من غير مقدمات..
ياناس ماأدري وش أسوي..
زوجي له أربع أيام فاقد الشهية..لايأكل ..لايضحك...لايبتسم...فقط ينظر ألي...
وبعد ماألحيت عليه وطولت في الألحاح...قال لي...لقد جاء دوري
أنا عرفت وش يقصد...زوجي عسكري في وزارة الداخلية...
وقد طلع في مهمات قبل بس كانت بالنسبة له بعيدة عنه شوي...(هو بيسكتني لما يقول بعيدة عني)
وش يصير فيني أذا زوجي طلع مهمة وما عاد رجع لي مرة ثانية!!؟؟
صح انه شغله كذا!!؟؟بس أحنا قبل كنا في آمان في بلدنا ..
الحين وش يصير عندنا..من ترويع آمينين...
يكفيني أني أنام مرعووووبة وأصحى مرعووووووبة..
وكم مررررة صحيت ومالقيت زوجي جنبي!!! وش صار فيني طار عقلي ...تجننت ...قعدت أصيح في البيت وش أسوي...
أتصلت عليه مرة ومارد!!؟؟يداي أرتجفت وقدماي...وأربط لساني عني الكلام وش صار في صدري من كلام!!!
خلاص ما عاد أشوفه...معقولة هذا اليوم يوم آجلة!!؟؟؟(ياليت أقدرأقول لكم وش يصير فيني من داخل والله مااقدر أوصف زين)
الخوف والراعة أنزرعت فيني ....
ماتصدقون لما أقرأ في الجرائد عن فلان أستشهد وترك عائلته..أبكي...
لما أشوفهم زايرين أهله ويطلعون في التلفزيون ويجيبون أطفاله..أبكي بحرقة..
لما يجي زوجي ويودعني على السريع عند الباب ويروح في مهمته...وش أقول أنا
أقعد على ناااااار وأفكر ولاأقدر أطمن عليه لأن (الجوال ممنوع في مهمة)....
أقعد يانااااااس والله أبكي زي ذحين وأنا أكتب لكم الموضوع...
الرعب داخل في صميم قلبي ..غير الأفكار والهواجيس وش أسوي أذا زوجي يطلع في مهمة ويكون قدامي يلبس ويستعد وأنا بس أنظر فيه وتتجمدت رجولي من الراعة والخوف...
دايماً أقول أنه ماراح يرجع!!؟؟ دايماً أقول هذي النظرة الإخيرة لي...

والله عجزت أشرح لكم وش يصير فيني ...
أنا ياناس زوجة رجل صاحب مهمات...وهذي المهمة القريبة يقولي أنا قدام المدفع..
ماتدرون وش سويت فيه..مسكت ثيابه ونفضته بقوة بيديني وقلتله حرااااام اللي تسويه فيني...
أنت وش تبي فيني..أنت ليش تعذبني وتقهرني غير أني طحت على وجهي وصابني أنهيار عصبي بعيد عنكم...
وصلت الى مرحلة اللا صبر....ماأقدر أصبر ولا أقدر أتحمل أكثر...
بس لو أسمع في شيء يصير في بلدنا...أنتفض وتتجمد أطراف أصابع يداي ورجلاي من الخوف...

ياناااااااس قولولي وش أسوي...حطوا نفسكم مكاني!!!
شوفوا الرعب فيني وفي نظراتي..تكفيني كوابيس الليل...
مرة قالي أنتي وش سويتي فيني البارح وأنتي نايمة!!! قلت وش سويت!!؟؟؟
يقولي تبكين وأنتي نايمة وتضغطين بيدك على صدري وتصيحين لاتروح...لاتروح...لاتروح...
والله هذي الكلمة أقولها له دايم لما يجي بيطلع...


ياناااااس فهمتوني و لالا...
أنا عجزت أترجم مشاعري وأحاسيسي زين وماقدرت أشرح زين الحالة اللي أنا فيها....
صعبة أنظر في زوجي وهو طالع وأقول ما راح يرجع لي الا بكفن....

أيامي مالها طعم ....زوجي شايف أن نفسيتي تعبانه مررة وشايله هموم الدنيا وبلاويها...
أحب زوجي بجنوووووون والله بجنوووون وما أدري وش بيصير لي أذا فقدته..
وما أتخيل يوم يجي وماأشوفة...
ياناس الموت قدام عيوني..أشوفه كل ساعة وكل يوم....


فهمتوني ولا لا...
خلاص بوقف لأني أنخرطت في البكي وماعاد أشوف زين....

الله يصبرك يا أختي ويخليكم لبعض ولا يحرمك منه
أدعيلة دائم بأن الله يحمية
وتأكدي أن ما يقوم به زوجك عمل شرف فهو في خدمة الوطن
والله يعينهم ويخليهم لنا جميع
لو الله ثم حكومتنا الرشيد و هم لا أعلم ما كان صار بنا ......
الله يحفظهم إن شاء الله

__________________

غاليتي (هو في قلبي )..................

حركتي ساكن دمعي ....... لكن سأدعو لك دائماً أن يحفظ الله لك زوجك ويطمئن قلبك عليه ويريييييييييييييح بالك


أختك : قلم شاعر

كان الله في عونك اختي الفاضلة ..

اسأل الله العلي العظيم ان يحمي زوجك من كل مكروه وان يعيده اليكِ

سالماً .. آمين ..


يثبت تضامناً مع الاخت الفاضلة

الله يحمي زوجك ويعينك ان شاء الله على مصاعب هالحياة ومتاعبها

والله حاسه فيك يابعدي قمت ابكي من سالفتك وابكي بعد من سالفتي انانفس الشي بس من جهه اخرى الله يكون بعون كل الزوجات اللي رجالهم كذا

اولا يا اختي

تعوذي بالله من الشيطان الرجيم اذا صابتك هذي الحاله
ثانيا
حطي ببالك دائما (قل لن يصيبنا الا ماكتب الله لنا) لازم يكون ايمانك قوي في كل الاحوال
ثالثا
واهم شي

استودعي الحافظ الحفيظ الامين في كل لحظه يخرج فيها
لانك كذا تكلفين الله بحفظه وهو الوحيد سبحانه القادر على هذا الشي
قولي دائما (استودعك الله الذي لاتضيع ودائعه) انا دائما اقولها لزوجي وين ماراح وازيد عليها (الله يردك لي سالم غانم ولايوريني فيك مكروه)

الله يحفظه ويخليه لكم ولايحرمكم منه

__________________

اللهم لك الحمد حتى ترضى ولك الحمد اذا رضيت ولك الحمد بعد الرضا

حمداًكثيراً طيباً مباركاً فيه كما ينبغي لجلال وجهك وعظيم سلطانك

اللهم بارك لي فيما رزقتني واجعله من عبادك الصالحين واحفظ ولدي من كل سوء ومكروه واجعله قرة عين لي ولوالده

__________________
... ( بالحب نعيش أجمل حياة ) ...

أختي العزيزة

أحس ما تعانينه ..

أسأل الله أن يعينك ويصبرك .. ويحفظ لكِ زوجكِ


ولكن لا تجزعي .. وأحسني الظن بالله تعالى

فهو القائل في الحديث القدسي : ( أنا عند ظن عبدي بي ) .


تحياتي .

__________________

__________________