء؟!
وترى انا والله رسمية مع الرجال والله رسمية بس يمكن نبرة صوتي تعبر عني غلط وماتخدمني لو كنت فعلا جادة ورسمية.
مرة صاحبتي قالت لي : إنتِ مريحة والكلام معاكِ مريح ،تخلي الواحد يبى يتكلم معاكِ
ونفسها هذي صاحبتي مرة أرسلت لها تسجيل صوتي لصوتي وكان أول مرة تسمع صوتي
لأني تعرفت عليها في قروب الجامعة وبعدها طبعا تقابلنا في الجامعة، المهم عجبها صوتي مرة وقاعدة تمدح فيه .. ومرة في القروب كانت كل وحدة ترسل صوتها بتقول اي شي، لمن أرسلت انا الكل علق ويمدح.. نبرة صوتي هيا كذا تشد حتى البنات ، أيش أسوي؟!
أخشن صوتي لما اتكلم مع الرجال ولا كيف؟!
أتصنع بأسلوب مو أسلوبي؟!
لمتى وانا اخشن صوتي واتصنغ اتكلم بأسلوب مو أسلوبي؟!

وبالنسبة للشي الثاني انا انسانة مرت بمواقف كثيرة في هذا الموضوع ومثل ماقلتي كل مرة أشخاص مختلفين .. وفعلا انا حاطة حدود ، عمري في حياتي ما ضحكت مع اي واحد صار لي موقف معاه ولا عمري سولفت معاه في خارج حدود الشي بيننا سواء كان عمل او خدمة يقدمها لي زي السائق مثلا ، ولا عمري مزحت معاه ولا اي شي من هذا .. مو هذي هي الحدود ولا فيه شي تاني ؟!
واسلوب الكلام طبيعي يكون رسمي لأني ما بتكلم في مواضيع ولا قاعدة اسولف عليه حتى تطيح الميانة بيننا .. عموما الله شاهد على كلامي مع الرجال قبل البشر
وانا ابدا مو من النوعية اللي تطيح الميانة مع الرجال