السلام عليكم
مو اول مره انزل فهذا الموضوع و ما ادري احد يتذكر ولا لا
بس انا ساكنه فبيت يرثى له و ما جالي سنه ونص متزوجه

زوجي مايقدر ع الايجار بسبب الدين .. اخو زوجي. تو جاي و ابوه جهزله بيت و مطبخ و ديكورات و كل شيء
و حنا عطانا اخس بيت .. افكر اخربها معهم و اكسر الدنيا على راسهم عشان يعطوني الي استحقه .. اتوقع ابو زوجي زعلان عليه بسبب موضوع قديم

بس انا ايش ذنبي .. ما اطيق اروحلهم و لا ابغى اشوفهم بس مجامله لزوجي اروح
نفسيتي اتحطمت و محروق قلبي .. ولا ابغى اجي احد ولا احد يصلني

كمان اهل زوجي وكل الي اعرفهم ينتقدوني لاني ما اعزم احد
ما عندي مجلس رجال .. كانه يتيم اهل بس اسم

ابوه عنده شقق ماجرها و قريب مستاجرين راح يطلعون
بس كيف وش اسوي .. زوجي مستحيل يكلم ابوه

مدري هو شايف انه ما يستحق ولا يخاف من ابوه
مع انه يخدمه و عادي يجلسون مع بعض

بس ابوه ما يحترمه .. هل اخلي اهلي يتدخلون ولا كيف
كل يوم ابكي على هالسالفه و ما قلت لاحد بيني وبين نفسي

نفسي انفجر على اهله و اخربها بس كيف بسكن بينهم بعدين

__________________
الحُب بِشَرَف .. وَصَمْت يَبْقَى هوَ الأنْقَى .. والأصْدَق .. والأرْقَى