السلام عليكم ورحمة الله وبركاته

جزاك الله كل خير لما قدمة من توجيه ونصح ...
اناا اواجه مشكلة كبير ولاول مره في حياتي تظلم الدنيا بوجهي
مشكلتي هي ( امي ) الله يهديها ويطول بعمرها .... ادري من البدايه بان مهما قلت بتوقف بصف امي وان الي سويته غلط بس انا اريد حل
كان عندي مشكله من قبل لموضوع مشابه لهذاالموضوع بس نسيت المستخدم القديم
ماابا اطول في المقدمه الموضوع يابوي ان قبل ثلاث اسابيع سافرت انا وامي واختي الصغيره لزيارة اقاربنا من دوله عربيه ويوم رجعنا من السفر امي كلمة اخوي بموضوع خطبته من بنت خالتي اخوي رفض الفكره وعارض وقال اناا مابيها وليش تخطبينها بدون شوري امي قالت لو تسمع كلام امك توافق .. اليوم الي بعده اخوي طلع يكلم اختي الي اكبر عني (غير متزوجه) .قال لها امي تبكي وتقول لازم توافق بس انا ابيها ابد حتى لو هي احسن وحده في الدنيا فردت عليه اختي انا مالي دخل في الموضوع ترا امي دعت على الي بتكلمك بها الموضوع ( دعوتها ان الي بيكلم اخوي بموضوع زواجه حتى لو بكلم وحده ربي لا يوفقها ويرزقها بزوج ). في نفس اليوم اختى الكبيره ( متزوجه) تغدت مع امي فامي فتحت الموضوع لها وقالت باركي لاخوك تراه متزوج شهر سبعه على بنت خالته اختي تفاجئة بالموضوع كيف ؟ متى وافق ؟ ليش مستعجلين ؟ امي على طول قالت لها العني ابليس ولا تتدخلين اختي الكبيره ماسكتت وتمت تقول لامي ها مستقبل ولدك ولازم تفكرين بعواقب اجبارك له بالزواج من وحده مايبيها .. كل ها الحوار حصل وانا مش موجوده عندهم يوم نزلت وجدت امي تدعي حسبي الله ونعم الوكيل عليكم... يارب سد ابواب الشياطين ؟ فانا من باب الفضول سئلت وياريتني ماسئلت جاوبتني بـ انتوا الشيااطين اناا ماريدكم بجنبي اريد ربي فقط طيب ليش شو صار ؟ فترد وتقول حسبي الله عليكم من بنات انتوا مافيكم خير .. انا الصراحه تنرفزت وعصب قلت لها طيب ليش تدعين نحن شو سوينا وحتى لو سوينا شي غلط مايجوز انك تقولين شياطين والله يكفيني شركم قالت ايوا انتي شر الله يكفيني شرك وانا خايفه عليك من هاي الدنيا بتشوفين شو بيسيرلك وتمت تبكي وماوقفت دخلوا اخواني المجلس وسئلوا شو صار فقلت لهم الموقف وامي موجوده وكل الحاضرين ما خرجوا من المجلس فردت وقالت اتقي ربك انا قلت كذا ؟؟ يافلانه انا صدق خايفه عليك من الصراط المستقيم قلت لهاا ربي فوق وهو اعلم بالي حدث الحين والموجودين بعد سمعوا ولو حرفت شي بيقولون ؟ قالت يعني انا كذابه وتمت تصيح بزياده ؟ انا خليت ااهلي وتغربت عشانكم و في اخر عمري تجازوني بهاي المعامله فانا قلت لها انا ماتدخلت ولا قلت كلمه لاخوي بخصوص الخطبه بس انتي دعيتي علي على طول وماعطيتين فرصه وقلتي انتي شيطانه وشر وبتشوفين شو ربي بيسوي في حياتك قالت خلاص اسكتي ولا عاد تفتحين الموضوع مره ثانيه فطلعت لغرفتي لاني ماقدرت استحمل الموقف وتميت ابكي على الي سويته وندمت اني سئلت بعد نص ساعه نزلت ابا غرض من تحت فلقيت امي بعدها تكلم اخوي وتقول له خليك من خواتك وانسى الي كلموك عنها انت مابتتزوج الا بنت خالتك فانا صدمت وقلت لها يامي والله مااتكلمنا عن اي بنت ولا قلنا له اي شي عن اي بنت وخليته يحلف ردت تبكي مره ثاانيه وتقول كان موافق ولعبتوا على راسه وانتي يافلانه < تقصدني ياريتني ابدلك بفلانه على وحده من بنات خالتي لها نفس اسمي انا هني ماقدرت استحمل وتميت ابكي قلت تبدليني مره وحده يعني انتي الحين تتبرين مني قالت لا بس ابدلك بفلانه .. ياريت فلانه كااانت بنتي وتبكي بشده وتقول ياريت بعد فلانه تقصد اختي المتزوجه ابدلها بس مااعرف بمين خلاص ابدلها بنفس الشخص وتبكي فقلت لها طيب بدلي اولد الي مايسمع كلامك ولا يصلي الا بالضرابه ولي دوم يرد عليك وكم مره حاول يضربك قال هو احسن عنك مستحيل ابدل ولدي ابدلك انتي بس هو مستحيييييييييل اناا ماقدرت وطلعت غرفتي بس ماقدرت انزل ولا اطالع لامي ولا اكلمها ولا اكل في البيت ولا اسوي شي بس جلسه في غرفتي ... اروح الكليه وارجع لغرفتي وها الوضوع ليومك هذا مااقدر اواجه هل البيت لا امي لا ابوي لا اخواتي ولا اخواني ولا حريم اخواني بس هم لاحظوا فلانه ليش ماتنزل ابوي يناديني انزلي تغدي بس والله مب قاادره نفسيتي قفلت عن كل شي امي طبعا زعلانه ولا يوم سئلت عني ولا حتى طالعت في وجهي .... اما اختي المعرسه زعلت وقالت انا حامل واامي تحسب علي وانا خايفه على الجنين فردت بيت زوجها في نفس اليوم و امي ماكلمتها لمدة اسبوع بس يوم اختي رجعت تزورنا مره ثانيه سلمت عليها بس قبل يومي تعبت وتزلت الجنين .
اناا الحين حيرانه شو اسوي صح غلطانه بعدم نزلوا تحت الطابق الارض وكلامي مع اهلي وخاصه امي بس ماعندي الجراه وقلبي متحطم من الداخل واحس ربي مابيوفقني لا دنيا ولا اخره وبعد اخاف امي تموت وهي مش راضيه عني .. والسموحه على الاطاله

بنتي الكريمة :
الله سبحانه هو العدل وحرم على نفسه الظلم ولا يخضع رب العالمين ملك الملوك لدعوة ظالم لنفسه ووظالم لغيرة وإن كان من أم لإبنتها.
والدتك حفظها الله تتصرف بما تراه أنه الصواب ولكن يصدر منها وفق معطيات شخصيتها وما فيها من سلبيات أو عقد.
وترغب أن ينفذ كلامها كما تحب دون أي نقاش.
من جانبك لا ترغبين بمخالفتها ولا التعرض لدعائها كما تزعم هي أنك ممن يشملهم ذلك.
أرضي الله سبحانه بما لها وأنتظري من الله أن تحصلي على ما لك ولا تثيريها ولا تجادليها ولا تشتركي بأي حوار يأثر عليها ومهما قالت ابتسمي في وجهها وألين لها الجانب( وأخفض لهما جناح الذل من الرحمة) و(من يتق الله يجعل له مخرجا ويرزقه من حيث لا يحتسب).
ولن يضرك كلامها
فعلاجها هو أول ما قلت ولن يرض العدل سبحانه بالظلم ولو دعت وحصل شيء مما تظنون أنه بسبب دعائها فهي فتنة من إبليس يريد أن يفرق بينكم وتظنون بالله أنه استجاب لدعائها.
وهذا في نفس الوقت لا يعطيكم الحق بالجفاف معها أو العبوس في وجهها فإن جفت معكم فهذا منها ولها وعليها ولا تشاركوها بالمثل فعدم نزولك لها وعدم الحديث معها عليك وشاركتيها أسلوبها
فإذا عصت الله فيكم فاتقوا الله فيها.وأنظري آخر آية ( وإن جاهداك) الآية.

__________________

لتوفير الجهد والوقت للجميع :
1- كتابة الوقائع ثم المشاعر ثم المطلوب.
2- ما أقوم به هو التعامل مع عقل صاحب أو صاحبة المشكلة وشخصيتهما ونظرتهما للحياة لترقيتها للأفضل بإذن الله على ضوء ما يكتبان هنا.
3- لا بد أن تكون لدى صاحبة أو صاحبة الموضوع الرغبة في القبول بالنصح والرغبة في التغيير لا طلب الدوران معه على محور شكواه والبكاء معه.
4- لا يمكن بعد الله أن أعدل من ظروف الكاتب أو من شخصيات أطراف العلاقة في مشكلته إلا بتواصلهم معي هنا شخصياً.