29-07-2011, 03:10 PM
|
تزوجت من شخص كان يسكن بقريه يعني هناك اختلاف كبير في التفكير والطبائع ولغة الحوار ع عكس ماكنت احلم ولكن قلت مع الايام ستتغير الامور وسأحاول بإسلوبي ان اغيره لنرتقي مع بعض انا انسانه طموحه بعد انتهائي من الجامعه اخذت الكثير من الدورات ولكن للاسف لم يحالفني الحظ في الوظيفه في بداية الزواج والى وقت قريب كنت اشعر بعدم توافق بيننا ولكن حاولت ان اتقبله وان اجعل من محاسنه الكثيره تغلب ع طبائعه الكريهه من شك وتفسير مغاير لكلامي وتكبير المشاكل وقلب الطاوله علي والكثير الكثير فكل ماهو متعارف عندنا انه مباح وعادي جدا لديه مضيعه للوقت وكلام فاضي وخراب مثل النت والتلفون واثاث البيت والخواطر اللتي تعبر عما في النفس(يقراها ويفسرها غلط من منطلق شكه ) وغيرها المثير والكثير هو انسان ايضا طموح ومغرور ويرى دائما انه ع حق وباقي الناس غلط اعجبني كثيرا في كفاحه في الحياه فهو لم يكن اتكاليا ع والده رغم حالتهم الميسوره جداًولكن تزوج بي ولم يحتاج لااحد رغم انه لا يملك سوا الثانويه ولكن اشتغل كثيراً في كثير من الاعمال اللتي لايشتغلها الشباب ملتزم جدا في الصلاه ماشاء الله وخاصةً الفجر يحاول يحفظ اجزاء من القران احياناً يؤم الناس في الصلاه اذا اعتذر إامام الحي ولكن للأسف احيانا اشعر بأن هذا رياء فهو دائما مايمدح نفسه بهذاواقول له اخشى ما اخشاه عليك انك فقط من اجل الناس تفعل هذا منذو فتره انتقلنا لبيتنا الجديد اللذي هواشرف ع بنائه وهو ملك لوالده وجلسنا ثلاث سنوات بدون اثاث مكتمل لم يجهز في البدايه سوا شقتنا لاننا كنا نريد ان نخفف من الاجار بالرغم انه سدد كل ديون الرجال اللي عليه بس اهلي لا لأنه مو هو اللي بوجههم لاتقولون اثاث البيت مو لازم بس صعبه احد يجي وانا ع البلاط بعد 8 شهور تقريبا فرشنا غرفه وبعد كم شهر كملنا معظم البيت ؛ نجي للحمل انا كنت متعقده منه وما ابغى احمل بسرعه بعد مولدي الأول وهو عاجبه الوضع وحسيته بعيد عني كثير خاصه بالفراش قلت يمكن تعبان علشان الشغل وهو في مرحلة تأسيس لازم يثبت للكل انه صح وانه قد هالمشروع واول شي بناه بيت بنت من اهله اللي يكن لها الكثير من الحب وكان نفسه يتزوجها بس ابوها رفض وزوجها ولد عمها وعندها طفلين بس وماصارت تبغى تخلف لانها تبغى تتطلق من زوجها لانها ماقدرت تجذبه لها علشان متمسك بزوجته الاولى ويبغى يعدل بس هي تبغاه لها لوحدها ؛ امها الوسيطه بينهم صار مره اني كنت ابغى رقم امها لموضوع بينها وبين امي وقلت ابغى رقمها ومارضي اتصل من جواله قلت ليه وعصب وزعل وسوالي فيها قصه ؛ تسوين هالحركات انتِ نجسه وانتِ , وبعد فترة ؛ سمعت جواله يدق وجلس يكلمه بصوت عالي ويقول يا ام فلان ويا ام فلان فدخلت وحطيت ولدي بسريره وهو كنه ارتبك وماعرف يتكلم فخرجت علشان ما احرجه وصليت استخاره اقول لامها ولا لا فأتصلت ع امها وقلتلها يا ام فلان انا احبكم وانا وانا بس تكفين لاتخلين زوجي يكمل البناء لانه يسبب مشكله بيني وبينه قلت هو اصلا مو اخذه فلان بياخذه بس وش فيه قلتلها مافيه شي بس هذا طلب والموضوع بيني وبين زوجي وانا ابغى الرفض منكم لانه هو مو راضي قالت ابشري ؛ المهم ارسلتها ابعدي عن زوجي وخلي امك حلقة التواصل وانهالت رسايل علي ان بعض الظن اثم وانا مظلومه ولا تشكين وياكثر الكلام ارسلتلها انا عارفه انه الكلام في الشغل بس امك تتواصل احسن اللي تبغينه وصليه لامك وانا ما احب اظلم احد ولا شاكه فيكم بس من باب غيرتي كزوجه واظن من حقي ؛ مرسلها رساله اليوم الثاني ماسحا بس حصلتها بطريقتي انه مرسله بس مو عارفه وش المحتوى ارسلتلها للحين تتراسلون حسبي الله وترجع تتصل ورديت وقالت انا اللي اعطيهم فلوس ما اشوفهم شي قلت ماعليش هذا مومبدا ومهما هذا الشخص اللي تعطينه فلوس انتِ تعطينه لانه يقوم بعمل مو علشان سواد عيونه وعيب هالتفكير المهم قلتلها قولي لامك علشان لو صار اي شي تكون تدري تقول لا بليز امي راح تفهم غلط قلت كيف تفهم غلط وش فيها المهم قلتلها صعب انتِ تخبين وهويخبي عني انه يكلمك اكيد بزعل وكأني انا اللي اعتذر بالرغم انها المفروض هي اللي تعتذر واتزاعلنا انا وهو وقلتله بتطلق ومارضي واخوي اتدخل وقاله ايا كان المبلغ اللي بيجيك بيتك اهم عصب وانتم مالكم شغل وانتم وانتم هدينا الوضع ورجعنا احسن من اول لاني ما ابغاه ينجذب لها واحاول ما اقصر معاه بشي ولسا مزحه مثل ماهو بس خف شوي المهم قبل اسبوعين جايني مبسوط وانه حصل ابوها ما ادري وين وقاله شكلهم بيتطلقون واليوم الثاني جايني وفيه زعل ومحتار قلت وش فيك يقول زعلان من الشغل ومن فتره كذا احسه مشغول باله ولما اجيه بالفراش يقول تعبان والله واخرج وانا ميته قهر لاني اعرفه جالس يفكر فيها والمرات اللي ناخذ شي فيها احسه مو معاي ولو انه حاول بس اعرفه من عيونه والله واقول لاتخلين الشيطان يضحك عليك وطلع شريحه ثانيه ومايدخلها البيت ولما اسأله يقول انتِ تفتشين قلت انا من صارت المشكلها ووعدتني ماعاد افتش بجوالك وحتى لو فتشت لو ماعندك شي تخبيه ماتخاف من شي خذني ع قد عقلي وخليني افتش يوم يومين اسبوع عشره ولما اشوفك ماعنك شي ابطل اقول حرام ظالمته بس انت ما ادري ليه تبغانا نعيش بمشاكل طول الوقت والله ماشكلك تحبني وانا حاسه بهالشي لانه لو يحبني والله يسوي اللي ابغاه منه بدون زن وبدون زعل وبدون تعصيب وكلام وانا طلباتي جدا عاديه حتى بالافراح والله ما اكلف عليه ؛ المهم جاني يوم وهو شكله مشغول وخليت الاطفال بغرفتهم واتزينت وجيته قلت وش فيك قال شكل موضوعهم منتهي قلت مين قال هي قلت كيف قال طالبه خلع وشكلها اتطلقت وواحد قالي وش رايك تاخذها زوج اختها يقول شكلها قايله لاختها تقوله وفلان اتزوج وفلان اتزوج وانا بقترح عليك وبعدين قال لا خلاص قلت لا كمل قال ولاشي خلاص قلت تبي تاخذها قال ايه احسان للنعمه وانا اعصب وابكي واقول ليه تبي ترمي عيالك وتاخذ فضلة زوجها وتجمع عيالها تحت جناحك وعيالك تشتتهم وش انا مقصره فيه قولي وانا اعدله يقول الشهاده لله ما انتِ مقصره بشي بس انا كذا بنفسي قلت مو اول واحد ولا اخر واحد ما يتزوج اللي يحبه كل العالم كذا واتعايشوا مع الوضع المهم كلامه جدا نرفزني باخذها اربع سنوات وش فيها تزعلين يومين وترضين وياكثر الكلام طلعت من الغرفه واجلس اصلي ؛ أتصلت ع امها وقلتلها بنتك بتخرب بيتي ومن شهرين تكلمه وانا ماقلتلك لانهم وعدوني انهم ماعاد يكررونها بس رجعوا يكلمون بعض وقالت خلاص انا اوريك فيها وهو جاب امي واخوي لي وهدوني امي واخوي وجلست بالبيت ماطلعت يوم زيارتي لامي وداني ولا رجعلي واتصل ومايرد قلت اجل والله مو راجعتله وحلفت غير اتطلق منه وقفلت جوالي وكل مافتحته احصل رساله من بنت عمته ترسلي وتتحسب علي وتقولي قذف المحصنات وراح ادعي طول عمري سبحان الله مسويه مظلومه ارسلتلها ادعي اللي كاتبه ربي بيصيرلي مو من دعاك وانا ماقلت الا لامك وامك مستحيل تقول لاحد ليه انتِ زعلانه ومعصبه ومسويه مظلومه وماقلت الا انك تكلمينه راح قال لامه اني اتهمه واني واني وكلمت امه وتقول ياخساره الحب اللي حبيتك اياه وياخسارة علمك وياخساره وياخساره قلت حسبي الله ونعم الوكيل هو وش قالكم تقول ليه تتهمينه تبغين الرجال تقتله عرفت انه كاذب علي قلت وربي انه كلمها وماصدقت قلت خلاص براحتكم الله ياخذلي حقي ورجعت ارسلتله اتقي الله خراب بيتنا مسؤول عنه امام الله اقل شي قول لامك انك كلمتها وقالها واتصلت تبكي وتعذر مني ورجعت لبيتي لان اخوي الكبير مسافر وبيجي خفت تكبر المسأله ويعرف وانا ما ابغى احد يتكلم ع زوجي ويقول انه سوى وسوى ورجعنا لبعض وانا متضايقه وقلتله بنروح مكه ورحنا وماحسيته حاس باللي سواه ابد ويقول اني ظالمته وبعد كم يوم يسوي انه يعتذر وحسيته يستهزا كالعاده وصارحني انه جد كان يبغاها ولما سمع بطلاقها قال بمهد الطريق وباخذ موافقتك علشان لو اتطلقت ع طول المح لامها او لاي احد واخذها قبل لاتطير مره ثانيه ؛ انا وش ذنبي انه حبها وماتزوجها وش دخلني يعاملني كذا يقهرني ويهيني وينرفزني والقهر يصدق كلامها وانا لا لاانا عارفته هو يمكن صح ماكلمها غير المكالمات الاولى وكلها في الشغل بس هي شغلهم منتهي ليه تكلمه تقوله روح لابوي واقنعه تاخذ التطشيب وانا ابغاك تشطبلي وانت تحسب باخذ فلوسك مثل زوجي تبغى تضمن لها عريس بعد زوجها حسبي الله عليها الان انا رجعت لبيتي علشان اطفالي واهتم بالبيت وفيه بس الفراش لا ونفسي اتطلق والله لو اني موظفه راح اتطلق كيف يبغاني اجلس معاه بعد اللي صار يقول باخذها بس سواق قلت او شهر اتزوجتك فيه تقول ماني سواق عندك اوديك هنا وهنا والحين بتشتغل سواق لها ولعيالها وعيالك خوالهم يودونهم وش هالمنطق قلت قولي وش مقصره عليك فيك ناقصك شي يقول لا بس ابغاها بس بعد اللي صار يقول خلاص ماعاد ابغاها بس مو من خاطره لان أمها حلفت لو ايه ماراح ياخذها وش اسوي |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
