مثابر أسلوبك مو غريب عليا .. سبحان الله نفس كلامك من زمان للان ما تغير عني

طيب انا لما أغيب عن كتابة مشكله ايش معناه ؟
مو معناه اني مبسوطه وزوجي مبسوط مني ؟

طيب انا كتبت وبحثت وقرأت وروضت نفسي .. تغيرت والله ولو بنسبة بسيطه
لكن التراكمات تخليني انفجر

اففف تعبت من كلامك انت ومبتعثه
بالذات مبتعثه خنقني كلامها ودائما تردد نفس الكلام عليا راح يطلقك راح يطلقك

طيب حتى لو قلت طلقني بلحظة زعل هل انا ابغى الطلاق ؟!
اذن رجاء لا تنصحي بهذا الأسلوب اللي ما تغير من زمان

__________________

انا مالي خبره فمااقدر افيدك في حلول لمشكلتك بس لفت نظري موضوعك حبيت اقلك الدعاء الدعاء الدعاء في كل وقت ممكن يكون فيه اجابة سبحان الله قراءه القران والاذكار والدعاء تهدي النفس كثير حافظي على اذكار الصباح والمساء ولو صفحة من القران كل يوم وافتتحي يومك ب يس لتسهيل الامور وادعي انه ربي يهدا نفسك ونفسه ويهديك لحسن التعامل معاه ويسخره لك ويهديه لحسن التعامل معاك ولما تشتغلي في البيت سواء تطبخي او اي شي شغلي قران للشيخ اللي ترتاحي لما تسمعيه وبالذات سورة البقرة القران بركه في البيت ويهدا النفوس ان شاء الله وبالتوفيق

منفردة يا ريت تستوعبي قصد الأعضاء بكلامهم..

الطريق اللي انت بتمشي فيه في معاملتك مع زوجك ما يبشر بالخير ...

ولو استمريتي عليه بدون ماتوزني كلامك وتتحكمي في ردود افعالك ، الله لا يقولها حياتك ماراح تستمر.. !

إنت في مرحلة خطر لازم تستوعبي قبل فوات الأوان

لا تقولي حب وبطيخ، والله لو مافي احترام وتغافل الحياة مستحيلة !

والله قلتي شي من اللي بقلبي
تخيلي اكثر من مرا انيم بنتي بالليل . . عند اهلي تنام عادي
ببيتي تنام وأكون مجهزه نفسي وغرفتي وحتى كلامي لزوجي .. وتخرب علينا بنتي
هو صار يمل .. وانا جاني احباط وصرنا خلاص ما ننتظر الوقت اللي يجمعنا لوحدنا
اوقات اقوله نامت يقول لا لا الان تصحى وفعلا تصحى ويقول شفتي
هالشي اكيد مر على كل ام .. بس انا زوجي عنده يكون او لا يكون .. يعني اما كل شي كامل وعلى اصوله ولا بلاش منه
يعني لو مو انا اللي المح وأصرح وازعل لانه صار يعاملني بجفا اكثر .. كان ولا على باله ..

اوقات يمضي اليوم جميل وحلو
لمن لازم ينكد عليا قبل ينام
مرا راح بينام وكانت بنتي على رجولي .. جا باسها وقالب تصبحي على خير
انا زعلت صراحه ليش يبوسها بس هي .. قلت له وانت من أهله ومابينت زعلي
لما راح وقفل باب الغرفه .. انا نزلت دمعتي .. يعني ليش يعاملني كذا !
الا هو جاي .. قال ايش فيك قلت ولا شي .. قال اموت باللي يغارون وقام يضحك بصوت عالي وسلم عليا وراح..
يعني متعمد يسوي كذا
ايش السبب .. هاه مثابر هذي حركات انسان عاقل ؟!

يعني بعد السنه تستقر حياتي لؤلؤه ؟
انا اول مارجعت بيتي بعد الاربعين كنت ما اطلع معاه ولا مشوار
ماليا خلق أشيل نونو وأغراضها وزحمه
لكن الان والله مرتبه اغراض الخرجه والبسها من المغرب .. واي مشوار اطلع انا وبنتي معاه
وحتى المولات اخذها علشان تتعود ع الناس والطلعات وانا كمان بتعود انها تكون معايا بكل مكان ..

جد حياتي تلخبطت من كل النواحي بسبب بنتي
لكن كمان بهالزعله بنتي خففت عليا كثير


على فكره يا مثابر اتصل زوجي على امي امس بس ما ردت كانت نايمه

__________________

سبحان الله اذا انصحوك لنفسك ولحياتك الزوجية
زعلتي يعني اذا لم تكن معي فا انت ضدي
رحم الله امرئ اهداني عيوبي. المفروض تاخذين بالاراى وتنفذين
مو تزعلين عليهم

__________________
سبحان الله وبحمده سبحان الله العظيم

.. تطمنت عليك ألحين .. لأن ادراك الانسان لخطئه هو نص الحل ..
باقي بس تثابرين وتتذكرين كلامك لما يكون الجو متوتر ..
وإنتي قادرة بإذن الله ..

هو ما يحترمني
مايحترم كلمتي ولا وجودي ولا رأيي ب اغلب الامور
يبغاني منعدمة الشخصيه تماماً
لبسي ويتحكم فيه .. وهذا انا تغيرت وما حسبتوها نقطه لصالحي !
بنتي ويتحكم برضاعتها.. وهذا انا ما ارضعها رضاعه كثير قدامه وما انحسبت لصالحي !
عبايتي .. اظافيري.. أسلوبي ..

ليش لازم أصير تابعه علشان املا عينه ..


وبعدين اللي يشوف كلامكم يفكرني مجنونه ما أسيطر على ردود افعالي...
انا ياما حصلت معاه مواقف وحكمت عقلي وقتها.. مو كل موقف بكتبه اكيد
لكن انا اكتب الشي الكبير اللي يعتبر انتكاسه بالنسبه لي
لكن مستحيل بجي اقولكم قالي وقلت له وصار وسويت وانا عارفه اني صح
اكيد بجيكم وقت الغلط الكبير سوآ مني او منه

__________________

فعلا غفلت عن عبادة الدعاء
الله يصلح الأحوال

ربي يسعدك
دعواتك ..

__________________

حبيبتي .. استفزيته.. عصبته... نرفزته
ماااااااايمد يده
سكت له على سحبه ليا وبعدين شد شعري
وأخذها حكايه
والله الحره ما تنضرب ..
فين الرجوله والعقل والسيطره على الامور على قولكم دامه من كلمتين يمد يده
فين عايشين احنا !

انا اقوله خلي نبرة صوتك واطيه لانه بكرا تكبر بنتك وما تفرق بين الكلام والصريخ
يجي يضربني قدامها ... الله اكبر

__________________

ما انتظر اعتذاره حالياً لان مالي مزاج اروح معاه وانا شايله بقلبي تراكمات
بس طبعا ولا نص خطوة اخطيها انا اذا ما بدأ هو بالاعتذار وماراح ارد على اي رساله او اتصال .. ويمكن اذا جا ما أقابله ع حسب الظروف وقتها

ترى هو شد شعري وهو الغلطان
افهمي المشكله قال كشني وانا اجي اقفل القدر وأخلف كلامه ..
لما رفضت بشده اقفله يشد شعري .. ليتني ضربته كويس

__________________