روح الطير ،،،،،اختي الغالية الفاضلة
في مشكلتي مانساها قلت لي كلام هزني من داخلي لكن يشهد الله انك كسبت في اجر عندما ترجمتي علاقة زوجي بهذه اللي ما خذها مسيااااار عندما قلت لي(اخذ واحدة من نفس مستواه ) هدفها الأساسي الجنس وهو كذلك وعرفت ان علاقتهما موقتة وبزوال السبب بتحذفه بأقرب وقت ،،،،،،
على بالك ما فكرت بالطلاق والله فكرت كثيراااااااا وقلت نفس كلامك لامي ودار بيننا جدل كبير وبيني وبين اخواني اللي أشوفهم مثل عيوني ،،،،،،والكل رافض الطلاق جملة وتفصيلا ،،،،
حتى كنت أقول في نفسي ان شاء الله اعطيه درس اني بأخذ الافضل منك والإحسن ،،،،
واحيانا ترسل رسائل ربانية لا سعيت فيها ولا دعيت علشان تعرفي انك في القمة وفي العلالي فبالتالي ترجعي ثقتك بنفسك ،،،،،،هنا قلت والله لرد الصاع صاعين وبالحلال ماهو بالحرام ،،،،،
وانت خليك بالمستنقعات القذرة اللي انت عايش فيها
عيالي اسم الله عليهم ماهم صغار الان ،،،،،يبكون اذا سمعوا طارئ الطلاق او الانفصال حتى ،،،،يزعلون مني كثير وانقسموا قسمين صف معي وصف مع أبوهم وصف ماهو داري عن شيء ،،،وأصبحت تائهة بينهم ،،،،،وهو ماهمه إلا نفسه فقط ولا فكر حتى بدراستهم او أحوالهم
اهم شيء عنده نفسه وبس والباقي ينحرق ينحرف عادي ،،،،،،،عدم مسؤولية واهتمام بالحيل ،،،،،،،انا جلست افكر طيب هو ضيع عقله على اخر عمره وما فكر إلا بنفسه وانا كمان أصير مثله وأفكر بنفسي ،،،،طيب مين الضحية ،،،،،الأطفال طبعا ،،،،فبالتالي بنصير الاثنين متعادلين
هو فكر في نفسه وانا كذلك بصرف النظر عن المبررات ،،، فأصبحت مثله وندا له ،،،،
اول شيء نزعة حبه من قلبي بالدعاء واللجوء لله ولا صرت افكر فيه
ثانيا ركزت بالحيل على المادة تركيز قوي وهذا ماهو طبعي بل كنت أعطي مأخذ ،،،،
ثالثا شيء حاول إنقاذ ما يمكن إنقاذه من أموري المادية معه وسحبت البساط من تحته سحبه والله هزته هزا برغم انه أمامي يكابر ،،،،،وأصبح الريال عندي أفيد منه
رابعا أكملت جميع أموري المتعطلة بسبب هذا القلب الجروح بين ضلوعي وأصبحت مثل زمان وأفضل ،،،،،،
الان هو ظل لي بمعني عندما اذهب لمكان لوحدي والله يكثر العابثين ومرضين القلوب ،،،،
يا زينه من ظل انا ابي اصلح خلق الله ،،،،وإلا أتهاوش معهم وتضارب ومن ثم يقولون يمكن هي وأصير بين الهمز واللمز والقيل والقال ،،،،،،، فصرت اخذه معي ظل ،،،،،،،
حتى السواقة ما نقدر نسوق ،،،،طيب تشترى سائق من بره وادفع له ،،،طيب خليه سواق مجاني ولجميع الحالات وبكل الأوقات ،،،، فعلا استفدت منه كثيراااااااا
فلماذا ياروح الطير انت زعلانة ،،،،،كثير حريم صنعات ومثقفات وجميلات وبنات أصول والحظ مال معهم بالا زواج وبرغم ذلك صابرات ومحتسبات لله ،،،،،
انت ممكن تجنيد منه كمان تريدي فقط اعرفي مصلحتك معه وين ونفيذها والباقي لا تفكري فيه صلاحه على نفسه وفسقه عليها كمان ،،،،
الله يصلح بالك ويهديك لكل خير ،،،،،،،،

طيب لما تخرجي معه، عقلك فين مع الاولاد ايضا ولا مركزه معها ؟
طبعا محد يلومك ، بس اذا كان بزايده بالك مشغول على الاولاد هو ما راح يحس انك موجوده معه ..

يمكن هذا يكون انه يريد يتغير لكن ما يلقى سبيل للتغير

والمشكله هاذي ممكن يساعدك فيهها اللي عندهم اطفال مثلك وين يضعون ابنائهم ..
ممكن تاخذين واحد معكم اكبر واحد واصغر طفل اذا كان رضيع تنوميه ..

روح
.........................................
الذي اقصده ان المجتمع يتساهل جدا جدا مع خيانة الرجل عادي الأم تعرف ان ولدها يسافر ......... ويسهر .......... تتضايق تدعي له لكن لو البنت سوتها😲عادي تندفن..فهل خيانة االرجل تقارن بخيانة الأنثى رغم معرفتها بالعقاب الرباني والشرعي والمجتمعي..طبعا لا
لان خيانة المرأة تحتاج جرأة أكبر وموت قلب أقوى وانسلاخ عن اغلب المبادئ..لكن الرجل تحصلين حتى الوسط اللي عايش فيه على نفس الشاكلة فالموضوع محتاج شوي مغامرة..

أبدا أبدا ماأخفف من خيانة الزوج وشخصيا نفس وجهة نظرك الخيانة تعني الانفصال..
لكن اللي أقصده انه ردة الفعل تختلف لاختلاف درجة التنازلات بين الجنسين..
.................................................. .......................

أنت محتاجة وقت وبإذن الله بترجعين مثل ماأنت..
يمكن الوقت يطول الناس تختلف..
مثل هالوقفات اللي تهزك تطلع الجرح وتعالجه شوي شوي..

انا بعد الخيانة تعبت جدااا لدرجة سنة كاملة اقوم من النوم اصيح بصمت وارجع انام..طلبت الطلاق كثير..لكن الحين بعد ماالحمدلله تعافيت تماما طلعت منها بفهم أعمق للحياة والناس والمجتمع، قلبي الأبيض البرئ المثالي صار طبيعي واقعي..قدرت أرجع اتقبل زوجي رغم عيوبه واللي سواه..
كنت كثير اتساءل ليش أصبر والى متى وعلشان مين..ليش رغم صبري وتنازلاتي وحبي وتضحياتي يكافئني بخيانة..مايستاهلني يستاهل وحدة .. ......... مثله..لكن بعد ماادركت الحياة والناس غيرت بعض مبادئي بما يناسب الحياة..
اولا الحياة طبعت على كدر..الراحة والرفاه مو موجودة بالدنيا أبدا..كثير ناس كنت اعتقد انهم مرتاحين..لكن الايام تكشف لي ان عندهم جانب مؤلم بحياتهم..
ثانيا كلنا معرضون للخطأ والمرأة اللي زنت بعهد الرسول صلى الله عليه وسلم اعرض عنها لانه يعلم صدق توبتها..لان فيه خط للرجعة ..لان الله يعفو ان تاب العبد..الشاب اللي أستأذن بالزنا..كيف عاملة الرسول صلى الله عليه وسلم..عامله بأنسانيته القابلة للخطأ..فقد عالج المعتقد الخاطئ بلا تشنج ولا تجريم..كل بني ادم عنده نوازع للخير وللشر..موجهات كثيرة بالحياة تحركه..فلو اخطأ فعنده جانب اخر يقدر يحركه للاتجاه الاخر..اذا الشخص اللي قدامي يتعهد باصلاح الحال فجميل اني اتفهم انسانيته واعطيه فرصة..
ثالثا:الأطفال مهما كان ابوهم مالهم الا الله ثم هو..الا في حالة مستمر بالخيانة أو يعنف الاطفال..بفترة جلوسي عند اهلي كان الكل يخدمني ومرتاحة لكن طفلتي مكسورة ابوها اصلا عصبي وكثير يرفع صوته عليها ومتعايشه مع عصبيته لكن عند اهلي لو احد من اخواني رفع صوته عليه يتغير وجهها واحيانا تبكي..احتجت غرض لازم معي رجل يخص بنتي الكل اعتذر وقتها حسيت بحاجة حقيقية له..
رابعا:الراحة بالرضا..ماأقصد الركون والاستسلام..لكن الرضا بالتفاصيل اللي مانقدر نغيرها ولا نبدلها..التعرض للمرض او للفقد اشياء مالنا فيها يد..فبدل مانتحسر على وضعنا الافضل نتعايش معه..بالأخير الأيام راح تمشي سواء حصرنا نفسنا داخل الضروف والا تنقلنا وهي معنا..

هذا باسهاب اللي طلعت به من بعد خيانة زوجي لي..

بالنسبة لطلب زوجك وجودك الدائم معه..
حاولي توازنين..لأنه كأب لابد يجلس مع اطفاله ويطلع معهم بنفس الوقت اكيد تقدرين تخصصين جزء من الوقت لكم..
بس الموضوع برأي محتاج تنظيم..


روح هو القرار لك لحياتك..
بس متعلق فيه أكثر من شيء..مستقبلك وأطفالك ومستقبلهم..
اجلسي واحسمي امرك بقرار ماترجعين عنه الا لو استجد جديد..
انا اتذكر تعبت من كثر ماأفكر بالانفصال حتى صرت عاجزة لانه فيه قرارات مبنية على هالقرار..
لكن مرة كتبت وفكرت خلال 10ايام وقررت اني خلاص ماعاد افكر بهالموضوع لانه عطيته وقته كامل وقررت بوضوح فصارت حتى لو جت فبالي الفكرة اتذكر قراري واقول خاطر وبيمر..

ربي يهديك لما فيه خير للجميع

قلبي سر معاناتي ..

هو يحاول يتصلح ..
و كتب لي أوراق و فيه صك من المحكمة ..

.
.

مريم

في المحكمة .. قلت له ننفصل و ارجع بعقد جديد و مهر جديد ..
اذا فعلا - تبت - او اشوف حياتي بعيد عنك ..
و عشان ارتاح و احس اني فعلا انتقمت و أدبته و يكون اخد جزاته ..

هو رفض و قال ايش يضمن لي .. بعد ما تخلص العدة ..
انك ما تضحكي علي و تتزوجي واحد غيري !؟
و جلس حتى يشك و يقول انا عارف الشيخ المصلح عينه عليك و انا ما اضمن ..

قلت له مو في بالي زواج و كلام فاضي ..
ابغى اربي ولدي الصغير اقل شي ست اشهر .. لانه كان رضيع ..

قال ما اضمن و اعطيك مهر و اسوي لك حفلة و افعل و اعمل ..
و اعمل مشاوريكم انت و الاولاد ؛ بس تكوني على ( ذمتي ) و اكون متطمن ..

طبعا ما قلت لزوجي ..
اخوي كلمني و من غير ما يعرف ايش كنت أفكر ..
و قال .. لو صار الانفصال؛ لا تفكري بيوم ترجعي له لا بمهر جديد و لا عقد جديد
نحن ما حنا جالسين نلعب .. و انسيه نهائي ..

اخوي اهم شي راحته ..
و أصلا الفترة هذيك .. لا اشوف اخويا و لا يدري عني و لا عن أولادي ..
يعني ما عندي احد يشوف اشغالي و مصالحي انا و الاولاد ..

.
.

ايش الحل !؟؟

تدخل الشيخ المصلح و القاضي .. و قالوا لزوجي تدفع لها - رضوة - و قدره كذا ..
زوجي قال طيب .. و قال دحين ما عندي بس راح ادبر ..

و الشيخ كتب في الصك .. الشرط هذا ..

.
.

كان ممكن اني أمنع زوجي من الرجوع لنا ..
لكن كنّا على بداية السنة و ولدي محتاج تسجيل في المدرسة و امورنا كانت ملخبطة
و اخوي ما صدق طلع الصك من هنا .. و لا عاد شفنا وجهه ..

اضطريت أوافق انه نرجع بشرط انه ينفذ المطلوب بأسرع فرصة ..

.
.

راتب زوجي 6000 ريال
- اشترطت عليه يدفع لي ايجار للبيت الي انا جالسة ادفع اقساطه للبنك ..
و قلت له انا مو مسيار .. تسكن في بلاش و في بيتي ..

صار يعطيني 1000 ريال شهريا ..
لانه مستحيل نلاقي شقة جديدة و غرف عديدة .. و ب 12 الف في السنة ..

- طيب و يعطيني مصروف الاولاد و الي حدد له الشيخ و انا وافقت ..
1200 ريال .. يعني 400 لكل طفل .. مع انه قاله الشيخ المفترض اقل شي 500 لكل واحد
بس شوف زوجتك وافقت لانه مو هدفها الفلوس ..

- مع انه الشيخ حدد لي مصروف شهري 1000 ريال ..

بس زوجي قال لي بعدين
من جد ماقدر .. اسرق يعني من بنك !؟ و لا أبيع مخدرات ..
.

اشترينا سيارة باسمي انا .. و الاقساط 1800 ريال زوجي يسددها شهريا من راتبه
يعني صارت 4000 ريال من راتبه ..

-
اشترى جوال اخر إصدار بمبلغ 4000 ريال بس قبل لا نشتري سيارة
و ينضغط بالمصاريف و اشتريت له الجوال من بطاقة فيزتي.. وقسطت له التسديد ..
و يعطيني كل شهر 400 ريال عشان الجوال
( مع اني ممكن اعتبره هدية مني .. بس مابغى أقوله )

يعني 4400 ريال كل شهر .. يبقى له 1500 ريال تقريبا ..
و مرات يعطي لامه 500 ريال ..

يبقى له 1000 ريال من راتبه

.
.

من فين راح يدفع الرضوة !!

.
.

و لانه طبعي العناد لو فكرت اعاند ..
العناد خلاص ركب راسي .. يا يدفع الرضوة او ننفصل ..

عشان ما ارجع له كذا بسهولة ..

مخي مو راضي يقبل ..
مخي رافض ..

.
.

انا خليت الرضوة حجة .. عشان ابتعد عنه و ما اشوفه ..
لاني تعبت خلاص بوجودي معاه .. و ماقدرت أنسى اي شي ..
مع اني في رمضان كنت مرتاحة و ما افتكر ابدا ..

دحين رجعت كل شوية افتكر .. لما يجي خياله .. او اشوفه او اسمع سيرته ..

ابغى اعادة برمجة لحياتي معاه

.
.

أختنا روح الطير أستوقفني في آخر مشاركة 3 نقاط ذكرتيه

أسأل الله أن يوفقني في طرحها عليكي و بإذن الله تكون نافعه لكي و لأبنائك و عائلتك ككل

الأول قولك
أنكي في شهر رمضان كنتي مرتاحة وماكنتي تفكرين أبداً !!!

سؤال لماذا في ظنك كانت نفسيتكي هكذا في شهر رمضان

سوي فرمات للماضي وعيدي البرمجه

احضري ورقه وقلم

واجلسي في مكان هادي ...وجنبك مشروب المفضل ..اوكي

اكتبي كل مشاكله المنغصات على شكل نقااااط ..كل شي ..صغيرها وكبيرها ما حتى لم تخبيره باحد ..سجليه ....كوني صريحه مع نفسك

بعدها ..رتبيها من الاسوا الى الاقل وصنفيها مشكله اساسيه واكبرها ومشاكل فرعيه اتت نتنجت عن الاساسيه ...

لانه من ردود تنتقلي من شي يضايقك الي شي اخر

اللي لم تعرفي لها حل ابحثي عن حل ....
وعيك بالاستغفار والدعاء

روح الطير
قولي الحمد لله والشكر
سأعود لك وصدقين انك ان شاء الله بخير فقط ركزي على الخير واترك الشر
نعمة منه اذا أعطى كذا ،،،،،أحسن من لا شيء
وعائدة لك ان شاء الله

انت مشغولة عنه فيه.
تستحضرين كل مواقفه معك في اغلب الوقت وهذا اللي اتعبك اكثر واكثر، حتى لو مشغوله
في شي ثاني
عقلك الباطن محاوطته بسلبيات زوجك بس وش يضير لو زاحمتيها بشوي من ايجابيته، ارحمي تفكيرك
الأمتيازات اللي تملكينها تتطّلع لشخص يوازيك نسيباً في الأفكار وايجاد الحلول و حسن التصرف،
ويخنقك الشعور انك انت دائما المبادرة والتصرّف يجي من ناحيتك، يمكن من بداية زواجكم لاحظ هالميزة
واعتمد عليك فيها وانه ما يحتاج يتكلّف ويبادر لو بالقليل.

التجارب اللي أثرت عليك لا تقيسينها على تجربتك ومهما تشابهت التجارب الا انها تختلف في حلولها ، التقبل والاستعداد النفسي يلعب دور في الحل.
ومواضيع المنتدى اكبر دليل في تشابه المضمون واختلاف الحلول. لا تربطين مشكلتك بمشاكل غيرك تتعبين اكثر ويدخل اليأس ويتشّعب فيك.

بالنسبة لشرطك مو تعجيزي بس لا تخلينه واجهة مشاكلك الحين ، خصوصا ان ثلاث ارباع راتبه في يدك
من نفقات وتسديد أقساط.

انت عنيدة انت حرة مع ان العناد مو شي فطري سلوك مكتسب لا بغيتي زردتيه ولا بغيتي خففتي منه
ليه تصرين الآن على خلق مشكله جديده وكأنك تبحثين عن سبب جديد يدعم قرارك هو ما انكر ولا جحد
بس وضعه الآن ما يساعد وانت مقرّة بهالشي.

الأنسان لا مرض ما استحمل وقام يهوجس ويبي ياخذ اي شي يخفف عليه لو ما يناسبه،
نفس الشي الواحد لا تعبت نفسيته يفكر باشياء ويتخذ قرارات لو فكر فيها
في مرحلة سكون النفس كان غير . تحتاجين ترتاحين ولا تضغذين نفسك من كلامك وبين سطورك تعب جلي.

الله يفرج همك.

__________________
"أليس الصبح بقريب"
قال عليه الصلاة والسلام: إني أحرّج عليكم حق الضعيفين ، اليتيم والمرأة.

أهم شئ أن تفكيرك نابع من عقلك مو من قلبك

أغلب الحريم عزامات ندامات : )