السلام عليكم والرحمه


ام ولدي طفلين مشكلتي نظره امي لي نظره سيئه ليش لا ادري

حاولت اكسبها لأبرها لأكن للأسف تشوفني خبيثه !!

دايم انصح اخواني واساعدها في انهم يرحون المسجد اذا جيت لمهم اساعد في المصروف وبعض الأحيان ادفع من عندي واقل من حقهم

اهدي امي كل بعد فتره كل ماهديتها يانها تهدي الهديه اي احد حتى لو مبلغ تعطيه اختها ولا اي احد ولا تقولي انتي وراك شيء ماهديتي الا تبين شيء اقولها والله مابي منك الا رضاك بس الموضوع تمادى اليوم نصحتها عشان اخوي الصغير ابيها تتعامل معه زين

قالت لي انتي خبيثه ولك نوايا سيئه

والله العظيم بديت أشك في نفسي بحياتي ماخذت منها شيء ليش تقول الكلام ذَا صراحه حسّيت انه طالع من القلب ترا دايم تكرره بس تو استوعب ع نفسي

انصحوني كيف اتعامل معها والله كلمتها زي الجرح عرفت انها ماتواطني كذا من الله
لان تعاملها مع الناس غير ..

تكلمي معها بكل صراحة قولي لها ليش تعتقدين إن لي نوايا خبيثه وليه ماتقبلين مني الهدايا والعطايا إشرحي لها إحساسك من كلامها ولو فيه شي فاهمته غلط صححيه لها لاتخلين بقلبك شي الأفضل يكون الكلام وإنتم لحالكم ولاتتكلمين معها بهالموضوع إلا إذا تكرر

__________________

وبدأت تحدي إنقاص الوزن الهدف إن شاء الله 55 كيلو

عجزت والله تخنقني العبره وابكي مابي ابكي

معليش إبكي عندها وين المشكلة ، خليها تشوف كيف كلامها وتصرفاتها متعبتك وجارحتك

__________________

وبدأت تحدي إنقاص الوزن الهدف إن شاء الله 55 كيلو

هلا وعليكم السلام والرحمه
اسئليها واعرفي منها ممكن سار موقف وفهمت غلط او ...
اذا حسّيتي نفسك بتبكي غيري الهرجة ولا اسكتي لا تتجادلي معاها ...وافتحي الموضوع مرا ومرتين حتى تعرفي اسبابها

__________________
اللهم صَل وسلم على نبينا محمد

قد تكون امك مريضه بمرض الشك والتآمر عليها وانتي احد ضحاياها ...!

__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي

شو السبب طيب ؟
اكيد صار لكم شي من قبل خلا امك تشوفك من هذا المنظور .. ممكن توضيح اكثر ...

امك مع كل الناس كذا والا بس انتي؟
ممكن امك شكاكه يعني شخصيه وسواسية
بس مصارحة الام سهله
انا احيانا اقسى على بناتي ببعض الامور بس اذا صارحني
اندم كثير وتحسن لفتره ثم اعود الاطباع صعب تتغير ثم يناقشني مره ثانيه
احس مناقشة الام اسهل من غيرها