رد: أنا وأم ابناءه اساءات لا تنتهي
استغفر الله العظيم .. سحر مره وحده .. شو فيها الناس قامت تستهين بأمر السحر .. هذه كبيره من الكبائر وشرك بالله سبحانه وتعالى .. لا حول ولا قوة الا بالله ..
اتمنى الموضوع يكون مجرد تخويف ولا يتطور بأنه يكون مسويه لك سحر فعلا ..
انا اخاف تتعاندون مع بعض .. هي تبيج تتطلقين .. وانتي ما تبين تطلعين من البيت .. وتكون النتيجه انكم تنكدون على زوجكم المسكين ويهج منكم انتوا الثنتين ..
اذا زوجك مقتدر اشوف ان الابتعاد في بيت مستقل افضل واسلم الحلول .. ولو كان شي صغير وبسيط نوعا ما .. بس الراحه النفسيه ما تنشرى بالمال ..
او انك تنطشينها وتكتفين بالتحسب عليها لله سبحانه وتعالى .. حسبي الله ونعم الوكيل .. وحصني نفسك وحافظي على صلاتك وان شاء الله ما يجيك شي من سحرها المزعوم .. حاولي ما تحتكين فيها ابد .. وما ودي اقولك سكري الباب اللي يربط بينكم وقوي علاقتك مع بناتها عشان اذا تكلمتي تكون حجتك قويه عند زوجك باعتراف بناته ..
او هدديها انك بتسوين لها سحر بتحولينها ضفدع .. هههه .. لا امزح .. الله يبعد عنا السحر جميعا .. وان شاء الله تنصلح حالكم الى الاحسن باذن الله سبحانه وتعالى .. وان شاء الله الانسان ما راح يصيبه الا اللي الله كاتبه .. فلا تخافين من خرابيطها وتهديداتها ...
التعديل الأخير تم بواسطة خالد_عبدالله ; 27-07-2016 الساعة 07:18 AM