السلام عليكم و رحمة الله و بركاته




عايزة احكيلكم مشكلتي و ربنا يخليكم تتعبوا معايا عشان عايزة أحلها



انا مطلقة و عايشة مع امي ، و الان اريد البيت واسكن في سكن للموظفات تابع لعملي



انا زهقت من القعدة في بيتنا ، بيتنا عامل زي متحف الشمع كل واحد في حاله



حتي أمي أهم حد عندها أهلها و مش مهم انا عندها في أي حاجة



طيب لغاية متى اتحمل الوضع هذا؟؟



و الله زهقت





يا تري لو انا رحت سكن الموظفات أصبح مخالفة للشرع ، يعني هل لازم اسكن مع أمي





انا عارفة ان الناس مش حيعجبهم الكلام ده ، بس هما كدة الناس بتحب تحشر نفسها في حياة بعض


















جزاكم الله خيرا

__________________

فأين تذهبون

حبيبتي
برك بأمك أعظم بر
وربي راح يوفقك في كل خطوه
حتى لو سكنتي في قصر مشيد طالما امك ماهي راضيه عنك ماراح تكوني سعيده
أختي امك ثم امك ثم امك
لاتضحكي على نفسك بلأعذار كل من في البيت كأنهم متحف شمع
مهما كان المرأه عزتها وشرفها في بيت اهلها وليس سكن لوحدك في نفس مدينة اهلك
يمكن ربي يرزقك بولد الحلال على الأقل يخطبك من اخوانك وامك وليس من سكن الموظفات
الله يصلحك

__________________

برك بأمك أعظم بر

__________________

تزود من التقوى فإنك لا تدري إذا جن ليل هل تعيش إلى الفجـر

فكـم من فتى أمسى وأصبح ضاحكا وقد نسجت أكفانه وهو لا يـدري

وكم من صغار يرتجى طول عمرهم وقد أدخلت أجسادهم ظلمة القبـر

وكـم من عروس زينوها لعرسـها وقد قبضت أرواحهم ليلـة القـدر

وكـم من صحيح مات من غير علة وكم من سقيم عاش حينا من الدهر

فمــن عـاش ألفـا وألفيـن إنـه لابـد من يـوم يسـير إلى القبر

الله ارزقنى الذريه الصالحه وكل محروم ولجميع المحرومين يارب .
اللهم يامقلب القلوب ثبت قلبى على دينك

يا أختي ما انا مش عايزة اربط نفسي بعريس المستقبل ده


انا بيتقدمللي اقل الناس عشان انا مطلقة



فمش عايزة أربط نفسي بموضوع العريس ده



من حقي اختار لنفسي حياة كويسة و لا ده مش من حقي



و لا البنأدم عليه عقوبة و جاي عشان ينفذها في الدنيا دي



شكرا لكي أختي الفاضلة

__________________

فأين تذهبون

طيب و بري بنفسي يا أختي



نفسي مش ليها عليا حق



لما يكون أمي أهم حد عندها أهلها



طيب خلاص خليني انا في حالي و كل واحد في حاله









جزاكي الله خيرا

__________________

فأين تذهبون

بشكركم يا أخواتي الحزينة و سابرينا



لأ المضوع ده مش حينفع بأي حال من الأحوال



ومش رايحة و لا جاية



و اديني قاعدة في البيت و خلاص

__________________

فأين تذهبون

الله يعوضك اختي ويصبرك
وحتى تهون عليكي الوحده
انا في البيت وصار لي سنين والله المستعان
من ترك شيئا لله عوضه كما قال صلى اللهعليه وسلم وبما خروجك فيه ربما غير جائز شرعا وبرك لأمك والصبر عليها في اجر باذن الله اجرك لا يضيع
تذكري قصة سيدنا ابراهيم عليه الصلاه والسلام لما اخبر ولده اسماعيل عليه الصلاه والسلام كان ررداسماعيل بالأيجاب ابتغاءا لمرضاه الله
كل هذه اأموراختبار من الله سبحانه لنا

__________________
سبحــــــان الله وبحمده ,,,, سبحــــــان الله العظيم

لا اله الا الله العظيم الحليم ربي اني لما انزلت اليي من خير فقير
دعائكم الصالح لي بالرجل الصالح

ربنا يسهلك أمورك

و ما تفكريش في الموضوع ده تاني

لأن قوة المرأة عزوتها و أهلها

معلش حتى لو بتدايقوا منهم

الدنيا مشاغل

حاولي إنك تضيفي جو على البيت , حاولي تجمعيهم

اشغلي وقتك

كملي دراسات عليا في مجال دراستك

اتعلمي تجويد القرآن في مركز متخصص و ابدئي بالحفظ أيضا

اقرئي في كتب العلوم الشرعية المفيدة

ابحثي عن هوايات مفيدة و حلال تسلين بها وقتك

كالخياطة و الأشغال اليدوية

زوري دار أيتام و خذي معاكِ شوية لعب , حتحسي بفرحة كبيرة في قلبك

غير الثواب العظيم إن شاء الله

اتحكمي في حياتك بنفسك و مالكيش دعوة بغيرك لأن كل واحد وراه مشاكله و همومه

ربنا يوفقك حبيبتي

__________________

شكرا لردك يا أختي نايت



أديني صابرة أو بمعني أصح عايشة و خلاص لغاية ما نشوف لأمتي



كنت أتمني ان أمي أكون أنا اغلي حد عندها في الدنيا مش أخواتها





بس اهو محدش بيختار نصيبه

__________________

فأين تذهبون

شكرا ليكي يا أخت نوران


لأ مش حفكر في موضوع اسيب البيت ده ، اهو كلام كتبته في ساعة زعل ، بس محدش حيخليني اعمل كدة طبعا




بالنسبة للهوايات انا جربت هوايات كتيرة بس اكتر هواية حبيتها و استمريت فيها هو النت




كلامك صح كل واحد عنده مشاكله و همومه و الواحد مفروض ميتقلش علي الناس و ميستناش من اي حد اي حاجة و أهو النت مسليني و مضيع الوقت معايا و خلاص

__________________

فأين تذهبون