|
الحمدلله الذي انعم علينا بالحجاب وعدم كشف الوجه لان الوجه هو الاساس الجمال اذا كشف كشف من خلاله الجمال
المهم اخوي قولها احبك ومن حبي لك ابي احفظك من عيون الحاسده والمريضه واذا قالت اهلك؟؟ قولها انتي عليك من اهلي او من الناس لا انتي عليك بالاحسن والافضل والاجمل هو الي اختاره الله لنا والي يصونك ويبعد عنك العيون انتي تهميني وحبيته لك لانه من كلام الله وفضله وذكر لها الايه قوله تعالى : ( ياأيها النبي قل لأزواجك وبناتك ونساء المؤمنين يدنين عليهن من جلابيبهن ذلك أدنى أن يعرفن فلا يؤذين وكان الله غفورا رحيما ( 59 ) ) فلا يؤذين !! والله يسهل عليك وقبل ماتبدا معها خلها تشوف بعيونك الحب والحرص عليها |
إذا حبتك ،، و عاشت معاك ..
هي من حالها راح تقتنع .. كل شي بالتدريج |
كيف تجبرها على تغطية الوجه ؟؟؟؟؟؟؟؟؟؟؟؟؟؟؟
لا تجبرها لمح ولمح ولمح خل الخطوه تجي منها بالاقناع مو الاجبااااااااااااااار |
اللهم لا شماته ههههههههههههه
وش مشاهيره وش زواج مشاهير ومادري ايه ترى زوجتك انسانه تحفظ القران وبنت من كلامك متربيه والدليل انها تغطي وجهها ببعض الاماكن زوجتك تشابه بععض الامثله بمجتمعي انسانه راقيه اهنيك على اختيارك \ دايم هالنوع من النساء تكون ناتج تربيتها جيل متميز ..منضبط .. واذا على الغطا ...يقول زوجي انه كان بيطلقني لانه اهله قالو ان عبايتي ضيقه ونقابي واسع هذا ايام الملكه والحمد لله بعد الزواج عبايتي كنها خيمه .. |
عملها مافيه شي
وانت دامك وافقت من البدايه اجل خلاص لازم ماتفاتحها مرا ثانيه بالمووضوع |
ما دمت وافقت على طلباتها من الاول يا اخي لازم تستمر و تتاقلم لانها صارحتك و ليس امر جديد عليك...اما فيما يخص الاختلاط فهو منهى علييه و لااااااااااازم تفهمها و انت تقول مثقفة و متدينة و حافظة للقرآن..ما هذا التناقض؟؟؟النساء المؤمنات القانتات الحافظات للغيب..القانتات في بيوتهن و طاااااااااعة الزوج وفق رضى الخالق...لازم لا تنحصر ثقافتها فالنت او العمل او الملتقيات او ..او..و فعلا الزواج مسؤولية يعني لا يمكن ان تكون متزوج امراة كالرجل في عملها و ميدااان الحياة و الشهرة اكبر همها..يارب تتوفقوا و فهمها مادامت واعية
|
السلام عليكم ورحمة الله وبركاته
اهلن اخوي شوف الحجاب خله موضوع بينك وبينها يعني حاول تتفاهم معها بطيب هيئ ببتفهم للوضع انشالله انا اوفق رأي نيتشه زواج المشاهير اتوقع كان قصدها انها تحتاج لِ انسان متفتح ورجل اعماال يعني دايم يشتغل ومايهمه الحجاب صح هذا غلط بس اضن انها من شخصيتها او حبها للعمل والدليل انها وارفضة كثير من الخطاب عشان عملها يعني عليك تتفهم اخوي وتفاهم معها وقولها يمكن تقتنع بأذن الله الله يكون بعونك دمت بود |
لحظه ..لحظه
انا ابي افهم شي الوالده تكشف ؟؟؟ وانت مقتنع بالغطا ... اهنيك اخوي ...على رجاحه تفكيرك وينهم ..تعالو يامتمدنين ..امهاتكم عباياتهم على رووسهم ...وانتم تطلبون من زوجاتكم انهم يتحجبون ..عشان مايفشلونكم بالاماكن العامه هذي رساله ..لبعض القله القليله ..الي صايرين نشوفهم بمجتمعنا ولما يجي يخطب ..يقول ماابي معقده ....؟؟؟؟؟؟؟؟؟ ابيها تتحجب شوفو الاخ امه متحجبه واخواته كذلك ..وهو يبي زوجته تتغطا ؟؟؟؟؟؟؟؟؟؟؟؟؟ |
الغطا مب في كل المجتمعات.... في الامارات مب وايد اللي يغطن.... و احنا هني ما راح نتكلم عن الحكم الشرعي لهالموضوع...
اخوي و بكل صراحه انا في نفس وضع زوجتك... اجتماعيا و كل شي.... يعني تفكيري بيكون مقارب لتفكيرها.... بصراحه انا نفسها بعد.... اقول لاي شخص يتقدم لي نفس شروط زووووجتك بالضبط ... و اشدد على الموضوع قبل عقد القران لاني ما احب احي يرجع في كلامه معاي.. الوضوح من البدايه واااايد حلو و مريح للطرفين..دام زوجي وافق من قبل عقد القران اني ما اتغطى و عملي في هذا المكان بصراااااااااااحه راح اتضايق كثيييييييييييييييير اذا جا بعدين و قال انه يباني اغطي..... لاني ما خدعته من البدايه و كنت واضحه معاه..... و اذكر دخلت في نقاش كبير عن هذا الشي مع احد الخطاب.... و هو يقول مب مشكله باجر تصيرين ام العيال و تغطين و انا اقول له معليش الواحد يكون واضح من البدايه انا ما اتغطى.... ممكن في يوم من الايام اتغطى و بتكون عن قناعه شخصيه مني بس مب بطلب او الزام منك هذا ما لا اقبله لاني وااااااضحه معاك و امام الجميع.... انت ممكن تقول لها باسلوب لطيف.... و لكن بصراحه لازم تحط احتمال في بالك انها ترفض و تذكرك بموافقتك على شروطها و الغيره بتقول لك انها تحط حدود لتعاملها مع الناس وانها محترمه و الخ.... و ممكن ما توافق على الغطا بتاتا..... و انا متأكده انك بطبيعتك راح تفتح هالموضوع معاها مره ثانيه و ثالثه و رابعه و لو على فترات.... اخوي لازم تفكر اذا زوجتك ما وافقت تغطي بتاتا على الرغم من محاولاتك شو بتسوي؟؟؟؟ فس رجال في النهايه يقول لوتحبيني تغطين؟؟ طيب انا بعد بقول نفس الشي.. لو تحبين كنت وفيت بوعدك لي و التزمت بموافقتك.... و في رجال كنوع من الضغط يقول اذا ما تغطيتي كل واحد يروح في طريقه.... و هذا اسوء اسلوب و لا داعي حتى اذكر لما هو اسوء اسلوب... و هناك امراخر اود لفت انتباهك له.... زوجتك راح تفكر بينها و بين نفسها.... اذا هو الحين غير رايه بخصوص الغطا.... شو الاشيا اللي بيتراجع عنها بعدين..... طبعا السيناريو الطويل العريض اللي كتبته لك ممكن ما يصير و ممكن زوجتك تتقبل الغطا.... بس هذا مشكوك فيه... وفقك الله * |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|