اختنا العزيزة ميا الف اهلا و سهلا بيكى معانا و ان شاء الله نكون وش الخير عليكى ذى مانتى ان شاء الله تكونى وش الخير علينا و نفرح بحملنا كلنا مع بعض و نعمل أزمة فى مستشفيات الولادة
فيفى حبيبتى استحلفك بالله انك ماتزعلين من اى اخت مننا ولا منى انا كمان اكيد فى ظروف هى اللى مخليانا مش مركزين اننا نرد انا عن نفسى من ساعة مرجعت لوطنى و انا عاملة ذى المشدودة من شعرها فبكون فعلا مش مالكة انى ارد على كل اخت ذى الاول بس ارجوكى السمااااااااااح و ربنا يكرمك ان شاء الله و يرزقك بالولد اخو البنات بس حاسبى من الدلع حيكون اخر العنقود و كمان ولد على بنتين احنا عندنا فى مصر بنقول عليه "هوبا" نسبة الى عبد الوهاب البن عبد الغفور البرعى فى مسلسل لن اعيش فى جلباب ابى عشان عبلة كامل كانت بتدلعه على طول ربنا يكرمك و ان شاء الله نفرح بيكى عن قرييييب
راميا حبيبتى اخبارك ايه فى الحمل طمنينا اقرى على بطنك قرآن كتييير و ان شاء الله ربنا يثبتلك حملك
ملوكة الف سلامة عليكى يا حبيبتى و ان شاء الله ما تشوفين شر ابدا و طمنينا عليكى على طول
Saudd حبيبتى شكرا على سؤالك انا ذى ماكون بنتقم من شوارع القاهرة على طول باخرج مع اهلى او اصحابى فتلاقينى على طول مشغولة بس انا الحمد لله بخير مافيش غير ان جسمى واجعنى ممكن يكون من المجهود الللى ببذله كل يوم
عموما ربنا يطمنا عليكى
اختنا يورنا كتر خيرك على المعلومات القيمة اللى بتديهالنا و انا فعلا ابتديت انزل وزنى و ربنا يسهل ارجع الى وزنى الطبيعى فبل ما زوجى ييجى (اصلى عملهاله مفاجأة)
ربنا يجازيكى الف خير على تعبك فى جمع المعلومات المفيدة لينا كلنا
اختى حبيبتى حلمى قريب ربنا يخليكى على سؤالك على انا الحمد لله الى الان كل الفحوصات لسيمة وربنا عنده الشفا بأذن الله و متظره الهانم عشان ابتدى المنشط اللى كتبه ليا الدكتور و هو اسمه تقريبا نولفودكس حد سمع عليه يا بنات؟
طمنينا على النونو اخباره ايه؟ و انتى بقيت فى الشهر الكام دلوقتى؟ ابتدى يتحرك ولا لسة بدرى؟ طمنينا عليكى يا غالية
مش عارفة ليه بحس ان كل اخت مننا حملت بحس ان ابنها دا ابننا كلنا و ذى ما يكون كلنا اللى تعبنا فيه يعنى كل طفل جديد بيننا حيكونله خلات كتيييييييير الله يعينه علينا
يورنا حبيبتى متشكرة و الله على سؤالك عليا و ربنا يجازيكى الف خير
دلوقتى انا حابة اسأل على الغائبات
شوشو حبيبتى ربنا يطمنا عليكى ان شاء الله بس برضو طمنيييينا
زهور الدعاء انتى فين يا بنت هى المذاكرة نسيتك اخواتك ولا ايه؟ انا مأموصة منك كدة هه
انا بعاكسك انتى اخت غالية عالينا و نحب اننا نتطمن عليكى يا جميلة
العروسة الصغيرة انا ملاحظة ان اخر تواجد ليكى معانا كان من ساعة ما عرفنا بخبر الحمل ربنا يثبتلك حملك آمين يا رب بس حابين نتطمن عليكى
ام غزوان ربنا يطمنا عليكى و على النونو الجديد
هلا اعتقد انك المفروض تكونى ولدتى ربنا يطمنا عليكى ان شاء الله
امل محمود طمنينا عليكى و حتفقسى امتىىىىى؟ عايزينك تقولى يا ام السعد بقى عشان تفرحى قلبنا ان شاء الله بطفل سليم معافى بأذن الله
رشروشا اخبارك ايه؟ يا رب تطمنينا عليكى
انتى كنتى بتقولى ان زوجط اخد الكلوميد ممكن تقوليلى الجرعة و كان بياخدو ازاى؟ محتاجة التفاصيل ارجوووووكى
ارجو انى ماكونش نسيت حد
رب لا تذرنا فردا و انت خير الوارثين
13-11-2007, 12:24 PM
ضوابط المشاركة
العرض العادي
