في قلبي كلمة تقرقع ولا ادري وين اكتبها فيه
وما احب ولا اعرف ولا سخرني الله اكتب مواضيع وانزلها
فرجاء خلوني لين اغتلقت اجي هنا اقول الكلمتين اللي بقلبي واطلع
والا حطوا لنا موضوع " فش خلقك"
افكر قبل شوي وانا اقرا احدى المواضيع، في "مفهوم القوامة " لدى بعض( عشان ما يزعل احد) الرجال
لقيت مالها بروسهم الا تفسير واحد " انه يعبي ثلاجتك من عتيقة"

معصبة لاحد يكلمني

هههه الله يسعدك شوك
تدرين هذا يستحق ان تفردي له موضوع كامل
عساه يعبيها بعد
بعض النساء هي تعبي ثلاجتها
مدري كيف بعضهم يرضى بدور الملقح فقط

خخخخخ
اليوم قريحة الامثلة عندك شي
اجل لي قام هديب ما ادري وشو
ولي حبتك عيني ماضامك الدهر

ههههه مو مني من الي فيني

سؤالي لليوم
شلون تحافظون على استقلاليتكم بعد الطلاق
محد يتدخل بتربيتك بطلعتك بدخلتك

أحيانا أحس أبي أم انتداب تهك علي بكلمتين
و تخفف عن الوضع حتى أغط لي نومة هنية ، ثم أحيله للتقاعد خخخ .
أصلاً هي المسكينة ما بيده تصنع بالدنيا شيء،
و أكفر بمنطقية العواطف غبية جدا ، ولو كانت من مقومات الحياة مثلها مثل عملية الهضم و الإخراج .

طبعا و برنامج حافز و ساند مدري ساعد على قولة النكتة :
إذا شفت كل البرامج على و زن فاعل أعلم أن المواطن هو المفعول به .

اليوم بروضة بناتي مهرجان للالوان
الكبيرة اللون الاحمر
والصغيرة الاصفر
وطبعاً لازم يلبسون هالالوان ويجيبون معهم هدايا لاصحابهم بنفس اللون!
اشكالهم تجنن
خاصة انهن صغيرات
فكرت ايش ياخذون هدايا
وعلى طول جا ببالي
"الورد" !!
الكبيرة احمر
والصغيرة اصفر
وامس كانوا طايريييييين من الفرحة وحنا نشتري الورد
ونفخ لهم صاحب المحل بالونات هيليوم هدية
واعطاهم كم وردة هدية
يا الله
ليت حياتنا كلها مهرجانات الوان
الوان. الوان. الوان. الوان.

شوك ماتفكرين بالحمل

سبحان الله يا شوك.

من أيام لما كانت مهرة في الحضانة دايماً يعملون احتفالات بالألوان .. وكنت أحمل هم الهدايا لأنها تكون مقيدة بلون الاحتفال .. لكن أبداً ما خطر على بالي الورد والبالونات!!


اليوم عندها احتفال القبعات
.
.
.
مبتعثة .. بعدج على سالفة الحمل؟

__________________


اللهم طِيبَ الأثر .. وحُسْنَ الرحيل.

اجهضت مرتين
اخرها بشهر خمسة هجري اللي راح
للحمل والاجهاض قصص وحكايا معي
اول كنت احس اني تعيسة لاني تزوجت متاخر وحظي بالعيال الكثيررررر قليل
مع اني كل مرة اشوف اختي اللي تزوجت من 20 سنة وربنا ما كتب لها الا ثلاثة فقط
واقول لو ربي يبي لي خمسة رح اجيبهم مهما كان عمري
لما كتبت مهرة عن الاطفال والتربية
كان الله بعثها لي
ليسكب في قلبي السكينة
راضية بالوردات الحلوات اللي بحياتي
والحمد لله

الورد حياة
حياة بالنسبة لي
وقلت قبل كذا قدمي لي وردة وخذي مني اللي تبين !!
فيه ناس اختاروا هدايا بسيطة وغير مكلفة مصل حليب الموز والذرة وعصير الليمون
واحس هداياهم مفيدة اكثر مني
لكن انا اتعامل مع الروح وما ينعشها
واحس الورد خطييير

فيه محل بمول دبي فيه كلمةWood نسيته خياااال للبنات
راءعة فكرة القبعات فيها وناسة وحركة
بس عجزت استوعب انت مهرة وبنتك مهرة