06-07-2011, 11:05 PM
|
...انا متزوجه لي 3 سنوات عايشه براحه بسعاده ولله الحمد عمري فوق العشرين سنه معي ولد والان حامل ب4وزوجي الغالي عمره قرب الثلاثين سنه حياتي لا بل حياتنا عايشين بود وحب واحترام وسعاده ودلع لبعض يعني مرتاحه ولله الحمد احبه بجنون وهو كذلك ان ابتعدنا لااجازه عند اهالينا مستحيل مايدق بل غالبا يتصل ويسئل عني انا وابني وان غاب او تاخر ابادر بسرعه لاجل ارد له جميله بلاتصال بيننا احترام كبير حتى بلمشاكل نتكلم دون رفع صوت ابدا ابدا وكأننا نسولف... ولكن مشكلتي هي انا نفسي ...( كيف انسى جرح او ماضي !!)(متعبه نفسيتي ولا احد درى عني !!) مره من المرات وحنا عند اهل زوجي ناديت زوجي بأد ب وانا بطبعي احترمه ببيتي وغير بيتي فهو زوجي واعامله بااحترام لكي يعاملني هكذا انا ....وخجوله جدا من ارد عليه ناديته لكي يدخل ولدنا الصغير ولا يخرج معه بوقت الجو كان غبره جدا جدا خفت ان ولدي يتعب ...وكان بنفس الوقت يحادث اخوه فناديته حبي دخل الولد ..؟لم يرد ارجوك دخله وانا مو طلبته لاامشي كلامي لا ورب البيت القصد ولدي اخاف يتعب وكنت اطلبه بااسلوب حلو وهذا انا دائما ...للاسف قال بااعلى صوت نعمممممم يعني رفع صوته امام اخوه وحتى اخوه سكت ! واخته الاصغر قامت وتكلمت دفعا عني وقالت فلانه صادقه دخل الولد بيتعب وش فيك انت ؟؟ طيب انا ماطنطت ع راسه ولا غلطت بكلامي ليه للمره ال2 ترفع صوتك ! اكتفست وذهبت ولم اتكلم ....واستمر زوجي قاعد يروح يجيء وولدي معه والله الجو حتى السماء مانشوفها ! مشيت السالفه ؟! وعمي رحمه الله هزء زوجي ودخل حفيده (ولدي ) وسكت وقلت ابعدي هالشيء الان وبعدين هذه للمره ال2 يرفع صوته ويحرجني ولم ارد عليه ولا احبذ ان تحصل امام اهلي او اهله شد وجذب ثم سألته وحنا بالسيارة ليه حبيبي احرجتني ورفعت صوتك علي ؟؟انا ماغلطت انا قلت من خوفي ع ولدي ..فقال وش فيك تدققين ترة انا ماادقق ولا احب ادقق وياما مشيت ؟؟((هنا فاار دمي ))) صدمت من كلامه ))!!قلت حرام عليك وش قد مشيت لي ..من بداية حياتنا وانا مخليتك ملاكي كل يوم احاول جاهده بنفسي ببيتي بولدي اكون الشاطره يوميا اكرف واكد واقول احلى الكلام ...! سكت وقال انا امشي وامرر وماادقق ....قلت يالله قول وش اللي ضايقك مني ولا قلته لي او عاتبتني عليه ؟؟ياللله قول قال ماافضل اتكلم ..قلت لا من كلامك واضح انك تمررر..قول لاجل والله ان كنت مخطئه مابعيدها وابعتذر لك (وانا كنت جاده ) وكنت حابه اعرف لأن يمكن انا ناسيه شيء او اخطئت بحقه او فعلت واغضبته لاني من النوع اللي مااحب اجرح او اخطئء ع بشر ... فقال بتزعلين قلت قول ان كن الامر بيدي وانا مخ\طئه فبحاول اصححه واعتذر ان كنت مخطئه ماابي بيني وبينك رواسب وكان هو غاااااضب وكلامه موع اجبني وانا والله مبتسمه وهادئه وماااسكه اعصابي ..! قال اني ساكت ولا قلت لك ومررت السالفه هو انك ماتجهزتي يوم زواجنا ؟؟! انا انصدمت وما توقعت انك ماتتجهزين ؟؟ هاه لاتزعلين شوفيني ماقلت لك ولا تكلمت طول سنتين ونصف ساكت !!!قلت بخاطري الله لايسامحك ع هلجرح !!! انا بنت وش بيدي اذا اهلي رفضوا !! انا اهلي رفضوا يجهزوني الا بقميص اول ليله !!! وش بيدي ؟؟ وكان عمري صغير وانا اول بنت بلعائله فيمكن هلامر ماأثر ومو مقتنعين انهم هم اللي يجهزوني بعتقادهم الزوج هو اللي يجهز وبذاك الفتره ماحبيت اكلف عليه ابدا ولا قلت له ولا شكيت ..... ليه يجرحني بهلجرح وهو عارف ان الامر مو بيدي وانهم اهلي (بلعقل انا ارفض ) الفلوس بيد اهلي حرام عليه ليه مايحترم مشاعري وقلبي ليه يجرحني جرح حسيته سكين طعن ظهري الاهم يوم قالي وحنا بلسياره انا ساكت وامررر وقال بمفهوم كلامه مصدوم بااني لم اتجهز بزواجي مثل الناس وقال يالله عطيني سبب جاوبيني ...!! والله العظيم جاني شعوور لم ابكي ولم استطيع ان اتكلم ولم اغضب ولم اتحرك ولم استطع ان اضع ولدي بحضني ونحنوا بلسياره اطرافي ثلج وحالة ذهول وصدمه !! والسبب هو عارف ان الامر مو بيدي ولا فلس بيدي والامر لاابي وامي هداهم الله لو انه خائف لماذا يجرحني وعارف هو اني غاضبه من اهلي بداخلي من دون ان اتكلم ..الاهم ناداني ساكته قال هذا اللي خفت منه ؟!قصده ازعل قلت وانا ساكنه لم اتحرك ولم استطع خموول ثقل بااطرافي قلت مااقدر اجاوبك ؟ المهم سااااكته ساكنه لم اتحرك وبعد ساعتين نزلت دموعي من دون صوت تنزل بكثره وانا كاتمه بقلبي وهو ماسك يدي وانا هامله يدي ن مافيني من الاساس حركه ! ويناديني له 2 ساعتين وانا مهمشه به ...والله مو بيدي ولكن ماادري وش جاني صدمه ذهول ماادري ؟ فوقف بجنب الطريق وقال والله ماامشي لين تتكلمين ؟ والله ماامشي ولا اتحرك وعطاني 1000 ريال ترضيه مدها لي لم اخذها ...حطها بحضني فقلت امش تعبانه ابي اوصلو انا بجد متعبه الضغط عندي هابط وكتمه بصدري لم استطع التنفس الا بصعوبه ..فحطيت الفلوس لاجل بس يمشي بباب السياره من عندي ومشى ...وكان طول الطريق يتعوذ من الشيطان وعيونه كانت مدمعه ويردد لاحول ولا قوة الا بالله وانا لله وتنهيد رغم ولم اتكلم وهو ابتعد عني لانه بطول الطريق يحاول ويتكلم ويعتذر اسف مو قصدي وووالخ .ولم ينفع ..الاهم لي الان سنه كامله لم انسى والان حامل ولا اله الا الله متعبه جدا من هلسالفه زادت معي بكاء ضيقه وزوجي مو مقصر من بداية زواجنا لافيني ولا في اهلي ويعطيني اللي ابي بدون كلمة لا يعني عيشتنا حلوه سعيده مرتاحه حب عطاء احترام (ولكن وقت مايعصب زوجي شخص اخر رغم انه يمسك لسانه ولكن ينرفز وانا ابتعد فقط ) طيب حبوب حنووووووووون وانا منزفزة من امس وانا ماابيه يعرف السبب لانه اعتذر لين تعب وانا قبلت الاعتذار ورجعت الفلوس وقلت له انت مو السبب اهلي الله لايسامحهم هم السبب عطيته ورحت ومااخذها الا بعد طلعت الروح ...الاهم هو بلنسبه لي مثل روحي مثل قلبي مااقدر اعيش بدونه وهو بعد ..يتحملني بوقت تعبي وانا بعد ..يهتم بي واهتم به حوارنا بوقت الخلاف محترم هادئء الاهم لاننام الا وحنا راضين عن بعض ... من بعد الجرح منه لااريد ان اتذكر او ارى صور زواجنا او فديو شهر العسل ماابي اشوفه ؟ اتعذب لاتذكرت مواقفنا الحلوه بشهر عسلنا اتعذب بمجرد اشوف الفندق اليي كنا فيه !! اتعذب واقول ماتهنيت الا بتلك الفتره كنت مغمضه وهو ماقصر نزلني السوق اليوم ال2 ولكن قصده اهلي غريبه ماجهزوني ...المهم احس نفسي نااقصه نااقصه ناقصه بنظري ويمكن بعد بنظر زوجي يعني تخيل من بعد هلموقف طلبيت اكمل الدراسه بسبب احس اني مثل كل البنات ع الاقل تدرس الجامعه .... او اكون بنظر زوجي كامله و يحس بنقص اكثر من بداية زواجي خائفه جدا ان تكون نظرته كذا ! زوجي بكلامه جعلني احس باني ناقصه لم ااتي كما كان يريد بشنطتي المليئه بلالبسه والاغراءت زوجي حطم قلبي جعل الان شهر زوجنا وعسلنا تعيس جدا جدا بنظري واسود واتعذب من اجله الاهم كملت دراستي والا توني بلسنه الاولى من زواجي لكي بس اثبت لنفسي اني كامله وعادي وان هالشيء مااثر فيني وانا للاسف اكذب ع نفسي للان هالشيء ماحل الامر عادي الان للان اتعذب واتمنى ياليت ماتزوجت وانا بنت ال صغيرة ياليت ع الاقل درست سنه من الجامعه ليكون مع مبلغ لو بسيط ازداد به ع اللي معي وووالخ حقدت ع اهلي فتره جدا ولكن حقدي مو ببداية الزواج لا بعد المشكله وقول زوجي لي !كرهت اسلوبك وكنت اردد لن اسامحهم لا امي ولا ابي اللي خلوني البنت الجميله الحبوبه الخجوله تذهب وهي ناقصه امام زوجها ... وحتى والله لاتذكرت هالشيء تثلج اطرافي جدا جدا احس بتجمد الاهم بعد تلك المشكله ووصولنا بلبيت تجادلنا وتأسف وشحن لي الجوال لاجل اراسله فاارسل لي بمفهوم كلامه فضفضي لي وهو عارف اني لم انام من امس للاسف حول خمس رسائل فضفضه كما كتبت وش ذنبي انا مابيدي شيء وكان شهر عسلن حلو ونت الان بعد سنوات حطمتني وجرحتني وجعلتني اخجل من نفسي انا الغبيه اللي تزوجت بدري ومن هلكلام ....!فااتصل بي وصوته جدا جدا حزين ويتأأسف يمكن حول الف الف مره من بداية المشكله لحين هلاتصال رديت طبعا وانا اتنهد من البكاء اكلمه وانا امشي مثل المجنونه بلغرفه لااادري وش اقول او افعل من الخجل والتعب والجرح احسست اني ضائعه لااهل ولا زوج كلن يجرحني وللان لااخفيك اكتب لك لي اربعة ايام احاول انجاز هلموضوع ماقدرت اتعب من برودة اطرافي وغصة البكاء وعاد حامل فزاد الامر اكثر ...وتجادل معي ان اهلي مالم ذنب هم ع بالهم مثل زمان الزوج هو اللي يجهز ويبرر فعلهم بانه جهل وانا بصراحه اقتنعت بكلامه لان امي وابي صحيح فكرهم هكذا !! الاهم تغيرت نظرتي للااهلي والله يجزئ زوجي خير لانه غير نظرتي من هلناحيه واما زوجي رضيت من ناحيته ومررت الامر وكاتمه بقلبي حزني وتنهمر دموعي بغيابه كثيرا يعني لو راح الدوام اتذكر ابكييي جدا واحيانا اصرخ واضع المخده ع فمي لاجل ايصحى ولدي وللاسف حامل وهذا زاد الامر سوء وزوجي اشهد له اني يريحني ويخاف اذا تعبت والحمد لله باقي احبه ولكن احيانا اتذكر واقول واطرح اسئله كحوار مع نفسي اول جرح تلقيته من بحياتي ..؟فااجيب للاسف زوجي حبيبي الاهم الان وهذا ماجعلني اكتب اريد نسيان ذاك الموقف؟؟؟اريد اعوض النقص بتجهيزي ببداية زواجي ؟؟ اريد ان البس قميص اول ليله وهو الابيض وللان احلم به للاسف ؟؟! اريد ان احل موضوع تعذيبي الداخلي وتعبي الجسدي من برودة الاطراف وهبوط الضغط ؟ شعوري للاسف حول نفسي ببداية الزواج فقط يعني لاتذكرت شهر العسل او شفت عروس تتجهز خلالاص اتعب اتعب لدرجه ابكي من احساس اني مافرحت مثلها ؟؟؟ تعبانه جدا جدا نفسيا وزوجي للاسف لايعلم وكيف يعلم اني للان ابكي بليوم اكثر من مره وسنوت ايضا وكاتمه ولم افضفض له ؟؟؟من حساسي بلنقص واحس زوجي ماقال هالشيء الا اني بنظره ناقصه هذا اعتقادي للان جعلني اكمل الجامعه لكي اتخرج بعد سنوات واتوظف لو بمدرسه اهليه بس لاجل الفلوس تخيل والسببب لاجل اعبي شنطه بتجهيز كامله متكامله كأي عروس من جيبي انا من فلوسي انا لااريد زوجي ياتي لي بشنطه ويعبيها لي اخاف يمنها علي ويقول انا جهزتك بعد سنين ! او نظرته لي ان طلبته هلطلب !!!! اريد ان اعيد حياتي اريد تجديد داخلي احس ابي البس انواع وانواع من البسة العروس لاني لم البسها بيوم زواجي بل قميص حلو نعوم وبس ولكن ليس لونه المناسب بتلك الليله !!سوالي هنا انا ناويه بعد مااولد انزل السوق واشتري مااشتهي من اللابسه لان هالشيء يجعلني احس ع الاقل باني اشبعت داخلي ونظرزوجي بانه رائاني كلعروس أنا متشتتة التفكير احساسي حول نفسي ببدية الزواج يعذبني !والله تعبانه جدا جدا من هلشيء وللاسف لااحد يعلم والمشكله العظمى الان وربي ماابلغ بها وهي ني اصبحت اخاف وصوتي يخفت وقلبي يدق بسرعه واطرافي تثللج اذا قال زوجي مثلا عندي كلام ابقوله لك مضايقني كاي سالفه يعني بدوامه اخاف جدا اخاف ان الكلام عني ماابي انصدم اكثر ماابي انجرح اكثر !!! اقول بقلبي الله يستر يارب يارب فيقول زوجي وش فيك انتي مافي شيء عن فلان او فلانه ارتاح واقول الحمدلله والادهى هو اني مااستطيع من بعد تلك المواجههه والجرح بلسياره ان اتجادل معه تجدني اهرب وابكي او اتكلم بصوت خاااافت جدا ودموعي تنهمر وزوجي يتعذب معي وهذا مااره بوجهه واسلوبه وطلبه تاجيل الحوار لحين الهدوء . انصحيني جزيت خيرا |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
