.. دائما أسئل الآخريــن .. كيف تآخذون راحتكم بالكلام والحركات مع وجود عيون تراقب !!!
.. كيف الزوجين يجلسون بالصاله يتفرجون على التلفزيون ويسولفون , ويسوون حركات بريئه لبعض , وهناك عيون تراقب !!
.. يعني مو كفايه عيون الاطفال !! بعد عيون أخرى !!
.. شغل البيت كثير ومتعب وما يخلص , لكن هناك الحل الامثل , بعيد عن استقدام خادمه دائمه , اما يكون عن طريق
تنظيم الوقت , ومساعدة افراد الاسره في ذلك , او عن طريق الخادمه اتي تعمل بالساعات ..
.. الاهم انه الزوجين يآخذون راحتهم في بيتهم , من ناحيه لبس , وكلام , وافعال .. بدون عيون تراقب !!
..قبل فترة حاول زوجي يقنعني أنه يجلب خادمه , لكني أصريت على موقفي , اني لا أحب ان يكون شخص غريب بيننا ..
..يسلب راحتي وراحة افراد اسرتي ..
.. مو كفايه ان عمتي ( ام زوجي ) اذا تسافر تجلب شغالتها لبيتي !! وتعالوا شوفوا انواع التعاسه الا تصيب بيتي !!
.. حتى كلمتين ما اقدر اقول لزوجي , ودائما نهمس ههههه , ونتكلم برسميه , وساعات احس اننا متزاعلين !!
.. اذا بيتي ما اقدر آخذ راحتي فيه , اذن وين آخذ راحتي ؟؟؟
.. كلمت عمتي , وقلت لها اني ارفض أني اتحمل مسؤلية الشغاله وقت سفرها . . ( وعمتي سفرها كثير ) ..والحمد لله تفهمت ..
__________________
.. كــونوا أحــرار في دنيــاكم ..