ورق العنب ( اليالنجي )
المقادير
ورق عنب
كاستين أرز أسترالي ( صنوايت ) .
حبتين كبار طماطم بندوره
حبتين كبار بصل .
حزمة بقدونس . تقدرين تقولين مقدار اربع قبضات .
ربع حزمة نعناع . قبضه وحده .
شوية شبنت( اختياري ) . مايقارب ربع الحزمه .
كأس عصير ليمون .
كأس زيت زيتون عصره أولى .
من أربع الى خمس فصوص ثوم أو حسب الرغبه .
ملعقة طعام صلصة طماطم .
مكعب ماجي ( مرقة دجاج)
ورق نعناع مجفف او مفروم طازج تقريبا ملعقه طعام .
ملعقة صغيره بهار حلو .
ملعقة صغيره فلفل أبيض .
ملعقه صغيره قرفه .
ملح .
ماء للسلق .
طماطم وبطاطس .
الطريقه :
ـ اغسلي الخضار وصفيه من الماء .
ـ أغسلي الارز
ـ حشوة اليالنجي شبيهه لحد كبير بالتبوله بس بدل البرغل نضيف الرز . لذلك افرمي الخضار ناعم ، شخصيا افضل اقطعهم بالسكين ماحبذ استخدم المكينه .
ـ صفي الرز من الماء زين واضيفيه للخضار . مو ضروري نقع الارز بس أفضل انقعه .
ـ حطي البهارات والملح . ونصف كمية زيت الزيتون ونصف كمية الليمون . والنصف الثاني خليه للسلق .
ـ الحين ناخذ ورق العنب نغسله ونشيل السيقان ( الروس ) .
و نبدأ بالحشي
على فكره الحشوه مليانه سوائل ( زيت - ليمون ) فأفضل اني اصفي جزء منها بالمصفاه عشان ماتعب اثناء اللف ويقعد ينقط
نرصها بالقدر بعد ما نحط بقاع القدر دوائر من البطاط
صبي الزيت وباقي الليمون ، وأيضا ماتبقى من ماء الحشوه صفيه وحطيه
نجي للخلطه السريه .
دقي الثوم مع ورق النعناع المجفف او المفروم ( ناعم) ، مهم تحطين نعناع ماتتصورين قد ايش يعطي نكهه مميزه غير كذا يشيل ريحة الثوم القويه .
ذوبي الصلصه ومرقة الدجاج واضيفيهم للقدر وإذا احتاج ملح اضيفي شوية ملح .
إضغطي القدر بصحن سيراميك او اي شغله ثقيله . واضيفي الماء لين يغمره بهالشكل .
وخليه لين يغلي ، اول مايغلي هدي النار عالآخر ، وخليه ساعه بالتمام.
------------------------------------------------------------------------------
بعد ماينضج احب اخليه يبرد اربع ساعات او خمس بعدين اقلبه ، بصحن . واصفه بوعاء بايركس او اي صحن بغطى .
بعدين آخذ الماء اللي بقى واصفيه وارجع اصبه في ورق العنب عشان يحتفظ بطراوته ولونه الزاهي بالثلاجه لحين التقديم .,
غطيه واحتفظي فيه بالثلاجه ، وعاد مو تقدمينه بهالشكل شكله مو حلو ، رصيه بصحن التقديم زينيه بشرحات الليمون . وعادي يقعد بالثلاجه أسبوع طالما راعيتي النظافه .
ويقدم بارداً
ملاحظه:
البعض يحب يضيف سماق او دبس رمان للحشوه ، شخصيا مافضله مايعجبني يكون ورق العنب محمر . بس اللي يحب يضيفله راح يعطي نكهه مميزه .
وصحه وعافيه . ( منقول)
__________________
اللهم ارحم أخي رحمة واسعة و أجعل قبره روضة من رياض الجنة
25-05-2010, 11:52 AM
..
ضوابط المشاركة
العرض المتطور