عندي كريم مُرطب ومكثف جميييييل
اسمهُ Bio SkinCare
- واللي معي بـ المسك -
ريحته لطيفه ومُنعشه؛ وأنا قبل كنت أعاني من جفاف في يديني
بس بعد هذا الكريم خلاص ماعاد أحس بـ الجفاف مع إني أسحب على الكريم كم يوم!
وأشوف يدي صايره نضره وتفتح النفس
وهذي صورته - ريحته تذكّرني بـ الأطفال -
http://i.imgur.com/POcekfE.jpg

واللي جمبه عطر جدًا جمييل؛
أنا من النّوع اللي يستخدم العطر مره وحده وماعاد يرجع له ثاني؛
بس Femme صار هو العطر الوحيد اللي أشتريه؛ شريت 3 منه حتى الآن .
- معناه بالفرنسي: الحسناء / المرأه الفاتنه -
وهذي صورته :
http://i.imgur.com/vxRW6JS.jpg
ههه والله معليش لا يوجد غطاء الرأس 3/>



شعري كان مره مخيس؛ خصوصًا بعد ماقصّيته!
بعني مخيس وقصير؛ مره دمار 3/>
هذا وأنا ما أستعمل صبغات ولا أشياء ثانيه ممكن تخربه .
يعني طبيعته مخيسه؛ المهم إني بعد ماقصّيته وشفته خاس زياده صرت أسرمكه في الأسبوع مرتين .
وصرت أتجنب أطلع عند الناس وشعري طبيعي
عنااااء؛ وكل همّي إنه يطول يخفّ خياسه شوي 3/>
دلّتني وحده على زيت شعر تقول إنه زين ويطّول الشعر؛ استخدمته ثلاث مرات وطال شعري بـ شكل ملحوظ وقدرت أربطه الحمدلله
استمريت عليه سنه؛ بـ التقريب استعملته 16 مره على مدار السنّه .
اسمه: كيشوردهني
بـ تلاحظين في النشره حقّته إنه ينصحك بـ استعماله مع زيت ثاني عشان مفعوله جدًا قوي
لكنّي استعملته لحاله لأني أبي النتيجه .
وترا ماطال شعري بس .. طال وصار ناعم وماعاد يتساقط كثير ولا يتقصف بسرعه زي قبل وطلع شكله جمييل الحمدلله .
وسحبت على السيراميك والزيت معه بعد
وللحين شعري حلو مع إني سحبت على الزيت
- نفس التجربه صارت مع صديقتي تعدّل شعرها تماام -
ولا أطوّل عليك؛ هذي صورته :
http://i.imgur.com/IplN5F5.jpg

__________________

| قُلْ إِنِّي أَخَافُ إِنْ عَصَيْتُ رَبِّي عَذَابَ يَوْمٍ عَظِيمٍ |
[ الزُّمَر : 13 ]

ممم خساره ماحصلت زيت كيشور دهني
تتبعت العطارات عطاره عطاره يقولون انقطع عن السوق للأسف
اشتريت العطر مرره عجبني ريحته ماشاء الله
يعطيك العافيه خيتي

ااونا ..
اهلين بِ قلب المنتدى النابض
تفائلت جدا لما شفتك اول وحده شاركتي ..
و اخيرن عرفنا السر > في مكان ثاني قلتي انك ما بتقولين و كفشناك
حلوة الماسكرا اللي تستعملينها , كنت استعملها زمان بس غيرت النوع
كريم شارلي .. ما اعرفه بدور عليه في قوقل
يمكن اعرف شكله , يا ليتك نزلتي صورة له
بس يعطيك العافية اللي شاركتيني ..



فدى امي ..

يا هلا والله بالغالية , تسلمين خجلتيني يا خيتي
اللي حطيتي صورته يجنن مره
الله يسعدك يارب , فرحت جدا بتفاعلك
بعطيك نجمة كبيرة عشانك نزلتي صور



هلا هلا بالعزيزة ام حمودي

صدقتي يا خيتي , البشرة شي مهم جدا و كلنا عندنا نفس التردد في استخدام شي جديد
بس الوحده تسأل كثير عن الشي قبل لا تجرب , وعشان كذا فتحت هالموضوع
ماركة ماك , تجنن بس اسعارها شوي غاليه .. انا ما اشتري كل شي منها
بالنسبة لحمام الزيت للشعر انا كنت سابقا استخدم فاشكول
بس انتقلت لفروكتس , جربيه حتدعيلي ..
السدر روعه بس مشكلته ينشف الشعر و تضطرين معه تستخدمين
شي يرطب الشعر , ويعطيه رونق ولمعان
جربي هالمجموعه اللي نزلت صورتها من فروكتس
كريم ترطيب وحمام الزيت , كلمة رهيبة شويه فيها
وفيه ماسك بعد , هالاشياء كلها تجربينها وتعطيك نتيجة مرضية

زيت جونسون للجسم حلو كمان , بس ما ينفع لوحده
لازم اشياء تانيه , ان شالله البنات يتفاعلون معنا و كل وحده تكتب طريقتها
في الترطيب , و نستفيد كلنا ..

__________________

‏
الوعي هو الملاذ ..

أستغفر الله العظيم ؛
( الفردوس غايتي )

خلطة رائعه استخدمها من سنين و أتوقع معروفة عند الكثيرات
بس حبيت اذكرها للتذكير .. خلطة الليمون والجليسوليد
استخدمها للترطيب , يدين ورجلين والجسم كامل بعد الإستحمام


فوايدها كثير ..
ترطيب , تقشير , تفتيح , نعوومة مالها مثيل
اعرف بنات استخدموها لتفتيح الابط و الاكواع
وتنفع كمان للي عندهم تشقق بكعب القدم , بعد ثلاث ايام من استعمالها
ولبس الشراب , تلاقين نتايج رهيبة ان شاء الله

مكوناتها ,.
علبة جليسوليد الكبيرة كاملة + بيالة شاهي لكلٍ منْ
زيت اللوز _ زيت الخروع _ زيت الجلسرين _ ليمون
تخلطينها مع بعض وتحفظينها في علبة و بس ..
هاذي صورة للكريم ..






فيه ناس تحط مع هالخلطة , حبتين من فيتامين سي الفوار
للامانة , ما قد جربته معها , بس قرأت في النت تجاربهم
يمدحونها برضو .. انا حاسة كذا انها حلوة ومناسبتني و ما يحتاج اضيف الفوار

__________________

‏
الوعي هو الملاذ ..

أستغفر الله العظيم ؛
( الفردوس غايتي )

أحجز لي مقعد قدام بعد ؛لأني من جد ماعندي سالفة خواتي يشترون ويحطون لي ومريحة نفسي
لكن من اليوم ورايح اهتم بنفسي . عاد تحمليني بغثك بالأسئلة.

__________________
ما نال أحدٌ من الفضلِ في مالٍ أو جاهٍ أو علمٍ شيئًا بكسب يده، لكن الأمر كله لله، يُقدّم من يشاء بفضله، ويؤخّر من يشاء بعدله.

هل ترانا نلتقي ..
اهلين فيك يا قمر .. انتي زيي زمان , كنت ما ابلش بأمور المكياج
دايمن اتمكيج مع خواتي و استعمل اغراضهم , لكن جاتني ايام انحديت
لين ما صرت اهتم بنفسي واشتري بنفسي .. و صار عندي شناط ميك آب زي البنات
حياك يا غناتي , اسألي بِراحتك ولا تترددين ..
فاضيه لك ولعيونك ,..












بودرة حواجب حلوة اعتمدتها مؤخرا من ماركه مكياجي , فيها لونين
غامق وفاتح , رهيبة .. تعطيك شكل حواجب حلو يميل للطبيعي
استخدمها مع الفرشة اللي قلت لكم عنها من ماك ..
الفرشه اللي تجي معها ما ناسبتني صرآحة , حسيتها ما ترسم بشكل دقيق
هاذي صورتها ,.

__________________

‏
الوعي هو الملاذ ..

أستغفر الله العظيم ؛
( الفردوس غايتي )

__________________
اللهم احفظ لي زوجي وسخره لي واحفظ لي اولادي

اهلين نااني .. يعطيك العافية
يا قمر , ما فهمت الشي اللي انتي حطيتي صورته
وش اسمه .. ووين ينباع ..؟
بحثت فقوقل ما طلع لي شي

__________________

‏
الوعي هو الملاذ ..

أستغفر الله العظيم ؛
( الفردوس غايتي )

ههههه .. ه̷̷َـَْـُذآ زيت للجسم .. تحطينه نص ساعه
اهو مقشر ... منعم ... يفتح ،، الخ

__________________
اللهم احفظ لي زوجي وسخره لي واحفظ لي اولادي

الله الله الله .. ايش الحركات دي ياجميل تطورنا والله .. بس الحلو حلو لو قام من النوم
وانتي مو محتاجة شي .. قمر اسم الله عليك


ذكرتيني بنفسي والله .. انا و المكياج اعدااء.. الله يذكرهم بالخير خواتي
وحدة تمسك وجهي و الثانية شعري

اخر شي بدوو يدلعو عليا و تكبروا .. قلت مااحتاجكم و بوريكم

وعلى قولتك صارت لي شنط مكياح خخخخخخخ



بالنسبة للعناية بالبشرة ..
لاقيت زيت اسمه my oil
مكوناته زيت الجوجبا و فيتامين اي .. و الحمدلله مناسبني .. فا استخدمه هو مرتين يوميا

لي فترة ناوية اشتري set من الي يجي تونر و صابون و كريم مع بعض .. بس بصراحة مادريت
ايش من شركة حلوة ... عندك اي علم ؟؟


بالنسبة للمكياج ...
الفاونديشن الي عندي حاليا من ماك ..واحد خفيف وواحد ثقيل و ناوية اشتري اي قلتي عليه تبع جارنيه اجربه

الروجات .. عادي ماتفرق معي الماركة المهم اللون يعجبني

احمر اخدود من benefit

الماسكرا احب لووريال (الذهبية )

قلم العيون .. فظييييع من essence
ابدا ما يسيل

ظلال العيون .. sleek

وبس ...

بالنسبة للشعر .. جربت جارنير فترة حلو جدا

الحين غيرت على shwertzkopf
سمعت عنه كثيييير مدحوه ... فا قلت اجربه .. بجربه و اقولكم

جت فترة استمريت عالزيوت (خلطة من راسي ) فا ماشاء الله طول شعري مرة
وانا اصلا من النوع الي مايطول شعري .. بس بعدها كسسسسسلت ..

الحين برجع باذن الله اهتم .. دعواتكم ..قتلني الكسل


و مستمرين معاكم نستفيد



بالمناسبة.. الفراشي سمعت عن ماركة elf يمدحوها .. فراشيها كويسه و ارخص من ماك

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله