يا حبيبتى يا أم لؤى ....... أنا كنت زيك كده أول ما اتضايق او اتنرفز أقوم على الثلاجة ولو انى مش حاسه بالجوع لكن آكل وخلاص لدرجة انه كانت جينى تحمة وما أعرفش انام من تعب معدتى . لكن سمعت مره دكتورة نفسيه بتقول لازم اللى بتعمل زينا كده تعرف ان الأكل مش هو حل المشاكل بالعكس هى كده بتؤذى نفسها اكثر وشكلها هيبقى وحش لما تتخن وهترجع تكره نفسها اكثر وتكتئب أكثر يبقى الأكل عمره ما كان حل .
انا بقى بقيت كل مل اتضايق اعمل رياضه مثلا اقوم امشى او اشتغل فى البيت انظف المطبخ والثلاجة وامسح الأرض وأنظف الحمام وأكنس البيت وأكوى الملابس وأغسل وهكذا لحد ما أهدى وفعلا لقيتها طريقة مؤثرة وفعاله لأنها بتفرغ طاقة الحزن والغضب الى جواكى ومن غير ما تسمنى او تتعبى اكثر
أتمنى انك تجربى وتقولى لى على النتيجة