عمومآ يا بنات لو نشوف تجارب ( الزوجه الثانيه بالمجتمع ) نلقي قليل الي استمرت بالزواج
بمعني ان ماكانت كبيرة عقل وتفوت بعض الحركات والمواقف راحت فيها، او نشوف الزوج ( السبب ) بعد سنه او سنتين يصحي من العسل ويبداء يخلق عيوب بالثانيه ، ويهجر ، ويتمشكل ، لين يطلقها وشفنا بالمنتدي وبالواقع كثير من هالحالات ؟ او تكون الزوجه الثانيه سبب لصحوة الزوجه الاولي من تقصيرها وتعدلها ويبداء الزوج يحن ويرجع للاولي ام العشره والاولاد ، او تكون الثانيه سبب اكتشاف الزوج حقيقة مشاعره نحو الاولي ؟ ويكتشف ان النساء زي بعض بمشاكلهم وشعورهم ، او تكون الثانيه نفسها هي سبب خراب بيتها ، تدخل محمره عينه ومبيته النيه تستفرد فيه وترسم حدودها بدهاء ( كما تعتقد ) علي اساس حقوقي وحقوقها ... الخ فتبداء تخسر من اولها قبل فتره سمعت وحده عندها بنات واولاد وشايله بيتها وست بيت من الطراز الاول زوجها تحدوه اصحابه يتزوج الثانيه وكل واحد من اصحابه فزع له بشي الي اجار الشقه والي غرفة النوم والي سفرة شهر العسل لين قرر يتزوج وخطب انهبلت زوجته ، انجنت ، بس امها عقلتها وقالت اركدي ببيتك وادعي الله ولكل حادث حديث ، تزوج الاخ بنت بنوت ، حلوه وطالبه بالجامعه ، بعد اسبوع رجعت مطلقه لبيت اهلها ؟ ليش...... الزوج يقول ماقدرت المسها ، ولااقرب منها ، ماقدرت اتخيل نفسي الي مع فلان ( قصده الاولي ) يقول تعبت نفسيتي وصرت ابكي والبنت شكت انه عاجز او زوجته مسويه له سحر يقول والله حتي الاكل من ايدها عفته ، وماكان ببالي الا الاولي ، رجع وهو ندمان ، سامحته ( واستفادت من هالموقف طبعآ ) وخلفت بعد طلاقه بنت بالرغم من ان عندها تقريبآ 9 اطفال هالسالفه الكل تكلم فيها ، سبحان الله ، الله نصر هالضعيفه الي شايله عياله ومتحمله مسؤليتهم ، ورجع لها احسسسن من اول الف مره فيه موضوع هنا بالمواضيع المميزه ، بجيب رابطه لو مسموح ان شاء الله لو طبقته كل زوجه ثانيه مااتوقع بنشوف الي نشوفه الحين من حالات طلاق وشتات بسبب التعدد |
أعرف شخص معرفة شخصية تزوج بكر (بكر) هههههه للتأكيد
بكر وجامعية وحلوة لكنه لم يحبها ولم يستطع تكوين بيت الزوجية معها الأرواح جنود مجندة، لم يقل الرسول الأجساد . |
يمكن نصرها الله علي ضلم زوجها ؟ واصحابه ؟
لااني قلت انها استفادت من هالموضوع وطلبت الي ماقدرت تحصل عليه من قبل شوفو حبيباتي الشرع لاغبار عليه ، ولا انا ولاغيري نقدر نتعدي عليه ، لاتحورو كلامي وتقتبسولي جزء من معني وتقولو تحاربي شرع الله بطريقه مبتكره وانتي لك مغزي ... الخ ، هي مشاعر فقط ، وانا كزوجه ارفض زواج زوجي علي من ناحية المشاعر لكن من ناحية الدين مالي حق والقصتين الي ذكرتهم حقيقه جدآ وصارت قدام عيني وعايشت اصحابها بعد ، وفيه قصص غيرها كثير حولي وحولكم فبلاش نغطي عيون بعض ، وانا ذكرت بمشاركتي السابقه ، الحالات الي الزوجه الثانيه تنظلم فيها بداء من تعديل الزوجه الاول تقصيرها انتهاء ب تصرفات الزوجه الثانيه نفسها ، وتصل للطلاق بسبب هالاسباب واقرائو اخر سطرين بمشاركتي السابقه زين لو سمحتو ، |
يعني نُصرت الزوجة الأولى بطلاق الثانية ؟!
وطلاق الثانية بدون ذنب وبدون أي سبب ما اسمه ؟ طلقها لمجرد انه لايستطيع تخيل نفسه مع غير ( الزوجة الأولى) وجلس يبكي وو ,, سبحان الله عموما بين الزوجين امور لايعلمها إلا الله وللبيوت اسرار فلا تظني انك تعرفين وملمة بكل جوانب القصة |
ولا انتي ياعزيزتي ملمه بكل جوانب القصه ،
ماادري قرأت مشاركتي السابقه لما قلت لعل الله نصرها علي زوجها واصحابه ؟؟؟ |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|