شوف اخوي
انت ما عندك مشاكل في الجسم
واللي دل على كذا ان طولك سليم ومعقول يعني 173 سم ممتاز
لكن كون ان وزنك 55 هاذي صعبه شويه .. يعني واضح اهمالك لنفسك كثير
وهذا الدليل
اقتباس:
*أحب اني اكون صريح معك , أنا بصراحة سيء التغذية , يعني ولا مرة ف حياتي أكلت وجبة افطار ( منذ 4سنوات تقريبا) إلا ما ندر ...
*وكذلك أعشق السهر كثيراً , ولي تقريباً قرابة 9 شهور لم اذق طعم النوم ليلاً إلا ما ندر..
*والله ابتلاني سابقاً بمرض العادة السرية , والحمدالله تركته ولي تقريباً أشهر بعيداً عن هذا المرض ..
* وأخيراً انا اتوقع المشكلة ليس في الجسم , بس في الاكل , وكذلك عامل الوراثة له دور كبير , أبي وجدي انا مثلهم تقريباً ..
|
سيء التغذيه وما اكلت وجبةافطار من 4 سنوات الا ما ندر
السهر ترا ياثر كثير على حالة الجسم لانه ياخذ طاقه اعلى من اي شخص آخر نومه في الليل
لانك قاعد تمشي جسمك على خط خطأ الله ما هيئه له
لان الله سبحانه وتعالى هيأ للانسان النوم في الليل ومستحيل يتأقل جسم الانسان ووظائفه الحيويه على نوم النهار ابدا لو قعد 20 سنه وهو يحاول
وفيه هرمون للنمو يفرز في الليل اذاكان الانسان نايم
اقتباس:
- حاول تاكل 5 وجبات في اليوم ، خلي أكلك فيه بوتين زيادة (لحم أحمر ، حليب كامل الدسم ، بيض ..) يعني الأكلات الدسمة.
2- تروح لمحلات البرتينات واطلب برتين شوفان ، هذا طبيعي وماعليه خوف.
3- اتبع التعليمات اللي تكون على العلبة ، بس انتبه لازم تتدرب وأنت تاخذه لإنك ماراح تستفيد شي.
4- لاتركض واجد ، يعني السعرات اللي تحرقها في الركض ، يمديك تحرقها في الحديد. يبغالك كل يوم عل القليلة 80 غرام بروتين. خلي 40 غرام بعد التدريب مباشرة. يعني خلي قارورتك مليانه حليب وبروتين واشربها بعد التدريب ويحبذ قبل التدريب بساعتين.
5- حاول انك تكون مكينة أكل. لا تكثر نشويات ، خلي أكلك بروتينات ودهون غير مشبعة.
|
كيف تقول لشخص سيء التغذيه وحتى ما ياكل وجبة افطار انه ياكل 5 وجبات في اليوم ويكون مكينة اكل
شوف يا اخوي خذ الكلام مني مباشره
انا عمري مثل عمرك 23 سنه
قبل ما يصير عمري 18 سنه كنت نحيف جدا وكنت دائما اقرا كلام عن طريقة زيادة الوزن وما فادت معي ابدا
لكن انا غير .. انا كان طولي 170 ووزني 60 يعني ما كان فيه الا فرق بسيط بيني وبينك
دخلت نادي كمال اجسام ووظبطني المدرب مدة 3 شهور شد وتأهيل للعضل
انت راح تتعب تعب مو طبيعي في الثلاث شهور هاذي لانه راح يكرفك
ما راح تلعب باوزان ثقيله
راح تلعب باوزان خفيفه وعدات اكثر
انت سلم نفسك للمدرب وقوله تصرف في جسمي وخليه مضبوط وعلى رواقه ولا تكون مستعجل .. خلاص المدرب يعرف شغله
انا صار لي في هاذي الرياضه 5 سنوات والحمدلله جسمي معضل ورياضي واللي يشوفني الحين ما يصدق انه انا اللي قبل 5 سنوات
انا ليش اقولك لا تدخل كمال اجسام لانه ممكن يسببلك مشاكل في المفاصل؟
لان الاربطه العضليه اللي تربط بين المفصل والعضله تكون في العاده اضعف عضلات الجسم وممكن الوزن الثقيل ياثر عليها كثير بالذات مفاصل الكوع والركبه
اذا بتستمر مع مدرب يشدها لك مضبوط اول شي اوكيه
يعني اللي اقصده لا تبدأ بالبناء وبالأوزان الثقيله ... ابدا بالاوزان الخفيفه
وخليني اكون صريح معك ::::: مو انت اللي راح تبدا .. !! المدرب هو اللي راح يمشيك على مزاجه ( طبعا المقصود بيمشيك على مزاجه يعني يمشيك صح )
فيه المكملات الغذائيه المتوفره في الصيدليات واسأل عن مكمل غذائي اسمه * ميجا ماس * هذا عباره عن بروتين ودهون وسكريات وطبيعي 100%
حتى الامهات في امريكا يستخدمونه لاطفالهم اللي اكلهم سيء
لكن سعره غالي شوي ... ما اعرف سعره بالضبط لاني ما اتعامل مع هذا المنتج
انا اتعامل مع الواي بروتين لكن هذا يستخدم بس للاعبين كمال الاجسام واللي يطلبون عضل صافي وبدون دهون
لكن الواي بروتين سعره 400 ريال
بس ما اعرف اي شي عن الميجا ماس
مثل ما قلت لك يا اخوي
خلي المدرب يسوي لك نظام غذائي يزيد وزنك واستمر عليه وعلى التدريب مدة 3 شهور
اذا لاحظت ان فيه زيادة في الوزن معناته الشغل تمام وجسمك ما يعاني من اي مشاكل
اذا ما زاد لازم تروح لاخصائي تغذيه علشان يكشف مشكلتك لان احتمال تكون مرض
لا تخاف من كلمة مرض
احتمال تكون من عصارة المعده افرازها قليل فيكون فيه صعوبه في الهضم
احتمال يكون عندك فقر حاد في الدم يخلي نقل الغذاء والاكسجين صعب
احتمال يكون عندك ديدان في المعده ( مع ان هاذي استبعدها )
احتمال يكون عندك ضعف في مركز الشهيه في الدماغ وتسير تحتاج دواء لفتح الشهيه .. طبعا الاخصائي هو اللي يعرف قوة الضعف ويعطيك دواء على حسب الضعف
واما من ناحية الوراثه فهاذي اكيد لها علاقه لكن لازم تتغلب عليها
وانا بعد عندي وراثه بس تغلب عاليها من زمان والحمدلله