مهره 🌹 ... نااشب لي في كل صغيره وكبيره ... يسوي مشاكل من لا شيي ... ومشاكل تاافهه .. ويختمها بقولته كله من هالقروب .. احاول اتحاشاه .. وماهدا الا لما حذفت القروب ووريته قلت له كذا ارتحت ... وفي الليل يسولف عادي ولا كأنه صار شي .. وانا ساكته ومبين اني زعلانه .. بس هو مسوي نفسه مايدري اني زعلانه .. ولا عطى الموضوع أهميه ...
ذكرت كم موقف هنا في البدايه .. وامس الصباح كنت اتراسل مع أختي على الخاص مو على القروب .. طبعا اسوي رساله واخلي الجوال مفتوح على المحادثة ...واسوي كم شغله في البيت وارجع اخذ جوالي ... بعد كم دقيقه مو ساعه ! لما خرجت من المحادثه تبع اختي لقيت رساله منه .. من 10 دقايق .. ورديت ... قال ماشاء الله تو تردين !! قلت له توني أشوف رسالتك وبعدين انت تو مرسل الرساله .. يقول انا قاعد أشوفك متصله ولا تردين ... قلت له مانتبهت واسفه .. قال لي .. مانتبهتي ولا مشغوله مع اهلك ومطنشتني .. مارديت عليه ولا بررت .. بس قلت له الله يسامحك ... ومارجع يرد علي ..


وثاني مشكله ... كل شوي يقول لي 24 ساعه متصله .. ارحمي الجوال ... من وقت مارجعتي القروب وانتي ماتهدين الجوال من ايدك ... قلت له .. شايف اني مقصره في البيت ؟ مقصره في حقك ؟ يقول وش دخل تقصيرك وجلوسك عالجوال 24 ساعه ... قلت له .. عجيب مانتبهت اني اجلس عالجوال وقت طويل الا لما رجعت لقروب اهلي .. قال لي الحمدلله والشكر ... انا الحين جبت طاري اهلك ؟ قلت له اوك قفل الموضوع .. والجوال ماحتشوفني مره ثانيه ماسكته او متصله ...

واخر مشكله اللي خلتني احذف القروب .. كنت احفظ بنتي قران .. هذا كان الظهر بعد الغدا ... دايما أجلس معه بس امس كنت مو طايقه اجلس معاه من بعد ماقال لي إني طول الوقت على الجوال .. وادري لو جلست معه بيفتح الموضوع عشان كذا صرت اتحاشاه ... كنت جالسه مع بنتي بالصاله وهو بالغرفه ... جتني رساله على الواتس .. لسى فتحت الجوال .. وهو دخل الصاله .. انا نقزت قلت بسم الله عالاقل تكلم تنحنح قول شي ...قال لي ليه او عشان يمديك تسكرين الجوال .. ولا بعد تسوين نفسك تذاكرين للبنت وانتي قاعده على الجوال ... انفجرت .. قلت لع وش فيك مترصدلي بكل دقيقه .. والله ماهي عيشه .. انا لسى مسكت جوالي اشوف من مين الرساله .. تخيلي يامهره ان الرساله كانت منه هو ... يعني سواها مقصود عشان يجي ويشوفني ماسكه الجوال ويسوي مشكله ... لما شفت ان الرساله منه .. عرفت انه متعمد ... قلت له شوف وهذا القروب حذفته ... وهذا الجوال خذه ..، مابي شي بس ابي ارتاح واريح راااااسي ... تعبت من المشاكل وترصدك لي ... قال انا ماطلبت تحذفي القروب اصلا .. بس دامه جات منك خير وبركه ! اسلوبه استفزني .. ومن وقت الظهر الى الحين مروق ولا حتى يقول لي ليه ماسكه الجوال ... ولا بعد ينكر انه يبيني أحذف القروب ... الحين مطنشته .. وتعاملي معه رسمي ... وهو مسوي نفسه بريء مايدري اني زعلانه او على شنو زعلانه ...

__________________
-

فأجبر خَاطري .. بفيّض نعَمك ❤ ....

غلطتي لما حذفتي القروب.


احنا متفقين أن زوجج غلطان ومبالغ .. ونصحتج سابقاً لما يكلمج عن أهلج أو تواصلج معاهم لا تبررين .. وتتجنبين الرد تماماً .. أو تقولين كلمة وحدة: عيييييب.

لكن مب إنج تطلعين من قروبهم أو تمتنعين عن التواصل معاهم.

إنتي بنفسج قلتي أن مسايرتج تخليه يتمادى .... إذاً نستبعد هالحل ولا نتوقع مثلاً لما يشوفج سمعتي الكلام وما تتواصلين معاهم في القروب ولا تطلبين زيارتهم أنه بيي من نفسه يقول لج كلميهم أو زوريهم.


فاهمة طبعاً أن ضغطه المستمر متعب .. لكنج مضطرة تتخملين شوي لين تتجاوزون هالمشكلة بطريقة ما تحسسج إنج مقيدة ومعزولة عن أهلج.





الحين كيف الوضع؟

بعدج ماخذة منه موقف (أميل. لهذا) .. والا خلاص رجعتي تتعاملين معاه بشكل طبيعي؟

بخصوص الموقف الأخير اللي أرسل لج فيه الواتس .. سألتيه أو ناقشتيه؟

__________________


اللهم طِيبَ الأثر .. وحُسْنَ الرحيل.

حاولت يامهره اني مابرر .. بس اتعبني ... واذا قلت له عيب .. يقول طالعوا مين يعلمني العيب ؟! .. ويستنكر علي هالشي .. انا لحد الان زعلانه منه وماتكلم معه .. وهو يسولف ولا كأنو صاير شي .. ايه تناقشت معه في نفس الوقت .. قلت له انت أصلا مرسل لي عشان متقصد تسوي مشكله .. قال لي يتهيألك ... وحاول يغير الموضوع ... اقوله كذا ... يقول لي هاي صدفه ... ورجعت تعبت وحذفته وقلت له ارتاح وانا بعد اريح راسي من نكدك .. والحين هو مبسوط ... وانا ناويه ارجع للقروب بس المشاكل بترجع ...
اللي قاهرني اني ابين له اني زعلانه وامس ماتعشيت معه .. ولا قال لي تعالي مثل كل مره .. حتى اليوم وقت الغدا .. ولا كأنه يدري اني زعلانه .. مع انه يدري بس مسوي نفسه غبي ..

__________________
-

فأجبر خَاطري .. بفيّض نعَمك ❤ ....

طبعاً يدري إنج زعلانة .. بس أكيد ما بيتكلم في الموضوع لأن ما عنده كلام منطقي يقوله.


إذا بترجعين للقروب فلازم تكونين جازمة يا سمورة .. ولو شو ما صار ما تطلعين منه .. لأن السالفة مب لعبة شوي داخلة وشوي طالعة .. وزوجج ما بياخذ موقفج بجدية ما دمتي مع كل مشكلة تتركين قروب أهلج وتطلعين.

__________________


اللهم طِيبَ الأثر .. وحُسْنَ الرحيل.

صحيح كلامك يامهره .. انا قررت خلاص برجع .. وكلمت أختي ترجعني ... قلت لها الجوال علق .. ومهما صار ماحطلع بصبر واشوف وش آخرته .. وبظل زعلانه كم يوم .. واخليه يدري اني رجعت للقروب ... الله يجزاك خير يامهره تعبتك معي ... شكرااا لك حبوبه 💓💓 ..

__________________
-

فأجبر خَاطري .. بفيّض نعَمك ❤ ....

في موقف ضياع الولد .. وغيره من مواقف مماثلة .. ربما لا يكون احتواء شخصيته الضعيفة هو الحل دوماً.

نعم بالطبع يجب على الزوجة أن تحترم زوجها وأن تغذي فيه روح القوة والقيادة .. وربما لها أن تحتوي ضعف شخصيته وتستر عليه .. ولكن ليس على حساب ظلمها وإلباسها تهماً باطلة.

عشان جذي أقترح أنج تطبقين حل أخوي لماذا نتزوج أحياناً .. وأحياناً أخرى لا تسايرينه ولا تخلينه يرمي عليج غلطته .. وفي نفس الوقت لا تتكلمين كثير ولا تدافعين عن نفسج ولا حتى تقولين له: يا حبيبي أنت اللي غلطان مب أنا .. لأنه ببساطة عارف أنه هو الغلطان ولأن كثرة الكلام تعطيه فرصة يحوّر كلامج وينط لمشاكل أو مواضيع فرعية .. لذلك اسكتي تماماً ولا تعلقين أبداً.

وازني بين الحلين على حسب المواقف اللي تمرون فيها وشوفي متى الأصلح إنج تحتوين وتطبطبين وتعتذرين عن غلط إنتي ما سويتيه .. ومتى تسكتين وتكتفين بنظرة تترجم عبارة: لا ترمي أغلاطك عليّ.

__________________


اللهم طِيبَ الأثر .. وحُسْنَ الرحيل.

هل من الممكن اختي ام سلطان انك تتكرمي علي

وتشرحي للاخت سميرة ردودي التي اقتبستها اعلاه؟

لأنه انتي ماشاء الله تملكين نفس الشفرة التي تملكها هي

وبالتالي ستفهمك اكثر مني

__________________

حاضر.

أمهلني للغد بإذن الله.

__________________


اللهم طِيبَ الأثر .. وحُسْنَ الرحيل.

ان شاء الله حبوبه بمشي على نصايحكم .. الله يجزاكم خير 🌹
امس الليل درى اني رجعت للقروب .. سألني ليه .. قلت له انت قلت لي انك مامنعتني من القروب .. قال لي انتي تسمعين الكلام اللي يعجبك ... والكلام اللي مايعجبك ماتسمعينه .. يقول في أحد مسلطك ومقويك علي اكيد إخوانك ... وانا مارديت .. وجلس يبربر فوق راسي ومعصب وانو انا ماسمع الكلام ... وبالاخير نطقت .. قلت له شاللي بينك وبين اخواني عشان تعاديهم كذا قدامي وتعوذت من الابليس .. قام عصب اكثر .. وش قصدك انا ابليس يعني ووو .. قلت له خلاص انا ابليس بس بالله قفل الموضوع .. اتعبني قسم بالله 😢
بس قبل ماينام ... قال لي انا اسف .. مدري شاللي خلاه يتأسف او يمكن شافني ابكي .. بس قلت بيني وبين نفسي زين انه تأسف ..

__________________
-

فأجبر خَاطري .. بفيّض نعَمك ❤ ....

شكراا لكم ..

سمر مو سميره 😁

__________________
-

فأجبر خَاطري .. بفيّض نعَمك ❤ ....