السلام عليكم

بتمنى بجد حد يفيدني ع استفساري

انا قبل 9 اشهر حملت لمدة شهر ونص وبعدها طرحت وبعد ما طرحت ب7 اشهر تقريبا حملت للمره التانية وبرضو طرحت.. بس قبل ما اطرح كان ينزل علي دم خفيف لمدة اسبوع كامل وباخر يوم بالاسبوع بتم الطرح
المره الاولى لما طرحت كنت بحاله سفر وتوتر وتعب بس المره التانية كنت مرتااحه تماما وما في اي شي

يا ترى شو بكون هل سبب وهل كان لازم اني اخد دوا وقت الحمل التاني متل دوا تثبيت مثلا ولا مو ضروري

ومع العلم انا خلفت قبل هيك وطفلي عمره 3 سنوات وما صار معي هل مشاكل وقت ما حملت اول مره
وملاحظه تانية انا كنت اسكن بادفى منطقة بالعالم بالسعودية وبحملي التاني انتقلت للعيش بابرد بلد بالعالم باروبا بالنرويج معقول هادا اثر ع جسمي ولا ما اله علاقة

يا ريت حد يفيدني ويساعدني لانه مشكله هل بلد ما بتعالج حد الدكاتره ع طول بحكو ان في نصيب بضل وان ما في نصيب خلص ما بحاولو حتى يبحثو ويعرفو السبب مشان تاني مره ناخد الحذر او اخد ادوية ان كان بحتاج فما لقيت غير طريقة النت استشير واسال فيها..

والله يجزيكم الخير

يجب عمل فحص للهرمونات و عمل فحص للامراض الفيروسية و البكتيرية للتاكد انها ليست سبب الاجهاض . مع اخذ حمض الفوليك يوميا 5 ملجرام .

__________________

السلام عليكم انا اعملت هادا الفحص للهرمونات بعد ما طرحت باسبوعين
B-Hb ونتيجته طلعت 11.5
ER-MCH والنتيجة 26
S-HCG والنتيجة 7

يا ترى هادا الفحص بيكفي ولا في فحوصات تانية لازم اعملها وهدول النتائج طبيعية ولا في شي غلط
وحاليا عم اخد دوا الحديد يوميا حبتين
وبعد هل فحص هادا لازم اعمل فحصوصات الفيروسية والبكتيرية الي طلبتها ولا ما في داعي؟؟

والله يجزيك كل الخير