لسلام عليكم ورحمة الله
اخواني واخواتي انا انسانة تعبت في حياتي حيث تطلقت اكثر من مرة ونفسيتي تعبت وما ابغى اخوض في التفاصيل لأن ذكرها تتعبني نفسيا لكن لو مثل حالاتي ربي حدني على متزوج لأن بصراحة المطلق والأرمل يبغون بنات ابكار ومدري ليش هل فيه عيب في المطلقة لكن المهم كنت اخذت زوجي الأخبر متزوج وبصراحة حصل اشياء عجيبة معاة والأكيد انه سحر من زوجته الأولى وما جلس معاية اقل من 3 اسابيع وطلقني ظلم ومن غير سبب وقبل الزواج كان يموت فيه من الحب المهم حصل اشياء عجيبة لكن ما اقول الا حسبي الله و نعم الوكيل بس بعد التجربة وسمعت الناس وبنات حرام قصصهم تحزن صارو المتزوجين ياخذون الثانية نزوة ولا عشان يعدل الأولى واذا تعدلت طلق الثانية المسكينة رغم زوجي السابق ما كان نزوه وكان يبغى عيال كانت زوجته ما تنجب عشان كذا وافقت عليه لكن كذا ظلم اش يظمن حق الثانية واش الحلول اللي ممكن حق الثانية ؟لأنه لما يطلق الثانية بدون ضمير تكون بكر زود عدد المطلقات وإذا كانت اصلا مطلقة يزود حالتها النفسيةواكتئاب و تسوء سمعتها فجتماعية يعني هو ما يخاف الله
السؤال المهم واللي ابغى مشورتكم فيه وارائكم مثل حالاتي تطلقت ظلم وانا مطلقة من قبل اكثر من تقدملي متزوجين وابغى الستر ابغى اعرف لو حدني الله ونصيبي على متزوج كيف اضمن حقي مرة ثانية وانه ما يطلقني عشان نزوة او إذا تعدلت زوجته يفرط فيني وكيف اعيد ثقتي واقبل اتزوج مرة ثانية ارجو الأراء السديدة وعدم التجريح في الردود فكل منا مصاب والله اللي يختار لبني ادم مصيره ونصيبة لو كان نصيبي بيدي كان خليته احلى نصيب وعلى الله التوفيق والسداد[/SIZE][/align][/[/SIZE]B]

__________________

حبيبتي ما فيه في هالدنيا شيء مضمون
وانا مطلقه مثلك ولو افكر اتزوج مره ثانيه ماراح اتزوج واحد معاه زوجه مو عشان الاسباب اللي ذكرتيها ولا عشان اراعي مشاعر زوجته
ولكن انا ما اقدر اعيش مع جاره سواء انا عليها او هي علي ما تفرق معاي
من هذا الباب ما احس اني اقدر انفعك كثير
لكن ممكن اقترح عليك اذا تقدم لك واحد تسالين عن سبب التعدد عنده وهل زوجته عارفه او لا
والافضل يتفاهم معاها اول ويقنعها لحد ما ترضى افضل من ان يضعها امام الامر الواقع وبالتالي تبدأ المشاكل بعد زواجك منه
واحيانا طلب ضمانات ماليه( مؤخر صداق مثلا) تجدي نفع كبير بحيث يبين اذا هو جاد فعلا او انه لعاب او زي ما قلتي يبي يادب زوجته بس
لان بصراحه موضوع الفلوس يهم الرجال كثير ويحسبون له الف حساب

غاليتي..

ربما لا أستطيع إفادتك ...بقدر مواساتك .. حيث أن قصتتك مثلي تماما فشكيت أن كاتبتها ( شيهانة) ...!!!!!!!

حقيقة كثير ما يطري على بالي ( سؤالك ) فلا أجد له إجابة إلا التوكل على الله أما إني أرفض المتزوج لا أظن ذلك فأغلب

المتقدمين إن لم يكن كلهم ( معددين )!!!

فكرة الفاضلة ( زهرة نجد) للمؤخر جيدة ...لكن مع ذلك فهو ضمان نسبي لأن الرجل إذا ما عاد يبغاك أواستحالة الحياة حطك في بيت أهلك

ولا يطلق لأنه ما يقدر على المؤخر أو لا يريد يدفع !!!

يعني عزيزتي ....الموضوع كله في اسمك الجميل ( أملي بالله وحده ) وتوكلي على الله ..

و كمثال أنت تزوجت من رجل عنده سبب قوي للتعدد وهو أن زوجته لا تنجب ومع ذلك ...لم توفقي..

ممكن في المقابل تتزوجين من رجل ليس عنده سبب بل متزوج لرغبته في الزواج في حد ذاته وتوفقين...

وكلي أمرك لله ..

__________________
[IM

اختي تسلمين على تعليقك الجميل وانا اكيد اتمنى ما اخذ متزوج وكنت اموت من زوجي السابق خصوص انه فرط فيني بسرعة رغم انه كان محتا الزواج عشان يبغى اولاد لكن نصيب تقدر لي وطرحت الفكرة قبل ما املك عليه لكن يقلون عيب احنا عاداتنا ما نحط مؤخر احنا شارين رجال وفعلا من كلامه ووعوده قبل الزواج تقولين بيغطي عليه بالرمش والعين ويصوني لكن اولاد الحرام ما خلوني في حالي حتى فرحتي سحبوها مني ما كملت معاه اسبوعين بالتمام وحصل الطلاق وفكرة المؤخر هي اللي في بالي واشكرك على تفاعلك ويرزقك بللي في بالك

__________________

الله يجبر كسري وكسرك ويعوضنا بدال حياة التعب اللي عايشينها ليت عندي عيال كان ماعاد فكرت اتزوج لأني مالي حظ في الزواج وحسبي الله على اللي كان السبب يارب يفرج همومنا وانا اتفق على فكرة المؤخر لأنه يبين النوايا لكن اللي تزوجته كان عنده سبب قوي بس ما خلته يفرح وطلقني بسرعة بدون خوف من الله تحياتي لك يالغالية

__________________

اشكرك على تفاعلك انا معاك في فكرة الدين والإلتزام بس الصدق ما عادت تكفي لأن بعضهم الأن صار يتستر ورا مظهر الإلتزام وصار صعب الواحد يفرق بس مسألة السؤال مهمه لكن كيف نحد المتزوجين بعدم التلاعب بأعأراض الناس وجزاك الله خير

__________________

ابغى هذا الموضوع والفكرة نوصلها للمشايخ اللي لهم دور فعال على الناس مثل الشيخ العريفي عادل عبدالجبار الجبيلان خالد الجبير الله يحفظهم اللي له اتصال بأحد من هؤلاء المشايخ الفضلاء يوصل هذي الرسالة لينصحوا الرجال المعددين لعل الرجل يكون صادقاً لما يقدم على الزواج من امرأة اخرى لأنها ما تزوجته الا محتاجة للزوج والستر وتبغى تكون اسرة وتستقر
نبغى لها حل ياليت ينصحون الرجال يرجعون الى الله ولا عاد يفكرون الزواج الثاني بس نزوة او تجربه مالها قرار ومالها حق تستقر

أستغفر الله

__________________

الضامن الله لكن ابحثي عن صاحب الدين والخلق
وهو ان شاء الله لن يظلمك

حبيبتى انصحك بازوج الغير معدد لكن اذا كان نصيبك مع معدد حبيبتى اقول لك شئ لكن انى احبك في الله واحبك انا مثل اختك لا تزعلى راعى انت اولا حقوق الزوجة الاولى واعرفي اذا تعرف او لا لان هذا حقها وتذكرى من تراعى حقوق اختها يتكفل الله برعايتها لانك تسيري في حاجة اختك واعلمى انها امراة مثلك لها مشاعر يمكن لما تنوى كده الله يرى صدقك وما تتطلقى تانى حبيبتى اعلمى ان الزوجة الاولى انما هى اختك فاحرصي عليها كما تحرصي على نفسك وبهذا يلقى الله محبتك في قلب زوجك ان شاء الله واعملى بنصحيتى وهتشوفى الفارق حبيبتى

__________________
صلى وسلم على محمد واله الطاهرين الطيبين بارك الله لك