التفريق في المعاملة بين الزوجتين خطأ جسيم اثره يضهر على الابناء بل يؤثر على حالة الاستقرار والسعاده الزوجيه الذي قد يكون الزوج سعى لها بزواجه الثاني ............

الزوج هو الأســـاس

ياجماعة والله عندي عم معدد والحمد لله

الأولى والثانية متصافين

أقولكم السبب

أولا الأولى لما عرفت انه زوجها بيتزوج ماقلبت البيت فوق تحت وحافظت على بيتها وأولادها

صح كانت متأثرة وزعلانة بس في بيتها

ماورت زعلها وقهرها لأحد من أهلها

عاقلة وعرفت كيف تكسب زوجها

والثانية لما جات اعطاها الزوج فكرة انتي لك حق ولأم عيالي حق وإن شاء الله بعدل بينكم

الزوجة الثانية بنت ناس وعاقلة واحترمت زوجها وعيال زوجها

حبتهم واعتبرتهم مثل أولادها وهم كمان حبوها بسبب تعاملهم معاها

ولأنهم مالقيوا تغيير من ناحية أبوهم أو بعد عنهم

انا عارفة مو كل الناس كذا


في زوجات بمجرد مايتزوج زوجها عصبت وصرخت فيه وخلت اللي يسوى واللي مايسوى يتفرج

ايش بيكون موقف زوجها وقتها؟؟؟؟؟؟؟؟؟؟؟؟؟؟؟

وفيه زوجات بمجرد مايتزوجها تبدأ تفكر وتخطط كيف تبعده عن زوجته الأولى وأولاده

وتكسبه لوحده

والرجــل يتصرف بالعـــــــــدل ولو شاف وحدة منهم تتكلم على الثانية يعطيها على راسها

تراها مثلها مثلك ومايقدم وحدة على الثانية


أكيد منكم من شاف أجدادنا وجداتنا عايشين مبسوطين حتى الطباين يحبوا بعض

وقلوبهم على بعض لأن ماكان عندهم الحسد والبغض والرجـــــال كان الكل بالكل

للأسف مو كل الرجال بس بعضهم حرام فيه اسم زوج


والأخت اللي قالت لا وحدة ترضى برجال متزوج

ياأختي فيه بنات قمة في الأخلاق والأدب وماأحد دق بابهم

والعمر يمشي وش بتسوي؟؟؟؟؟؟؟؟

لو جاها رجال طيب وابن حلال ومتزوج مابترضى؟؟؟؟

لها حق انها تتزوج وتعيش ببيت وتربي أولاد؟؟؟؟؟


صدقوني انا مااتكلم كذا لأني مو متزوجة او زوجة ثانية

انا ولله الحمد متزوجة والأولى والله يعلم بتنكتب علي وحدة ثانية وزوجي مااضمنه مايفكر بالتعدد

ومو معنى ان الزوجة فيها نقص عشان زوجها يتزوج

وحتى لو اتزوج بارضى عشان بيتي وأولادي

والأخت روعة مثال للصبر رغم كل اللي تعانيه

وإن شاء الله ربي ماينسى عبده وبيعوضك خيرا ياروعة

والله اعلم لو صرت بموقفك اش بسوي؟؟؟؟؟؟

لكن المرأة العاقلة المتربية تحافظ على زوجها وتكسبه

وتعينه على الخير ولا تستقوي عليه

وتصبر والله بيفرجها لأن مع العسر يسرى

ولو الرجال يعامل زوجته الأولى كأنها منديل متى مااحتاجها طلبها

ويجري ورا الثانية مستحيييييييييييييل يكون رجاااال

وعند الله يبعث بشق مائل والعياذ بالله


وأخيرا أتمنى تضعون أنفسكم في موقف الزوجة الأولى والزوجة الثانية

وشوفي وفكري هل الحياة تستاهل ان نعيشها غم وهم ونكد وكره وحقد

أما ان الحياة زائلة ومانحن إلا مسافرين بها

والأهم رضى الله سبحـــــــــــانه عنا







تحيــــــــــــــــــــــاتي

__________________

__________________

الزوجه الثانيه المجتمع هو اللى بيظلمها لانه بيعتبرها خطفت الزوج من زوجته مع العلم ان لو الزوجه الاولى مريحاه ما كان فكر فى الزواج الثانى ابدا يعنى الموضوع بيد الرجل وهو السبب فيه ليه نظلم الزوجه الثانيه

المفهووووم باختصار كل شي بيد الزوج لا الولى ولا الثانيه المتهمين اذاً فانت اياها الزوج المتهم ..

عمري مافكرت في الزواج الثاني واني اكون من المعارضين له الا عقب ماتزوجت والعيب مب في الزوجه الثانيه العيب في بعض الرجال اللي مايعدلون الله يهديهم والشي الثاني ان الزوجه الاولى عاشت فتره وهي وحيدة زوجها فاكيد ماتحب ان تشوفه مع وحده ثانيه

عقب ماتزوجت قالي زوجي عن رجال من اهله تزوجو على حريمهم بس الله يسامحهم ماعدلوا (بصراحه كرهني في ان الواحد يتزوج على زوجته)
اول سالفه وحده تقربله وواحد يقربله بس من دون ماقول اش تقربله(( تزوجت وهي عمرها 12 سنه وعاشت مع زوجها وجابت منه عيال (سبعه )ويوم صار عمرها 30سنه تزوج عليها وحده عمرها 25 سنه وترك زوجته الاولى وصار مايجيها الا في العيد وهو ماسك يد زوجته الثانيه والقهر واللي باط جبدي انها طييييييييييييييبه اطيب وحده شفتها في حياتي وبس عقب صار مايجي حتى في العيد مع اني اشوف انه مايجي احسن والحين صارله 23 سنه تاركها مع انها زوجته مايجيها ولايسألها اذا محتاجه شي ولا لا ولاشي والله رزقها بعيال هم يقومون بكل واجباتها وعوضوها عن حرمانها زوجها ماشاء الله عليهم بارين بها بشكل كبير ويسونلها حساب الله يعوضها دنيا واخره)

السالفه الثانيه واحد يقربله (تزوج زوجته الاولى وكان يموووووووت عليها كلمة يموت عليها شوي وعاش معاها 13 سنه من دون عيال ماكانت تجيب عيال وعقب قرر يتزوج وقالها باخذ وحده من جنسيه غير عشان ماضايقج وبالفعل سافر وتزوج وجابها وعقب كان في غيره بين الحريم وسوالف فطلق الاولى والكل انصدم واهله كلهم عارضوه ومحد تم يكلمه وزعلو منه والحين صارله 9 سنين متزوج واخته ماتكلمه مع انه يحاول يكلمها بس مافي فايده ماتبي تكلمه لانهم وايد كانو متعلقين في زوجته لانها واااايد طيبه)

اما السالفه الثالثه بعد يقرب حق زوجي بس انسان عادل (تزوج الاولى وعقب 10 سنين من زواجه تزوج الثانيه وعقب سنتين من زواجه بالثانيه تزوج الثالثه والحين صارله سنتين يبغي الرابعه والحين توهم اكتشفو انه مزواج ودايما كل مايقعد في مجلس ينصح الشباب انهم مايتزوجون على حريمهم
عقب ماتزوج الاولى والثانيه لان الاولى كانت طيبه فالثانيه صارت واااايد معاها اما الثالثه لانها صغيره فكانت تبيه دايما عندها بس هو ماشاء الله عليه يوم حق ال1 ويوم حق ال2 ويوم حق ال3 ..ويوم يشوفهم مرتاحين ومع بعض يقول بتزوج الرابعه ويوم يشوف حرب وسوالف يقول انا شلي خلاني اتزوج على زوجتي الاولى لان الاولى واااااااااايد طيبه) وبعدين قريت بعض الردود ان يمكن الاولى تكون سيئه مب شرط في حريم وايد زينات وطيبات بس ازواجهم يتزوجون عليهم

انا زوجه اولى ومع الأخت روعه
انا امووووووووووووووت من القهر والظلم وحسبى الله ونعم الوكيل

__________________
يارب ساعدنى وقوينى اربى اولادى والهمنى الصبر
http://www.66n.com/forums/showthread.php?p=893951

__________________

	يارب [flash=ان عضمت ذنوبي كثرة]WIDTH=400 HEIGHT=350[/flash] فلقد علمت بان عفوك اعظم ان كان لايرجوك الامحسن [glow=CCFF00] فبمن يلوذ ويستجير المجرم[/glow]

الزوجة هي اللي تحدد مكانتها بالنسبة لزوجها وللمجتمع
مو شرط ترتيبها ابد
امي الله يحفظها تعتبر زوجه ثانية اقسم بالله انها الكل بالكل حتى عيال عمتي الكبار المتزوجين اذا بغو شي يجوون يستشيرون امي وعمتي وابوي نفس الطريقة اي شي يخص البيت او العيال يروح لامي على طول ’’’’مع انها الثانية لكنها كسبت قلب زوجها باسلوبها وحسن تبعلها
والله العظيم مو عشانها امي امدحها لكن كلمه حق وانا اقولها
يعتمد على الزوجه نفسها مو على مكانتها وانا الحين امشي على خطى امي ولله الحمد كسبت زوجي واهل زوجي بعد وكاني عايشة معهم من سنين
لاتحكمون بمسلسلات تشوفونها ياما اولات فازو بقلوب ازواجهم وياما ثانيات نفس الشي فازو بقلوب ازواجهم
لايعتمد لا على العشرة ولا على الاولاد ولا غيرة
كل شي يعتمد على اسلوب الزوجه وطريقة تعاملها مع زوجها واهل زوجها
وكلمة اخيرة اقولها
(((((( لاتعممون مشاكل الناس على كل الناس كل بيت له ظروفه الخاصة وحياته الخاصة ,,مو ان الزوجه الاولى تمشي زوجها على كيفها حكمتو عليها بان كل الاولات مثلها )))))
كل بيت له ظروفه
وصل الله وسلم على سيدنا محمد

بصراحه مافي رجل يتزوج من ثانيه وهو مرتاح مع الاولى والزوج العاقل هو اللي بيحاول يعدل والمفروض ان كل زوجه توفر له ما يحتاجه من عاطفه ورعايه واهتمام وهذا اللي يخلي كفة احدى الزوجات تميل عن الاخرى وتحظى بحب الزوج وتقديره وتحياتي لكل زوجه أولى عاقله وزوجه ثانيه حكيمه..

__________________