روح
انا من عضوات المنتدى القديمات وعاصرت كثير من مواضيعك.. 1/اذا متأكدة ماراح ترتبطين برجل اخر وقرار نهائي فلا تنفصلين..لان زوجك مهما كان مهما كان الا له ايجابيات على حياتك.. عارفة الحين كارهته ومو طايقته وتحسينه إضافة كريهة على حياتك وحمل ثقيل..بس فكري بشكل اعمق وابعد..وممكن تعطين نفسك فرصة لمدة شهر تفكرين بعمق..راح تمرين بأيام تكونين اكثر راحة واعمق رؤية.. من خلال سطورك حسيتك مضغوطة ومحبطة فشيء طبيعي تركزي على نقاط معينة بحسب حالتك المزاجية.. اتذكر مرة قريت موضوع هل تفكرين بالطلاق احيانا.. شدني السؤال وسألته صديقاتي كلهم قالوا لا الا انا نعم.. كان فبالي انه حياتي اسوأهم لكن بعد سنوات اكتشفت انه فيه الاسوء وبكثير..لكن اعتقد انه انا وانتي نميل للقرارات الحاسمة وحل المواضيع بسرعة لاني بحياتي العملية كذا وبصراحة هالطبع صحيح فادني بعض الاحيان بس برضو خسرت بسببه بعض الشغلات.. قصدي من كل الكلام اللي فوق ان قرارك هذا مو كله لأن حياتك سيئة بس لأنك تهربين من العجز والوقفة بنص الطريق.. 2/اكتبي بورقة ايجابيات وسلبيات الانفصال..بالنسبة لك ولاطفالك.. وخليها لفترة كل ماتذكرتي شيء سجليه..الكتابة كثير تفيد وترتب الافكار 3/زوجك رغم كل الهزات العنيفة اللي مرت بحياتكم مازال متمسك بك عاارفة بقولين بخاطرك اي تمسك.. بس روح تلفتي شوي وشوفي الرجال لو تشكيه لابوها عطاها طاف..زوجك رغم المحكمة والشغلات لكن حاول يصلح من نفسه واختار بقاء الزواج..ومازال يحاول يصلح من نفسه .. لكن برضو اقولك ولاني قريبة من شخصيتك ان زوجك يحس بالاحباط ولو مابين عليه..لانه شخص مجبر علشان يحافظ على زوجته وبيته وعياله ان يكون داخل اطار معين بينما هو ماتعود عليه..وبنفس الوقت يشوف المردود ضعيف..انا عااارفة بتقولين انا امشي له واسلك له واعطيه جوه لكن يبان بالوجة بردود الافعال وبفلتات اللسان والانسان مهما كان ترا يفهم ويحس.. 4/بخاطري كلام ماادري كيف أوصله لك بس انتي متضايقة من سطحية زوجك..لكن صدقيني الموضوع محتاج تقبل..دراستك والناس المحيطين لك بالعمل يغذي هذا الشيء عندك..لكن صدقيني مو كل الأشخاص مثل مانتخيل..بعطيك مثال..قريبي أكاديمي مشهووور على المستوى العربي يتصدر المؤتمرات والمحافل لو اقول اسمه يمكن تعرفينه..انا شخصيا ادخل بيته واشوف كيف يتعامل مع اهل بيته وكيف مجالسه قمة السطحية واحيانا الانحطاط..وحتى احيانا يسولف عن المجموعات اللي معاه يتصدرون المؤتمرات نفس التفكير..وبرضو قريبي الثاني مدير دائرة حكومية وربي عليه دكتاتورية بإدارة بيته لدرجة يسمي زوجته اسم حيوان..اللي حابة أوصله لك ان اللي يتعايش مع الناس لابد يتقبل أطيافهم وألوانهم اعرف بتقولين هذا زوجك بس حبيبتي صدقيني مو اسوء الناس وحسب كلامك عنه لما كنتوا بالبعثة كان انسان يحمل خير واب رائع بس لانه انكشف قدامك صرتي تتخيليه تمثيل ولعب..بس لو نفكر بموضوعية ليش سنوات تمثيل ولعب ليش مايكون كاره شخصيته وتربيته وحاب يفتح مع زوجته صفحة جديدة يكون فيها زوج واب مثالي.. اللي اقصده من القرقة هذي انك محتاجة شوي تفكرين بأنصاف شوي وموضوعية وعدل.. انا عارفة انك حاولتي وضغطتي..لكن كانت توقعاتك أعلى بالنسبة لخط الزمن والمعطيات.. 5/بالنسبة للسحر مااستبعد لانها تخلي الشخص بعيد عن الله ويكثر المشاكل والخناقات ع الفاضي والمليان..برأيي تغيري البيت لو تقدرين..او اقري البقرة بماء زمزم اشربيها انتي وزوجك ورشي بزوايا البيت..صديقتي نفس حالتكم وفعلا قالوا سحر ومااقتنع زوجها يقول خرابيط المهم صار يشرب كاس ماء زمزم معه ملعقة عسل تقول لغرض ما..تقول سبحان الله صار يطلع منه اشياء غريبة هو خاف منها..انتي داومي عليه..ذكر الله والرقية عبادة لو بدون يقين.. ربي ينور بصيرتك ويفتحها عليك ويصلح ذات بينكم ويبعد عنكم كل شر |
لاني احاول أنساها
و هي سبب الي انا فيه الان .. و ماني قادرة اتحمل و أنسى و اسامح .. الم الانفصال عندي ( أهون ) من الم الأحاسيس الي ذوقني هي .. حتى لو تاب او انصلح حاله .. . . الشرط الأساسي الي طلبته منه .. حتى ترجع المياه لمجاريها ما تنفذت الى الان .. و انتهت المهلة برأيي .. و انا صرت اكره اشوفه .. و غصب عني كنت استحمله من اجل الاولاد .. بس حاسة اني وصلت لمرحلة خلاص ( ماني قادرة ) و الي يزيدني الم اكثر .. لما اقرا مواضيع هنا عن رجال .. اكتشفوا خيانة و خداع زوجاتهم .. و بالرغم من توبة زوجاتهم .. لكن ما قدروا يتعايشوا معاهم .. و اختاروا الزواج من أخرى .. او الانفصال .. فأقوم اكره نفسي اكثر .. لاني ضعيفة .. و صرت اتحين الفرصة المناسبة في كل ثانية ،. و متى تكون نفسية الاولاد مهيأة للانفصال عنه .. . . فحصل الانفجار في الاخير .. . . مابغى اشتتكم .. بس موضوع جانبي .. بس الشيخ قال بيننا سحر تفرقة .. هل الشي هذا له دور !؟ لاني غير مقتنعة .. و لانه أسبابي احسها منطقية و ما احس فيه اي سحر له علاقة بالموضوع و مرة صاحب زوجي زارنا و اخد غفوة .. صاحبه هذا واحد كويس و من الأرحام .. و اهله كويسين .. و لما نام .. شف حلم و هو نايم في بيتنا في وقت العصر و قال لزوجي شفت حلم و انا نايم .. بيتكم مسحور .. و لازم تجيب شيخ يقرا عليه و أعطى لزوجي رقم شيخ .. و قاله شاف حلم مخيف .. و هذا تفسيره . عالعموم .. انا مستبعدة السبب هذا .. لانه مشاعري ما نتجت كذا من فراغ .. |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|