قبل شوي بنتي كانت تلعب بصوت عالي بينما زوجي يحاول أخذ قيلولة بعد العمل ،
حاولت اخليها تقصر صوتها وكل دقيقة رايحة عندها مع اني تاركتها بابعد نقطة عن غرفته

لكنه فتح الباب بكل قوته واختي جالسة وجلس يصرخ علي حتى بنت صغبرة منتي عارفة تسكتينها!!

واخذ فراشه وراح ينام عند اهله !!


صراحة مصدومة جدا جدا خير ان شاءالله يصرخ علي عشان بنته !! وش اسوي فيها طيب اللي علي سويته !! مو مشكلتي انه حاجرنا ببيت ضيق عشان يفتك من الايجار ويلومني بعد لو ماسكتها !

انا من كثر الصدمة والله مو عارفة افكر !

__________________
سبحان الله وبحمده ، سبحان الله العظيم

اصلا كان توه داخل غرفته وكنت اسمع صوت تشغيله فيديوات بجواله لسه مانام
كان يقدر يقول يرسل لي سكتي بالبنت .. او خليها تروح لاهلي او اي يدق علي يهاوشني بالجوال اي شيء بين الزوجين !
بس يفتح الباب بكل قوته ويصرخ علي كاني اصغر عياله هذي جديدة علي والله !

ما اقدر اسكت عن الموضوع بقلبي حرررررة ما اقدر اخلي الموضوع يمر مرور الكرام ..

اهلي جايين لمدينتي ببالي ارجع معاهم واخليه يفضى له البيت صح ينام على راحته عشان يعرف قدر زوجته ..
ابغى ادخل اهلي بالموضوع ابغى ارجع كرامتي احس اني حاجة رخيصة يصرخ علي وقت مايبي وقدام اللي يبي !!

جمرررررة بقلبي

__________________
سبحان الله وبحمده ، سبحان الله العظيم

استهدي بالله ولاتكبرين الموضوع
السالفه ماتستاهل هذا كله
اغلب الرجال يعصب من الازعاج وقت نومه وخصوصا ان الموضوع كلام بس

اختي غاده الله يهديك لاتصيرين مثل بعض البنات هاليومين اي شي راحت لـ اهلها حتى مع الوقت يصير روحتها لاهلها عادي عنده
ترك البيت والروحه للاهل تكون على شي قوي مو بهالشكل
ولايكبر الشيطان اللي حصل ويخليك تسوين شي وتكون عواقبه وخيمه

واضح انه لو رفع صوته عليك ليس امام اختك ما كان اهتميتي اختي اصلا ولا تهتمين للموضوع ومن يرجع قولي له اني اسفة حقك عليه وبخلص الموضوع

وشي بسيط أو عادي يصرخ عليها جدام أختها؟!! .. أو جدام أي حد؟!!

لا طبعاً .. ومعاج حق تزعلين يا غادة.

لكن خلي زعلتج في بيتج.

__________________


اللهم طِيبَ الأثر .. وحُسْنَ الرحيل.

مره تصرفه غلط

وانا مع مهره. زعلك ببيتك مو تروحي

زوجه. استهدي بالله. والشيطان. شاطر الللخ
طيب الزوج. لازم يوسع صدره ويحترم زوجته !
يضبط أعصابه !
على الاقل. مو قدام احد. رغمه غلطان

__________________
للمتزوجين..من يريد منا الذريه فلنستغفر كل يوم وكل دقيقه
من دعاء زكرياسورة الأنبياء..نقول دائمافي السجود(ربي لاتذرني فردا وانت خير الوارثين) وآل عمران(رب هب لي من لدنك ذرية طيبة انك سميع الدعاء) لغيرمتزوجين..من يريد منا الزواج فلنستغفر كل يوم مع الدعاء..نقول دائما في السجود (ربي اني لما انزلت اليي من خير فقير) لطلب الوظيفه والمال وغيرالكثير...فلنستغفركثيرا..دعواتكم لي بالزوج الصالح ولإخواتي المسلمات
اللهم ارزقنا ازواج صالحين عاجلا غير آجل اللهم آمييين

نعم لو كانت صرخته لي لوحدي كنت تقبلت وعلى قلبي احلى من العسل وهذا طبعه ينفخ بصوت عالي ويطلع الحرة واسكت انا كلها كم ساعة ويتندم وانا ارجع احلى مايكون وصافي يا لبن ..
طبعه ومتقبلته طالما مايتلفظ او يقل ادبه علي ، معليش خله يطلع الحرة زي مايقولون ، مايهمني والله

بس قدام اختي لا والله جديدة علي ، وكبيرة بحقي انا ماسويت شيء يستاهل كل هذا !!
والله كبيرة بحقي .

طبعا كل العصر كنت طالعة ماشفته ولا كلمته معزومة بمزرعة وحصلته المغرب مرسل لي رسالة يعتذر باسلوب رسمي ورسالة قصيرة جدا ومختصرة
يعتذر ع الموقف ويظن اختي كانت طالعة برا بالحوش !!!!

والله كذاااب بعد ماصحصح وتندم كتب الرسالة والا يدري اني انا واختي بنجلس بالصالة .. اصلا وش يطلعها الساعة 3 ونص بعز الحر !!

طبعا مارديت ولالي نفس ارد وعارفة انه اذا شافني ما اكبمه بيقلب علي ويزعل هو سبحان الله ..
انا منب طااايقة احط لساني ع لسانه
منب طايقة اشوف وجهه والله العظيم

كل مرة على مدى 6 سنوات زواج عمري ماصعدت اي مشكلة ..
كل ماتصير مشاكل اسكت واموت المشكلة ونرجع سمن ع عسل .. عمري مادخلت اهلي او اهله بمشاكلنا
تصير اشياء تقهرني وتحرقني بس اسكت وامشي ويجي يكلمني بكلمتين وارضى واتجاهل وبس

المرة هذي لا . ما ابغى اسكت ولا ابغى امشي الموضوع .. فيني حرررة هو اللي صعد المشكلة مب انا
طول عمري ستر وغطا له وهو اللي فضح نفسه مب انا اللي فضحته

ابغى اكلم ابوي وابكي ابغى احس ان فيه احد يقدرني ابي ابوي بنفسه يكلمه ويفهم اني مب ملطشة عنده يرفع صوته متى مابغى .. انا انسانة محترمة واستحق الاحترام .

المضحك بالموضوع بعد رسالة الاعتذار مرسل لي رسالة ثانية ان مكتب الاستقدام مكلمينه بيجيبون الخدامة هاليومين 😂
يعني انبسطي وارضي واكلي تراب ماقصرت معك
طبعا كذاب المكتب محددين مهلة خلال اسبوعين باي يوم تجي ولا عمرهم كلموا احد عشان يستعد لخدامته دايما يكلمون ويقولون الخدامة رحلتها اليوم استقبلها من المطار وبس

بس انا كنت ازن عليه يدق ع المكتب يشوف وينها ودايما رده اذا جت بيدقون علي ماله داعي المكالمات
يعني وحده من ثنتين يا انه يكذب وبس بيلهيني عن المشكلة
يا انه هو ينفسه تواصل مع المكتب عشان يقولون له هالكلمة اللي بزعمه بترضيني وتنسيني بلواه .

توني راجعة من مناسبتي ولاا ادري وش كانوا يقولون متنكده والعبرة بحلي ومقدر اقول شيء عشان اختي معي .
وتوني راجعه وبكيت لحد ماصدعت ..
يارب اقدر انام من الصداع

__________________
سبحان الله وبحمده ، سبحان الله العظيم

المضحك قبل شوي لما دخلنا دخلت افرش اسناني واسمع بنتي بالصالة رافضة تجلس مع ابوها وهو يترجاها تجي عنده وتجاهلته وجت عندي 😂
اول كنت شغالة مرسول الغرام وياللا بوسي بابا ويالله حبي بابا وبابا جاب لك واشترالك الخ

بس يبدو لي ان مهمتي انتهت يبي بنته تحبه خله يبذل مجهود عشان هالشيء وانا مالي علاقة بينهم

ببالي حاليا بكره بكلم ابوي ان شاءالله ، بس بقوله الموقف ولاول مرة بزواجي احكي لابوي شيء ، بس هو اللي حدني لهالشيء
ابوي رجل هيبة وحكيم وله كلمته ، انا بشاوره بس .. ان قال لي اصبري وتحملي الخ فانا بمشي ع كلامه
وان قال بكلم زوجك بخليه يكلمه ويعلمه اني منب جاية من شارع ووراي اهل ولازم يحترمني .

مارح اخليها تكر مرور الكرام .. هذي البداية يصرخ علي قدام اختي وبكره قدام اهله واللي بعده قدام الناس الغرب ..
ما ارضى بهالشيء

__________________
سبحان الله وبحمده ، سبحان الله العظيم

حبيبتي غاده

باين عليك تحبينه ماشاء الله. ان شاء الله هو كذالك

ودك تعطينه قرصه عشان يتوب 😂😂
خليه يتوب. ان شاء الله ماتتكرر الأخطاء بينكم
ان شاء الله ربي يؤلف بين قلوبكم دايم على المحبه والسعاده دايم اللهم امييين

__________________
للمتزوجين..من يريد منا الذريه فلنستغفر كل يوم وكل دقيقه
من دعاء زكرياسورة الأنبياء..نقول دائمافي السجود(ربي لاتذرني فردا وانت خير الوارثين) وآل عمران(رب هب لي من لدنك ذرية طيبة انك سميع الدعاء) لغيرمتزوجين..من يريد منا الزواج فلنستغفر كل يوم مع الدعاء..نقول دائما في السجود (ربي اني لما انزلت اليي من خير فقير) لطلب الوظيفه والمال وغيرالكثير...فلنستغفركثيرا..دعواتكم لي بالزوج الصالح ولإخواتي المسلمات
اللهم ارزقنا ازواج صالحين عاجلا غير آجل اللهم آمييين

عزيزتي غادة..

استهدي بالله وقولي لا إله إلا الله.

أن يصرخ عليكِ زوجكِ أمام أي شخص .. فعلاً مسألة كبيرة .. وفعلاً لا يجب أن تمر مرور الكرام.

وأن تصعدي الموضوع وتأخذي حقكِ وتضمني ألا يتكرر ما حصل .. كل هذا من حقكِ .. ولكنكِ تستطعين فعله وحدكِ دون تدخل أحد .. على الأقل باعتبارها المرة الأولى التي يفعل فيها زوجكِ ما فعل إن لم أسيء الفهم.

أما إدخال والدكِ في مثل هذه المشكلة فأراه أمرٌ لا يصح .. لأن الموضوع ـ وإن كان كبيراً ـ لا يستحق أن يتدخل فيه أحد.



تقولين إنه إن شافج ما تكلمينه بيقلب عليج وهو اللي بيزعل .. فماذا تتوقعين منه إن أدخلتِ والدكِ في موضوعٍ كهذا؟!


وما أراه أنه مدرك لخطئه ويحاول الاعتذار ـ بطريقة بعض الرجال ـ وليس أنه يلهيكِ أو يحاول الضحك عليكِ.

ومع ذلك لكِ أن تظلي متحفظة معه وزعلانة حبتين حتى يدرك أن الموضوع بالفعل أكبر من يمرّ ببساطة .. وقد تتاح لكما فرصة النقاش والعتاب وعندها قولي كل ما في خاطركِ.
.
.
.
الاحترام ضروري جداً بين الزوجين .. ولكن مسؤولية بناء هذا الاحترام هي مسؤولية الزوجين فقط .. لا أن يفرضها طرف آخر على أحدهما.

عالجي موضوع الاحترام بينكِ وبين زوجكِ يا غادة .. حتى يكون الاحترام نابع من نفسه وبقناعته وأنكِ بالفعل تستحقين الاحترام .. وليس لمجرد أنه خائف من والدكِ أو عامل له هو اعتبار.

__________________


اللهم طِيبَ الأثر .. وحُسْنَ الرحيل.