لي (تجربة) سابقة مع الطلاق وله (تجربتان) ,وكلانا خائف من الزواج !! - منتدى عالم الأسرة والمجتمع
logo

الملاحظات

المقبلين على الزواج مواضيع تهم المقبلين على الزواج من الرجال والنساء

موضوع مغلق
قديم 21-06-2008, 11:56 PM
  #1
مداريم
عضو دائم
 الصورة الرمزية مداريم
تاريخ التسجيل: Jul 2007
المشاركات: 69
مداريم غير متصل  
لي (تجربة) سابقة مع الطلاق وله (تجربتان) ,وكلانا خائف من الزواج !!

بسم الله الرحمن الرحيم

تحية طيبه لجميع الاعضاااء

ماراح اقول عندي مشكلة لااا... الحمدلله على كل حال

لكن بصراحة ومع توكلي على الله ودعائي المستمر ... ماااادري هل انا ماشية بالطريق الصحيح او لاااا...

ارجو منكم يااخواني .. قراءة موضوعي واعطائي بحلول ورأي سليم....(كعادتكم) مع الشكر مقدما

بحاول اختصر لكم بعض المعلومات عني..

بداية انا بنت مطلقة من كم سنة وعمري 23 سنه.. اخر سنه لي بالجامعة

سبب طلاقي الرئيسي اني ماتقبلت زوجي السااابق ابدا..وكانت غلطتي اني استمريت معه من البدايه لاني حسيت بها الشي من ايام الخطبه ..وقبل الملكه.. لكن الحمد لله على كل حال.. وما اقول الا خيرة
لجهلي .. على بالي ان هذا الشعور خوف اوحياء.. وان الحب يجي بعد الزواج.. وهذا اول رجل اشوفه واكلمه.. مادريت انه شعوري كان عدم تقبل...
طبعا هذا غير اخلاقه السيئه جدا.. لانه كان للاسف انسان غير سوي ابدا.. اشك ان عنده مرض نفسي...
المهم .. انا الحمدلله مرتاحه ببعده ..
اللي صاير الان .. انه تقدم لي شاب مطلق ..مرتين ..ولكن مامعه اطفال
انا حقيقه تخوفت منه كثييير خصوصا ان زواجاته السابقه مو طويله مدتها... فشكيت ان العيب فيه هو..
طيب.. لكن مع السؤال والاستخارة ارتحت لهذا الشخص الحمدلله..
واللي زاد راحتي .. انه خااايف جدا انه يفشل .. وهذا يدللني على صدقه ... وان طلاقاته جت غصب عنه
اتمنى انه يكون الشخص المناسب لي لكن , مادري اذا هو فعلاااا مناسب او لاااا..
حركاته احيانا تقهرني...
انا حقيقة اكلمه حاليا.. ابوي كان وده اني انا واياه نتفق قبل كلل شي.. عشان نتفادى الاغلاط السابقة ..في تجربتي وتجربته... ونشوف اذا نصلح لبعض اولاااا
المهم.. في البداية كان كل شي اوكي... حسيت انه مناسب لي
ولكن مع مرور الوقت... اولااا انا خااايفه جدا لوكان شديد في التعامل والوااضح لي انه نوعا ما شديد حتى الان
ثانيا والاهم ... احس انه للان مو مقرر.. ساعات احس ان اهله اللي ضاغطين عليه يتزوج .. مو رغبه شخصيه منه هو.. وساعات ارحمه واقول مسكين من اللي شافه.. اول.. وخاايف يفشل .. وساعات وسااعات.. وساعات احس اني مومتاكده انه يبيني لكن يمكن انه خايف ماحد يرضى فيه.. مع ان هذا الاحتمال قليل جدا لان احس انه واثق من نفسه

الشوفه الشرعيه .. قعد يمكن 4 او 5 ايام او اسبوع والله ناسيه بالضبط كم قعد .. هذا بحد ذاته جرحني واحس انه متردد.. ويمكن لاني قارنته بزوجي الاول .. اللي قبل يطلع وهو معطينا رده بنفس اليوم
يوم رد .. قلت يمكن كان مشغوول.. وعديتها
ثاني شي.. يوم كلمته طلب انه يشوفني ثانيه عشان يتاكد.. انه مرتاح لي.. مع انه كان يقول لي انا شكلك عاجبني بس بتاكد اني مرتاح لك ومرتاحة لي.. المهم قلت يالله نشوفه مع ان كنت مو مقتنعه يشوفني ابدا... احس للان غريب عني.. لكن قلت يالله من حقه .. عشان مايقول بعدين ماشفتك ولا مابيك...
طيب.. لكن بعد هالشوفه .. يمكن قعد تخيلو شهر ماكلمني.. انا تضايقت بصراحه.. ولحظتها .. فكرت اني اتركه.. احس ياناس والله عيب.. يعني الواحد حتى لو مومرتاح يقول .. مو يسفه الناس.. انا عندي اهون علي انه يقول مابيك .. ولا يسفهني .. فترة طويله وبعدين يقوللي انا مشغول!!!
طيب علمني لو كنت فعلا مشغول؟؟ هو ارسل لي رساله يمكن بعد 10 ايام انه مشغول .. طيب وقلت يالله اعديها للمرة الثانيه .. والغايب حجته معه.. لدرجة انو اهلي مللووو منه .. لكن انا مادري هو يناسبني او لا
انا بقولكم اياها بصراحه.. الشاب هذا فيه من المواصفات الكثيرة اللي كنت اتمناها
لكن بعد حركاته هذي .. صرت اخااااااف.. ماعنده مشاعر.. ماحس انه يحس فيني
امي ملللللت كثييير... وهو طوول علينا كثييير.. يمكن لي ترم كامل مخطوبه... للان مااتفقنا على الزواج ولا شي.. ولاحتى دفع مهر... وهذا يدل انه للان مو مقرر ومتأكد
لما اقوله هالحكي.. اقوله شكلك للان متردد.. يقول لاااا انا خاايف فقط .. مو سهله علي اقدم على تجربه ثالثه..وانتي المفروض تحسين فيني... على كلامه انه معجب فيني مرة وانه يتمناني لكنه للان خاايف..!!
وش رايكم؟؟ ساعات اقول انه صاادق.. وانا احس انه طوول علي.. ولا ابي اتعلق فيه ويخليني؟؟ ولا ابي بعد اني اتعللق فيه واتفاجأ انه مو مناسب لي
انا بصررراااحه خايفه جدا من خوفه هذا يستمر... ويتحول الى تعقيد.. وبهالحاله ماراح انبسط معه
وخايفه من ناحيه ثانيه انه يقاررنني بزوجاته قبل... وخايفه وخاايفه
ابي رااااااااايكم بكل تصرفاااااااته معي بلييييز
اخر شي قاللي اياه انه للان ماعرفني ولاعرف وشو اهتماماتي .. يقوول اني ماااحكي وكلاامي جدا قليل
وده اني اساعده على التغلب من خوووفه..

شووو رأيكم؟؟؟

بليييز لاتهملوني؟؟ انا محتاجه اسمع لاراااء كثيرة وماابغى اخفق للمرة الثانيه
شباب وبنات... ؟؟؟


الاشراف : عذراً , تم تغيير العنوان , بالتوفيق .

التعديل الأخير تم بواسطة !!حنيين!! ; 22-06-2008 الساعة 02:24 PM
قديم 22-06-2008, 12:18 AM
  #2
> كـــ أنثى ! <
عضو دائم
تاريخ التسجيل: Oct 2007
المشاركات: 80
> كـــ أنثى ! < غير متصل  
Post لن يخيب حظكِ هذه المرة بإذن القوي الغالب

ياقلبي أنتِ والله رحمتك
طريقة وصفك للمشاعر من تجاهه متضاربة
بداية انا مو متزوجة ولامايحزنون لا لسا انا بنت .. يعني لاتاخذي بكلامي واجد اتفقا ؟

انتِ مطلقة طيب مو مشكلة وش فيه الطلاق ربي ماكتب نصيب وانتهى !
بس هو لما قلتي انه مطلق مرتين احس اني مع اني مالي دخل بس ترددت واجد .. وتصرفاته بناء على كلامك انه اممم يعني مو مرة تحسينه راغب فيك
والله احس كلامي مقطع ..
بس انتي وحدة صغيرة مو كبيرة عشان تاخذي واحد له تجربتين فاشلات بغض النظر عن اسباب الفشل من طرفه والا من طرف زوجاته ..
استخيري واستخيري واستخيري وقوّي علاقتك بالله وادعي كثييييييير وشاوري امك وابوك والصواب معهم ان شا الله
انتظرك تبشريننا بأي قرار تتخذينه ..


من كلامك حسيت انك تصلحين صديقتي
دشيتي قلبي بدون استئذان سبحان الله ..
الله يوفقك يارب ويلهمك الصواب


بعدين ياقلبي غيري اسمك وش حظي خايب ؟ تفاءلي بالخير وترى الكلام يصدقه الواقع فاحذري ..


( وردة لروحكِ الطاهرة )
قديم 22-06-2008, 12:47 AM
  #3
رسيـــل
كبار شخصيات المنتدى
تاريخ التسجيل: Mar 2004
المشاركات: 2,470
رسيـــل غير متصل  
السلام عليكم ..


تصرفاته لا تبشر بخير... لكن

استخيري وربي ييسرك اللي فيه الخير والصالح..



وتذكري انك مجربة عدم الراحة قبل الزواج ... فمفروض انك تعلمتي من التجربة ولا يلدغ المؤمن من جحر مرتين


دمتي في حفظ الرحمن,,
قديم 22-06-2008, 01:08 AM
  #4
مداريم
عضو دائم
 الصورة الرمزية مداريم
تاريخ التسجيل: Jul 2007
المشاركات: 69
مداريم غير متصل  
مشكورين اخواتي عالرد....

بصرااحه ماثمنت انه مو كويس ابدا

مادري ليه كنت حاسه اني ابيه وعاجبني وعاجبيني اهله

لكن فتحتو عيوني

والظاهر اني باخذ موقف حاااسم...

يعطيكم العافيه اخواتي ويبعد عنكم كل شر ... ويرزقكم الخير ... ويسعدكم دنيا واخرة .. كما اسعدتني ردودكم

لان بصراحه انصدمممممت
من عدد الزيارات!!!
ومافيه ردود .. الا 2

وكان ودي اسمع اراء للرجال؟؟ ايضا!!!!

الله يسامحكم اذا كنتو مهمليني ... بالقصد
قديم 22-06-2008, 04:12 AM
  #5
-نوران-
قلب المنتدى النابض
 الصورة الرمزية -نوران-
تاريخ التسجيل: Apr 2008
المشاركات: 2,635
-نوران- غير متصل  
آهلا حبيبتي
عندي تجربة شخصية ساحكيها لكِ
مرة تقدم لي شاب و رأيته في الرؤية الشرعية و ظل مدة إلى أن رد ثم بعدها حصل مثلما قلتي بالضبط
مشغول , تعبان , مشغول , مريض .. حجج متوالية و ظليت معلقة شهرين و نصف لا أعرف ما القصة ؟
أنا كنت واثقة تماما أنه أعجب بشكلي فثقتي في شكلي شديدة جدا و الحمد لله
و لم أفكر للحظة حتى أنه متردد في أمري , فكنت أعذره و أعذره و لا أهتم
حتى مليت , قلت لأمي أنا لا أفكر بالزواج الآن و غير هذا لا أراه شخص يستحق تاركني معلقة بهذا الشكل
فأرسلت له مسج و كان أول مسج أرسله له رغم أني لدي رقمه منذ الشوفة الشرعية
أخبرته أريد أن أعرف لما التأخر بالضبط ؟ فلم يرد علي
أرسلت تقريبا ثلاث رسائل أطلب فيها تفسيرا عن سبب التأخر و هل هو متردد و هل فعلا هو مشغول أم يتهرب ؟
فلم يرد , فأرسلت له قلت , كل شيء قسمة و نصيب و يبدو إن نصيبك ليس عندنا , سلام
أنا كنت أعذره كثيرا
لكن اتضحلي إن الرجل الذي يريد التزوج سيفعل ذلك بسرعة و ترينه يشوف الشوفة الشرعية و يتصل في نفس اليوم أو يخبر في نفس الجلسة و ترينه يبدأ تحركاته لإتمام الزواج
أما من يفتعل الحجج بهذا الشكل فهو إما مغصوب أو متردد أو لم تعجبيه
لذا الأفضل لكِ أن لا تظلمي نفسك و تضيعي وقتك مع هكذا شخص
اللي يريد أن يتزوج بالذات في مجتمعاتنا الخليجية ترينه جاهز يتمنى الإسراع و الإسراع و الإسراع
وفقكِ الله
__________________
سبحان الله

الحمد لله

و لا إله إلا الله



قديم 22-06-2008, 10:49 AM
  #6
مداريم
عضو دائم
 الصورة الرمزية مداريم
تاريخ التسجيل: Jul 2007
المشاركات: 69
مداريم غير متصل  
شكرا حبيبتي عالرد....

انا بصراحه قلت له هالحكي ؟؟

وهو كان يقوللي انه خاااااااااايف يفشل للمرة الثالثه وهذا اللي يخليه مربط للان مامشى

صحيح.... انا شو ذنبي انتظر

برجع واقوله مرة ثانيه تصرفاتك مو عاجبتني والظاهر انك لو بتستمر كذا .. تراك ماتنفع لي

مشكووووورة جدااااااااا... الله يوفقك في الدنيا والاخرة ويسعدك
قديم 22-06-2008, 12:06 PM
  #7
زوج في المستقبل
عضو مثالي
تاريخ التسجيل: Nov 2005
المشاركات: 663
زوج في المستقبل غير متصل  
شوفي يا اختي

انا مقدر حالتكِ

وكل شي يقدر الإنسان يتحمله إلا إنه يعيش معلق (لا إلى هؤلاء ولا إلى هؤلاء)

لكن أسمعي

انا قريت قصتكِ كاملة وبهدوء ، ولا ألوم خطيبيكِ أبداً

يا اختي ، حنا الرجال صعب علينا إننا نفشل ، والفشل يجرح كرامتنا ، يعني الواحد مننا ما يحس بالسعادة إلا إذا شاف نتيجة مثمرة لعمله

فإذا فشل في العمل أحس إنه هالفشل يمس من رجولته وإنه ما يستطيع إنجاز الاعمال بنجاح


فكيف لو صار هذا الفشل في أمر رئيسي في الحياة وهو الزواج ، لا وفوق كذا فشل مرتين مهو مرة وحدة

قد يكون لهذا الفشل سبب بل سبب مقنع ، لكن مع هذا يعتبر فشل


ترا هذا امر حساس مررررررررة عند الرجال ( شوفي إنتي وإياه لكلكم فشلتوا في زواجكم ، بس لاحظي هو متأثر أكثر منكِ)


كل الكلام اللي قلته علشان أوصل لنتيجة وهي :

لا تلومين خطيبيك في تردده

إذا كنتي أنتي تفكرين في الزواج مرة هو يفكر ألف مرة

فطبيعي إنه يكون متردد ومحتار

طبعا إنتِ مالك دخل في كل هالتصرفات اللي يسويها خطيبكِ ، ولا تتحملين منها أي شي

لكن انا بوصف لك حالته علشان ما تستغربين من تصرفاته وأفعاله وردود أفعاله


طبعا تجارب خطيبك السابقة تعتبر سبب لتأخره في الرد وتردده لكنها ما تعتبر مبرر واضح وصحيح

والمفروض إنه يصير رجال ويجزم أمره


لكن بيني وبينك وفوق كذا ، لا تلومينه



وإنتي حاولي إنكِ تعجلينه ، أو على الأقل تعطينه مدة محددة يرد فيها ، وإذا ما رد يعتبر الامر أنتهى وخيرها في غيرها




والله يوفقك إنتِ وإياه لكل خير
__________________
ليكن حالك كحال الشاعر الذي يقول :

رضـيت بـما قسـم الله لــي
وفـوضت أمـري إلى خالقـي
لقد أحسن الله فيـما مضى
كـذلك يــحسن فيـما بـقـي

ـــــــــــــــــــــــــ

ما سد لي مطلع ضاقت ثنيته

إلا وجدت وراء الضيق متسعـا

ـــــــــــــــــــــــــ

عسى الكرب الذي أمسيت فيه

يـكـون وراءه الــفـــرج الـــقــريـب

ـــــــــــــــــــــــــ

وما مسني ضر ففوضت أمره

إلى الـمـلك الجـبـار إلا تيسرا

ـــــــــــــــــــــــــ

قضى الله أن العسر يتبعه اليسر
قديم 22-06-2008, 12:21 PM
  #8
mansor11
عضو جديد
تاريخ التسجيل: Nov 2007
المشاركات: 48
mansor11 غير متصل  
اقتباس:
المشاركة الأصلية كتبت بواسطة -نوران- مشاهدة المشاركة
آهلا حبيبتي
عندي تجربة شخصية ساحكيها لكِ
مرة تقدم لي شاب و رأيته في الرؤية الشرعية و ظل مدة إلى أن رد ثم بعدها حصل مثلما قلتي بالضبط
مشغول , تعبان , مشغول , مريض .. حجج متوالية و ظليت معلقة شهرين و نصف لا أعرف ما القصة ؟
أنا كنت واثقة تماما أنه أعجب بشكلي فثقتي في شكلي شديدة جدا و الحمد لله
و لم أفكر للحظة حتى أنه متردد في أمري , فكنت أعذره و أعذره و لا أهتم
حتى مليت , قلت لأمي أنا لا أفكر بالزواج الآن و غير هذا لا أراه شخص يستحق تاركني معلقة بهذا الشكل
فأرسلت له مسج و كان أول مسج أرسله له رغم أني لدي رقمه منذ الشوفة الشرعية
أخبرته أريد أن أعرف لما التأخر بالضبط ؟ فلم يرد علي
أرسلت تقريبا ثلاث رسائل أطلب فيها تفسيرا عن سبب التأخر و هل هو متردد و هل فعلا هو مشغول أم يتهرب ؟
فلم يرد , فأرسلت له قلت , كل شيء قسمة و نصيب و يبدو إن نصيبك ليس عندنا , سلام
أنا كنت أعذره كثيرا
لكن اتضحلي إن الرجل الذي يريد التزوج سيفعل ذلك بسرعة و ترينه يشوف الشوفة الشرعية و يتصل في نفس اليوم أو يخبر في نفس الجلسة و ترينه يبدأ تحركاته لإتمام الزواج
أما من يفتعل الحجج بهذا الشكل فهو إما مغصوب أو متردد أو لم تعجبيه
لذا الأفضل لكِ أن لا تظلمي نفسك و تضيعي وقتك مع هكذا شخص
اللي يريد أن يتزوج بالذات في مجتمعاتنا الخليجية ترينه جاهز يتمنى الإسراع و الإسراع و الإسراع
وفقكِ الله

هذا هو ردي باختصار
قديم 22-06-2008, 12:38 PM
  #9
مداريم
عضو دائم
 الصورة الرمزية مداريم
تاريخ التسجيل: Jul 2007
المشاركات: 69
مداريم غير متصل  
اشكر لكم ردودكم جميعا

فعلا اراحتني

زوج في المستقبل... هذا اللي انا مخططه له حاليا

اشكر لكم مرة اخرى .. وجزاكم الله خير الجزاء
قديم 22-06-2008, 01:30 PM
  #10
شوق والم
عضو نشيط جدا
تاريخ التسجيل: Jan 2008
المشاركات: 201
شوق والم غير متصل  
ماراح ازيد على اخوي زوج في المستقبل غير كم كلمه

لاااااااااااازم وانا اقول لازززم

يتحدد الوضع من الحين
يا ابيض يا اسود
يا يبيك يا مايبيك

صعبه الواحد يقعد معلق لا ارض ولا سما .. ويجلس موسوس ويفكر ليل نهار

علشان يبان لك مدى جديته من مدى غيرها

اخوك
شوق والم
موضوع مغلق

مواقع النشر

الكلمات الدليلية
مادري, ارجوكم, يناسبني

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 05:29 AM.


images