بداية أحب أن أذكر قصتي من البداية : أنا البنت البريئة الطيبة اللي ماتعرف علوم هالجيل من الانستقرام والسناب وغيرها بالرغم من صغر سني أحب جلسة الكبار، وزوجي هو الانسان اللي قدام الناس الشخص المثالي .مافيه احد يجلس معاه الا ويعجب بأسلوب زوجي وشخصيته وللعلم زوجي حنون على اخواته واهله. انا وزوجي قصة زواجنا صعبه مرت بأمور كثيرة والحمدلله تجاوزناها وتزوجنا، من اول يوم شفته تعلقت فيه وللعلم أنا ماكنت أعرف شيء عن الحب ,لكن زوجي علمني الحب الى أن خلاني أتعلق فيه باختصار زوجي يملك السحر
المهم تعلقنا في بعض مرة لدرجة ماكنا نفارق بعض ليل نهار تلفونات مع بعض هذا في الشبكة يعني كان يضرب فينا مثل روميو وجولييت وبعد ماتزوجنا ضل كم شهر زوجي زي كذا لكن بدا يتغير عليا ,( الان راح نجي للمشاكل) اول مرة انكب فنجال شاهي في البيت وكنت حامل ولمن جيت امسحه اعطاني كف وبعدها قالي اسف وسامحته وسار كل ماينكسر شي في البيت من صحن وفنجال اخاف وقلبي يدق يجي على طول يعطيني كف المهم أنا كل مازعلت من زوجي ما اقدر اروح لاهلي لاني احبه وطول عمري امدحه قدام الناس نهائيا محد يدري عن حياتنا وبسبب ضرب زوجي ليا أنا تجرأت وسرت أسبه لكن والله مو مني من القهر عشاني مو قادرة اروح لأهلي ولاني قادرة اخذ حقي منه. المهم انا و زوجي سرنا بس نتخاصم وانا ماعندي غير البكا وزوجي عمره ما اعتذر مني دايما يحط العيب فيني وانا الصراحة انجرحت كثير من كلامه دايما يقول انا بربيك انت مو متربية وانا اخليك خدامة عند عيالي. والله العظيم ( انا طول ماهو عندي بالبيت احاول ارضيه اسويله كل شي يبغاه وعمري ماطلبت منه فلوس ما احب اثقل عليه واقسم بالله لمن يجلس عندي بالبيت انسى الدنيا بحالها واجلس بس ابغى رضاه انا اعشقه للجنون ) لكن زوجي دايما يقول انت مو طيبة الحريم كلهم احسن منك. وانا لمن اشوف نفسي ما اطلب من زوجي خرجات وفلوس وطلبات زي الحريم المتزوجات اللي اعرفهم وهوا مو حاس بالنعمة اللي هو فيها...
ولمن كنت بالنفاس عند اهلي بس يمر يقول بشوف عيالي 10 دقايق ويروح وكان طول الوقت مع اصحابه بره ولمن رجعت بيتي بعد النفاس يقولي انت في البيت عند عيالك وانا اروح واجي ماتتدخلين فيا... اقسم بالله سار يروح كل يوم من العصر مايرجع غير 11 بالليل ويجيبلي الاكل ... وانا ماعندي احد اخرج وغير طفشانه في البيت واحيانا اقوله اعطيني 50 ريال بقولي ما ابغى لانك على طول راح تعطينها امك .. وانا بس مرة وحده دينت امي 500 وسار يقولي انسي اني احط فلوس بيدك ولمن اطلبه نتمشى يقول مفحالي مو لازم لكن لمن وحده من اخواته تتصل تبغى مشغل يقولها طيب ان شاء الله... يعني لاحظت نه يستحي من اخواته ولا يستحي مني( انا نفسي اعرف هو ليش يقول انت مو طيبة خليك زي الحريم وانت مو متربية اقسم بالله كل اللي يعرفوني يشهدولي بالخير يكفي اني ما اطلب منه شيء نهائيا باختصار((((((( انا فقط اريد منه الحب والله اذا حسيت بحبه ليا بكلمة او اي شي ثاني انسى كل هموم الدنيا ..انا بس ابغى الحب وابغى اني اكون مهمة بحياتك))) انا صرت اخاف منه على كل شيء يخاصمني وانا مابيدي غير البكا والسب والله تعبت .. احب اقولكم زوجي يقولي مافيك ولا شي عدل لا مال ولا جمال ولا شيء ودايما يقولي انت غبية تعرفون عشان ايش ؟؟ عشان انسى عصير مفتوح ولا عشان نسيت ادخل الجبنه بالتلاجة يعني اشياء تافهه وانا الان نفسي اتطلق .... عمري ماشكيت لأحد لأني ما أخفيكم أحبه أكثر من كل البشر والله هو بس لو يجلس معاي ساعة ويقولي كلمة حلوة تلقوني ما فيه اسعد مني... انا صررت اشك في نفسي اني شريرة زي مايقول وانا دايما اطلبه الطلاق بس هو يقول خليك هنا اربيكي على يدي.. وتدرون مرة جلست مع وحدة من اخوات زوجي ويقولها فلانه اللي هو أنا تقول انت تعامل اخواتك احسن مني وانتم يقول لاخته تقولون يافلان انت تعامل زوجتك احسن مننا ...بعد ما راحت اخته قلتله انت كيف تقارني باخواتك .. انا اغير عليك ايوة لكن هما ليش يغيرون عليك وطول الوقت يقول اخوات حبايبي وهما ما سووله شي غير انه يوديهم اذا احتاجووه ويقول انا كل شي فيني لهم ومرة تناقشت انا وهو وقلتله ماتقارني فيهم قالي مو انت اللي بتغيريني على اخواتي وقالي انت جزمة امي وابوي ما تسوينها وانا والله عمري ما قلتله شيء عن اخواته ولا عمري حرشته عليهم بس اقوله انا زوجتك وهما عندهم رجال يهتموا فيهم... ومررة زعلني في بداية زواجنا واخذ اخته وداها الكوفي وانا خلاني بالبيت قالي بالطقاق اللي يطقك.. واخيرا اقولكم انا حيلتي بس سب زي انقلع اكرهك وغيرها
ارجو من الكل ان يرد هل انا شريرة صح ؟؟؟
(تم تعديل النوان ليتناسب مع المضمون)
29-03-2016, 06:25 PM
ضوابط المشاركة
العرض العادي
