السلام عليكم ورحمة الله وبركاته ..

اعتذر منكم عن التأخير في وضع مشاركتي ..

بدخل في موضوعي على طول وببدأ بسم الله..

طبقنا اليومي هو الثريد .. كل يوم لازم يكون عالسفرة ..

[IMG]http://im67.***********/3NyLf6.jpg[/IMG]

المقادير والطريقة :

نحتاج لحم + بصل + ثوم حسب الرغبة + حمص + طماط + بطاطا + جزر + اذا حبيتوا كوسا
ملح + فلفل اسود + فلفل احمر اختياري + بهارات اللحم + كركم + زيت
معجون طماطم وماء

نحمر البصل في الزيت وبعد ما يذبل نضيف الثوم ..
انا احب اضيف البهارات قبل ما احط اللحم .. لكن ممكن تضيفونه بعده ..

نشوح اللحم ونضيف له الحمص ( نكون نقعناه في ماء ) .. نضيف الجزر والطماط ونشوحهم .. نضيف ملعقة او2 معجون طماطم .. نغمرهم بماء مغلي .. وعقب نضيف البطاطا عشان ما ينهرس .. ايضا اذا حبيتوا تضيفون كوسا .. نخليه يغلي على نار هاديه مع وضع الغطاء .. ونتأكد من مستوى الماء اذا نقص كثير نرد نضيف عليه ..
هو يثقل لكن ما نريده يكوت ثقيل كثير عشان يضبط يوم نحط الخبز ..

طبعا ينعمل مع خبز الرقاق لكن اللبناني بعد ينفع ..

نقطع الخبز في ظرف التقديم ونبدأ نضيف المرق ونخلطهم .. ونضع اللحم والخضرة فوقه..

..........

[IMG]http://im85.***********/8CWN2h.jpg[/IMG]

بيتزا الدجاج

نحتاج :
بصل
فطر
صدر دجاج مقطع صغير
فلفل ملون .. اخضر اصفر احمر
ملح .. فلفل .. بهارات الدجاج .. انا استخدمت نوع خاص بالدجاج المشوي


حمرت البصل واضفت له الدجاج والبهارات وبعد ما استوى الدجاج تقريبا اضفت الفطر وشرائح الفلفل الملونة .. خليتهم عالنار شوي لكن ما انتظرتهم يذبلون ..

فردت العجينة ووضعتها في صينينة الخبز .. مسحت الوجه بمعجون طماط مخفف بماء .. حطيت خلطة الدجاج عليها + جبن موتزريلا مبشور .. ودخلتها الفرن ..

.....
مناقيش اللبنة والزعتر

[IMG]http://im56.***********/5B4lPt.jpg[/IMG]

قسمت الجينة وكورتهم .. خذيت كل كرة وفردتها وحطيت عليها لبنة ورشيت زعتر وزيت زيتون .. ودخلتهم الفرن .. بعد ما طلعتهم اضفت لهم خيار وطماط مقطعين وزيتون اسود ..

.............

زعتر

[IMG]http://im80.***********/JjIP30.jpg[/IMG]

معمولين قبل بيوم ..

نفس الطريقة بس استخدمت زعتر وزيت زيتون على الوجه..

...........

خلية النحل بشكل مختلف

[IMG]http://im63.***********/b7fx46.jpg[/IMG]

ما كان معي وقت فعملتهم بهذا الشكل ..
الحشوة جبن كيري .. وبعد ما طلعتها من الفرن حطيت عليها عسل ..

.......

هريس

[IMG]http://im73.***********/zLsjB8.jpg[/IMG]

ما اعرف اسويه..
........

جلي .. كاسترد

[IMG]http://im61.***********/gzmess.jpg[/IMG]

........

عصير الفيمتو .. الخبة
[IMG]http://im78.***********/mBR2XM.jpg[/IMG]

......

طبعا ما لحقت اصور كل شيء .. ونحن بالعادة فطورنا بسيط وما نكثر من الاصناف .. وهذا اليوم بعد ما جهزت عجينتي وانا في الاساس ناوية اعمل فطاير لبنة .. انتبهت انه ما عندنا كمية تكفي .. فدورت شو الموجود واضطريت اعمل انواع مختلفة ..

العجينة واحده .. وانا معتمدتها واستخدمها من سنين ..

اخذتها من النت والله يجزي صاحبتها كل خير ..

العجينة الذهبية للاخت هند :

3 كاسات وربع طحين
م ك خميرة فورية
م ك بكنج باودر
4 م ك حليب مجفف
ذرة ملح
ربع كاس زيت
تقريبا ربع كوب سكر
ماء .. تقريب كوبين

تخلطين المواد الجافة اولا وبعدين الزيت وعقب تعجنين بالماء .. واستمري بالعجن على الاقل 10 دقايق ..

هذه هي الاصلية لكن انا اقلل كمية السكر لانه العجينة طلعت حلوة اول مرة سويتها ..
وخلاص صرت اعرف ازود طحين واعمل كمية اكبر ..

وبس هذا كان فطورنا في يوم من الايام .. بما اني كنت مصورة اكلاتي قررت اشترك في المسابقة ...

[IMG]http://im90.***********/BMvcpB.jpg[/IMG]

[IMG]http://im90.***********/HHk7NU.jpg[/IMG]

__________________

ماشاءالله تبارك الرحمن
الأكل بيشهي مع الصباح ذا
تسلم يدك دامااس ..

__________________

ماشاء سفرة اكثر من رائعة وكل طبق اشهى من اللي قبلو
بالعافية يا رب
وغرامي المعجنات والبيتزا على دجاج روعة شكلها بيفتح النفس
تسلم الايادي اللي عملت هالاصناف
رمضان كريم
احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

ما شاء الله ,, ابدعتي
ربي يسلم يدك ويحرمها من النار

شكل الاطباق ,,, يجوع ههههههه

ما شاء الله عليك

__________________


سبحان الله و بحمده
عدد خلقه و رضى نفسه
و زنه عرشه و مداد كلماته

~♥¤♥¤♥¤♥~

ياسلاااااااام ماشاء الله عليك سفره عامرة وشهيه وأطباق لذيذه

تسلم يدك وعليكم بالعافيه يارب

البيتزا والمناقيش والجلي شكلهم يشهوووووو جاني الجوع هههه

والثريد عمري ماعملته ونفسي من زمان اجربه ومنظره يفتح النفس
ماقصرتي دموسه حبيبتي

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.

ماشاء الله تبارك الله
أكلاتك جدا اكثر من روعه
وسفره تفتح النفس
عليكم بالعافيه داااماس

ماشاء الله
تسلم الايادي ..
وعليكم بٲلف عافية
الصراحة اطباقك تفتح النفس
واعجبني جدا الثريد واحبه لكن نادرا مانسويه ..
(والثريد هو. الطعام الذي كان يحبه رسولنا محمد صلى الله عليه وسلم)
وانتي استخدمتي القرصان الجاهزة فيه .

يمممممي لزيز

تسلم يدك

يا هلا والله بأحلى سكر .. ربي يسلمك

نورتي موضوعي .. شكرا لك

__________________

الله يعافيك ويسلمك حبيبتي
والبيتزا فعلا كان لذيييذ ..

بس سفرتي ما تجي شيء جنب ابداعاتك ماشاءالله عليك هههه

شكرا لك على الرد .. نورتييي

__________________