أتوقع وضع ميزانية لكل شي .. تسوي لك ظرف لكل مصرف .. مثلاً ظرف للثياب ظرف للفواتير ظرف للغذاء ظرف للمدخرات ظرف للطوارئ ظرف لـ... ظرف لـ... بحيث إنك توزع المصروف على هذي الظروف ... وبحيث إنك كمان إذا جيت للثياب مثلاُ إذا كنت تصرف 1500 في الشهر على الثياب تخليها شهر 1000 وشهر ثاني 800 وهكذا في كل ظرف .. ولا تتعدى على حقوق الظروف الثاانية اتمنى وصلت الفكرة .... |
المشاركة الأصلية كتبت بواسطة السيف المسلول
ما فهمت يعني أشوفها صعبه أشوي ولا لاء |
المشاركة الأصلية كتبت بواسطة A b d u l l a h
السلام عليكم، هناك قاعدة مالية شهيرة جداً، أخذتها عن أحد المحاضرين الأجانب المتخصصين في التنمية البشرية، وهي: لن تحقق وفراً مالياً إلا إذا كانت مصروفاتك أقل من دخلك. هل تبدو هذه المعادلة - أو المتراجحة - بسيطة في أساسها؟ هي كذلك. لكنّ كثيراً من الناس لا ينظر إليها من هذه الزواية؛ وهي زاوية الفرق بين "المدخول" و "المصروف". القاعدة الذهبية إذن، لابدّ من تحقيق وفرٍ ماليّ بسيط كل شهر، وحجزه في حسابٍ مستقلّ. وهذا أيضاً لا يكفي، إذ ينبغي أن يُستثمرَ هذا المال وفقاً لقواعد استثمار آمنة، بعيداً عن المخاطر. في بداية كل شهر، إحجز مبلغاً ثابتاً من دخلك الشهريّ وانقله إلى حساب بعيد عن يدك. وليكنْ هذا المبلغ بنسبةِ خمسةٍ أو سبعةٍ أو عشرةٍ بالمائة، أو أيّ نسبة أخرى تصلح لك. أكثر البنوك توفر في أيامنا هذه صناديق استثمار آمنة ومتوافقة مع ضوابط الشريعة الإسلامية، وتقدم عليها خدمة الاستقطاع المنتظم. أنتَ تُفوّض البنك باستقطاع مبلغ شهريّ ثابت من حسابك الجاري، ونقله إلى حسابك الاستثماريّ، في يوم مُحدد من كل شهر. والبنك يقوم بهذه العملية آلياً نيابةً عنك. لا تسيّل أموال هذا الصندوق أبداً، إلا إن كانت الظروف أكثر مما يُطاق تحمله. ما يتبقّى من دخلك الشهريّ، إصرفه كيفما شئت، أو وفق خطة مالية إن كنتَ ممن يضعون خطة مصروفات شهرية. هذه خطتي الشهرية بالمناسبة، أحجز مبلغاً ثابتاً كل شهر ثم أضعه في أسهم ذات أداء استثماريّ عالٍ وصناديق استثمار آمنة، بعيداً عن هستيريا المضاربات. وفقكم الله، عبدالله،،، |
المشاركة الأصلية كتبت بواسطة هلال العالم
اخوي السيف المسلول من تجربة راح اقولك طريقة ممتازة للتوفير مثلا حسابك البنكي في البنك الامريكي "سامبا" وراتبك ينزل على نفس هذا الحساب روح للبنك واطلب منهم تفتح حساب ثاني وبدون بطاقة صراف او دفتر شيكات وبعدين اطلب منهم يقتطعون مبلغ معين " على سبيل المثال 50%" من راتبك كل نهاية شهر، طبعا انت تحدد التاريخ. يعني يحولون من حسابك الاساسي الى حسابك الجديد. هذي العملية يسويها لك البنك بمبلغ 5 ريال كل شهر. صدقني جربتها وجمعت مبلغ جيد وتزوجت الله ييسر لك امرك ويسهل لك دربك اخوك هلال العالم |
المشاركة الأصلية كتبت بواسطة Mr.Dad
اشكركم على هذا الموضوع الجميل
الموضوع يهوني جدا خاصه اني موظف جديد انا ما عندي فكره كم راح تكون كصاريفي الشهريه بس عندي كم فكره 1-تحديد ميزانيه شهريه للماء و الكهرباء و التلفون و الايجار 2-تخصيص ميزانيه اسبوعيه للبقاله و البنزين و انا اقول اسبوعيه لان التحكم فيها يكون اسهل لصغر المبلغ 3- تخصيص مبلغ معين للادخار و يقسم الى قسمين ( مو شرط قسمين متساويين) قسم يكون للاستثمار او الادخار للمدى الطويل و قسم للمصاريف الغير متوقعه مثل الاعياد بدايه العام الدراسي او اعطال السياره 4- اي مبلغ يفيض من رقم 1 او 2 يتم تحويله لرقم 3 5- اذكركم و نفسي بضرورة الصدقه و سلامتكم |
المشاركة الأصلية كتبت بواسطة وجع آخر معاناتي
لالا ابداً مو صعبة أهم شي التحكم بالمبالغ وعدم الاستهتار مثلاً تقول ياالله باخذ 10 ريال من ظرف الادخار ماراح يأثر .... لا أخوي راح يأثر كثير لإنك ماستفدت من وضع الميزانية ...
الالتزام مطلب أساسي في هذه الأمور .. حاول تسوي لك ميزانية معينة كل شهر غير عن ميزانية الشهر الثاني بحيث لو زادت مصاريف الغذاء مثل الحاصل في شهر رمضان تزيد مصاريف الغذاء وتزيد مصاريف الثياب في خلال شهر رمضان عشان جاي العيد فلازم بتشتري ثياب جدد وبالتالي تقلل مصاريف الإدخار .. والشهر اللي بعده تقلل مصاريف الغذاء وتقلل مصاريف الثياب لإنك ماصار لك شهر من اشتريت آخر قطعة من الثياب ... وهكذا .. مع أمنياتي لكم بميزانية توفر لكم ماتحتاجون إليه ,, |
المشاركة الأصلية كتبت بواسطة من الله في خير
بصراحه انا استخدمت طريقة الظروف لمدة 4 سنوات لغاية ما ضبطت مصروفاتي
لكن اذا كانت صعبه عليك انصحك بطريقه اخري على سبيل المثال اذا كان راتبك 6000 حاول تخلي ربعه وهو1500 تحطه على جنب ولو تخليه عند المدام وما تصرف منه ابد لغاية اخر الشهر وحاول تقيد مصروفاتك على اساس 4500 ريال وحاول انك ماتمتع نفسك كثير وماتطلع كثير تماشي وفسح وعشوات بره البيت - فقط شهر وخللك شهرين ثلاثه على هذا الحال بعد كذا حاول تحتفظ بنسبه اكبر من راتبك بعيدا عن متناول يدك وشهر عن شهر راح تشوف نفسك متحكم كثر في مصروفاتك تمنياتي لك بالتوفيق |
المشاركة الأصلية كتبت بواسطة د.مشاعل
مع ان السؤال بس للرجال (والناس في المنتدى تقول ماحد يدخل في عالم احد) بس ممكن افيدكم بفكره حلوه انا شخصيا نفعت معي ممكن تنفع مع غيري حلو موضوع الجمعيات انا ادخل جمعيات مع زميلاتي ونا استلم اخر شي واذا استلمت يصير مبلغ وقدره اول مره قالو لي ادخلي جمعيه معانا انا رفضت وقلت مابغي ماعندي فكره في راسي اسوي في المبلغ اللي راح اخذه شي بس دخلت عشانهم ويوم جاني المبلغ كان حلو وووو ,,,,,,,,,,,,,,,,,,,,, ومن يومها ونا كل مره ادخل جمعيه معاهم ,,,,,,,,,,,,, الجمعيه احلى من انك تحول مبلغ من راتبك في حساب ثاني انا عني فاتحه حساب ثاني احول فيه مبلغ ثابت بس الجمعيه احس انها احلى ,,,,,,,,,,لان الجمعيه في فتره بسيطه يجيني مبلغ حلو بينما التحويل انا احول فقط تقريبا 30% من راتبي يعني مايزيد بسرعه.................. |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|