مرحبا روح
طالما عندك اولاد استبعدي فكرة الطلاق كليا
لأن الطلاق يدمر نفسية الأطفال ولو أولادك كبار في السن التأثير بيكون اكبر
شيء عجيب
روح الطير تفكر بالطلاق
ريف الشوق تفكر بالطلاق
امي متصلة فيني تقول ابوك فيه وفيه ومايحبني ولا يجيب هدية ولا يشوف خاطري وو(مثلها مثل عضوات المنتدى اذا تكلموا عن ازواجهم) حاولت اهديها ان كل عمر له متطلباته انتي وابوي الان عيشو مرحلة مابعد الشباب قالت ياقليلة الادب تقولين كذا علينا
بعدها قررت اسكت (ما درت اني ناوية اقول عيشوا مرحلة الشيخوخة بس ربي ستر)
تقول بنفصل عن ابوك ...وبعيش لوحدي قريب من اهلي! ومعي فلوسي واللي يحبني يجي!
جد حسيت قلبي بيوقف.. وانا كبيرة ... تركت اللي في يدي ودمعت عيني.. اصعب شيء في الحياة المشاكل الزوجية مالها راس ولا اساس...ماتعرف كيف تحلها.. وكلها مشاعر واحاسيس عادي تحصلون واحد فيهم زعلان بعد 30 سنة لان اول اسبوع في الزواج قاله شريكه مزحة ثقيلة!
انا اشوف الرجل اللي يطلق اناني او المرأة اللي تطلب الطلاق لاتفكر الا في نفسها... وماستبعد جدا ان اولادهم اذا كبروا ببعدون عنهم... لان الطلاق كسر للاطفال... متخيلة امي بوادي وابوي بوادي واحنا متشتتين شيء صعب مرة
طيب ليش ماتم الانفصال قبل الاطفال!!
الزواج مو بس زوج وزوجة... بعد فيه ابناء...وكثير من المتزوجين بينسى هذا الشيء
اقرا في المنتدى النصايح للزوجة عيشي حياتك انت اولا!! والرجل اذا زوجته مقصره طلقها او تزوج عليها وكسر راسها!!
خير ان شاء الله.. حرب مثلا! اذا كنتم سعيدين 10٪ في حياتكم لا تطلبوا الطلاق... لان الزواج مسؤولية قبل مايكون رفاهية
طالما انه مافيه ضرب ولا اهانة ولا فيه سب وشتم الواحد يعيش... وتظاهروا قدام عيالكم ان كل شيء حلو... ولا تقابلون بعض... اذا جاء روحي غرفتك روح المطبخ... والايام مع المحاولات المستمرة في الاصلاح كفيلة انها تداوي الوضع
الله يسهل امرك ياروح... ويكتب لك مافيه خير وخيرة