السلام عليكم ورحمة الله وبركاته
انا اول مره ادخل المنتدى ..وللامانه دخلته لاني لقيت فيه نصايح جدآ جميله
انا الان عمري 28 سنه صارلي 8 سنوات متزوجه من زوج جنوبي غربي
كان رأىع بحبه وحنانه معي زوجي يكون ولد عمي ..امه من قبل لاانولد
وهي مشاكل مع حماتها اللي هي تكون جدتي ..امه عندها 8 عيال وبنت وكلهم مزوجتهم من بنات اخوانها وخخواتها الا زوجي اخذني انا مو الطرف الثاني ...لانه كان يحبني من صغرنا ..المهم عشت مع اهله ببيت واحد
بشقه داخل البيت نفسه ..وربي يعلم بقدر المشاكل والتفرقه والاكلام الجارح والاسلوب -- اللي واجهته
اول ماتزوجته كان متعرف على وحده ثانيه ..وكان كل امورو بالحرام ..سويت معه مشكله كبيره لدرجة الحرمه هذي كان يتعامل معها كزوج بدون زواج فاهمين قصدي طبعا ..المهم صارت مشكله وطلقني وبنفس الليله رجعني مااستمر الطلاق وكانت امه دايم تعبي براسه علي اهم شي لا يحبني ..مرت 7 سنين على زواجنا وانا بلا قيمه ولا احترام ولا اي وجود ليا بينهم ..اسمع واطنش واخدم الام والاب والله العلي العظيم مالاقيت حتى كلمة شكرا ماابغى حد يشكرني بس لا يعاملوني بحقاره وقرف كل هذا عشان انا من طرف الجده المكروهه تخيلو لدرجه حتى جدتي
صرت اخاف عشان ارضيهم..المهم خلال 7 سنوات ربي رزقني بأميرين زي القمر صرت مهما صارت معي مشاكل مع زوجي او امه او اخته اتعايش واصبر واتحمل عشان ماابعد اولادي عن ابوهم ..مع العلم زوجي من الناس اللي ماعندهم شخصيه ولا ثقة بنفسهم ولا له كلمه ..كلمه توديه وكلمه تجيبه ..مو مبالغة هو كدا وربي ..ودايم يقولي ان اهله مايحبوه وانه منبوذ بينهم مدري ليش لما كبرو اولادي بديت احس بجدية كلامه ..بدأت اشوف معاملتهم لاولادي بس يبغو يكسرو شخصيتهم ويربو هيبه عليهم ليش مااعرف صرت بحرب عشان مااحد يمس كرامة اولادي
حتى الحرب اللي كنت اسويها حرب استسلاميه ..ادافع عن اولادي بخضوع لهم وعدم جرأه لان اساسا زوجي ماله كلمه ولا احترام بينهم فكيف حيحترموني او يحترمو كلمتي..مع العلم اقسم بالله اني بين الناس محبوبه ودايم كل سلفاتي بمووتو فيني ويعشقو اخلاقي ودايم بس يمدحولي بتربيتي لاولادي ..الحمد لله رزق من ربي محبة الناس لكن زوجي اكثر انسان احسه مدمر حياتي ..المهم السنه اللي فاتت صارت مشكله بيني وبين اهله والسبب فيها زوجي ..صار كلام بيني وبينه والكلام شوي حساس وهو طبعه يروح يقول لامه كل صغيره وكبيره ببيتنا ..
راح يقول لامه الكلام اللي صار بيننا ..ولما رجع سألته قال ماني مجنون اروح اقولها ..بعدها بيومين عرفت انه راح قالها كل شي من الاول للنهايه بالسالفه ..مسكتني هي وبنتها وسوولي قصه طويله عريضه ..طحت لهم وشبعو فيني طعن وكلام ..المهم تعبت نفسيتي مرررره منهم لدرجة اختنقت وصرت اتعالج عند دكتور نفسي ..زوجي مدري عي رحمة من ربي والا ايش صحي لنفسو وصحي لحركاته وصار يبغى يشتريني باللي يكون صار يقول لاهله كم مره اشوفها مظلومه مااقدر اتكلم ..كم مره تهينوها وانا ساكت ماابغى اغضب ربي واسوي مشاكل معكم ..
اخذني انا واولادي وطلعني من كل الديره اللي اهله فيها ..انتقلنا ومامعنا غير ملابسنا . اول ماطلعنا لبيت ثاني اقسم بالله ياجماعة الخير ربي مايترك احد ماادري كيف ب3 شهور بيتي صار معفش كامل ..وكنت حامل باميرة صغيره ربي رزقني فيها بأحلى مستشفى واحن دكتورة واحلى ولاده كانت ولادتها الحمد لله ربي ماتركني ..المهم عشنا في عالبلد وزوجي بدل المره مليون مره يتأسفلي على كل الحياه اللي كنت فيها وهو كان ساكت ..يقولي مااكنت عارف قيمتك ولا كنت صاين جوهرة زيك انا دوبي احس ان لي اولاد وزوجه ووبيت ..
عشنا بسعاده الحمد لله ..شوي راح لاهله ورجع الرجال يبغى يرجع لاهله ..مع العلم اصلا احواله سائت جدآ مع العمل وانا كنت موظفه واساعده بكل شي هو جلس مع عمله ماقدر يلاقي اي عمل ثاني والفتره هذي كان كل راتبي يروح للبيت مصاريف واجارات وكهربا وتسديد ديون كانت عليه ..ضاق فيه الحال صار يقنعني نرجع لبيتنا اللي عند اهله وانا كنت رافضه بقوووه ..الين اقنعني انه بيسويلي باب لبيتي تصير شقتي مستقله عن اهله هنا قلتله انا موافقه وانا تحت امرك باللي تبغى بس بشرط ماارجع الا وانت مخلص كل شي
وافق واتفقنا على اساس كدا ..جا يوم من الايام بعد اتفاقنا ب3 اسابيع كنا مبسوطين مع بعض مافي اي شي بيننا لقيته يكلم وحده علىجواله وكشفته ..لما واجهته صرت اعطيه كلام وهو يضربني ضربني ضرب مو صاحي كنت بختنق من كثر الضرب ..المهم كلمت اخوي يجي جا وشدو بالكلام واخويا ضربه لما شافني بذيك الحاله ..بعدها تصالحوو ..وزوجي مانساها له ..بعد الكلام هذا بعشر ايام زوجي قال بيرجع للديره قلت له بدري بستأذن من وظيفتي وبرجع معك انا والاولاد قال لا الان ابي ارجع قلتله والباب اللي قلتلي عليه قال انا ماوعدتك
قلتلك اصبري علي وعلى وضعي قلتله بصبر عليك لو ست شهور بس ماارجع الا والباب موجود قال لا مااقدر انا الحين برجع قلتله الله يستر عليك قال انا شاريكي قومي معي قلتله كيف اقوم على اي اساس وانا لا استأذنت من عملي ولا انت سويت الباب ووين ارجع مابرجع بالطريقه هذي يكفي كرامتي بتمسح فيها الارض قال والله اني ماابغى اخسرك تعالي معي قلتله لا ..قال انا باخذ عيالي معي هذولي اطفالي قلتله اترك الاولاد بلا جنان قال انا مجنون واخذ اولادي معه بنتي عمره 9 شهور اخذها من صدري وهي ترضع وطلع فيهم وراح لاهله
وتركني بالبلد هذي زي الغريبه لوحدي بشقه اجار محد داري عني متخيلين الموقف . المهم كلمته بعد ماطلع بساعه قلتله فينك قال انا ماسافرت انا جالس عند خالتي قلتله طيب وهو كان بخط السفر حسبي الله عليه..المهم الحين اخته فين ماتروح تقول للناس طلق زوجته ورماها زي -- وجاب الاولاد ..حسبي الله ونعم الوكيل فيهم وهو تصالح مع اخته واهله على ظهري ..ووالله ياجماعه وهو عندي كنت دايم اقوله كلم امك لاتقاطعها وهو مو راضي لانهم اصلا ماخلو شي من الكلام الجارح وطعن بالشرف الا قالوه فيني حسبي الله ونعم الوكيل بس
الحين انا قلبي عافه ماابغاه ولا ابي اسمه اسمه كرهته كرهه يعلم الله اني نفسي يطلع من حياتي بأقرب فرصه وماني عارفه كيف اقلعه من حياتي ابي الطلاق حتى لو خلع تعبت وقرفت منهم ..وكمان ابي اولادي وبنتي امه ماسكه اولادي واخته ماسكه بنتي .. ونقولهم نبغى الاولاد يقولو لا صار الصلح بعطيكم الاولاد.. يبغو يكسرو ظهرو باولادي مع العلم كلهم تحت حضانتي لسا صغار ..وابويا مو راضي يدخل الشرطه مسكين يقول عيب ندخل الشرطه بيننا بيجيبو الاولاد وهم اصلا ناس مايتعاملو مع الناس الا بالشرطه وابويا لا يقول عيب ..ايش اسوي ؟

تم تعديل العنوان ليتناسب مع المضمون

لاحول ولاقوة الا بالله كسرتي خاطري والله


انت الان ركزي على اولادك ارجعيهم باي طريقة.. طبعا حاولي بتدخل اهلك بالاول واذا مارضوا وقتها شوفي القانون نحن مو بغابة ولا الشرع ولا حتى القانون بيعطيهم حق ياخذوهم منك وانت كل ما تتاخري يطلعوا عنك اشاعات وماتدري يمكن اذا وصلت للمحكمة بتهموك انك انت مستانسة ومادورتي على اولادك ويكونوا اثروا بالصغار ويخلوهم يرفضوا يرجعولك اتقي شرهم يا اختي ولا تماطلي كل شي الا اولادك واذا جبتي الشرطة فهم يستاهلوا خلي يقولو عيب وما أخجل وإلّي بدهم، الي مايخاف الله في حرمة ضعيفة وصغارها هذا يستحق العيب..

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

الله يفرج همك ويصلح شأنك كله ويرد لك اولادك ردا جميلا

__________________
اللهم اني استودعك اولادي وبناتي دينهم وآمانتهم اللهم جنبهم الخمر والمسكرات والمخدرات والزنا واللواط والفتن ماظهر منها وما بطن يامن لاتضيع ودائعه

لا تسكتي عن أولادك
وعمّك أبو زوجك ما موقفه من كل هذا؟
حاولي تدخلي أحدا من كبار العائلة
إذا ما نفع معهم, ما فيه أمامك إلا القانون
وأكثري من الدعاء والحوقلة
اسال الله أن يسخّر لك من يعينك على همّك

__________________

يا حبيبتي الله يمسح على قلبك ويجمعك بأطفالك عاجلاً يا كريم زوجك مايمشي الا بالقوة يفرح باهتمام جلاده ويظهر قوته فيك وفي أطفالك الله حسيبه ..
من رأيي ان توسطو ناس لأجل الاطفال وإذا لم يكن هناك فايده فليس أمامك الا المحكمه
اسأل الله ان يريك فيهم ما يسر قلبك ويشفي غيظ قلبك وان يرد لك زوجك رداً جميلاً ان كان فيه خير ويختار لك الاصلح وطمنينا عليك

سبحان الله ، معطيات قصتك تشبهني كثيرا ، فانا في 28 و تزوجت مدة 7 سنوات ، و عندي ثلاثة اطفال ، و ها انا انتظر خلعه على احر من الجمر ....
عموما ، لا انصحك الاستعجال في اتخاذ اي قرار كان ، فحتى لو تشابهت المعطيات ، الا ان الظروف تختلف كثيرا فيما بينها ! فهي على مستويات من القاسي الى الاقسى ثم الجحيم و الاجحم ان صح التعبير .
ومن خلال سردك ، اذ فهمت انك لم تبحثي لحياتك اي حل غير الاستسلام للمر و الامر ، لكني ادعوك الان الى المحاولة ، حتى لا تقع في قلبك اية ذرة ندم فيما بعد ، حاولي و استخيري الله في كل خطوة و قبل اي قرار ، فهو المعين و هو خير وكيل .

__________________
أشهد أن لا إله إلا الله و أشهد أن محمدا رسول الله صلى الله عليه و سلم

وهذا اللي حصل اليوم سمعتهم مطلعين عني اني اني ماابغى اواادي وان اولادي انا بايعتهم
كمان يقولو ان ولدي الكبير يبكي مايبغاني الله حسيبهم بس

شكرا جزيل الشكر على ردودكم .وعلى دعواتك ..الله يسعدكم والله بردتو قلبي بدعواتكم ..الله يفرج همي وهم كل مهمووم
الحمد لله على كل حال
ابويا للاسف مصمم يدخل اهل الخير في الموضوع ..يبغى الصلح والسلام وانا ماابغى ااوجع ابويا او احسسه ولو القليل انو ضعيف ابدآ

اصبري احتمال كبير يردك بعصمته وحاولي بوقتها تشرطين عليه بيت او شقه مستقله لكف الاذى عنك وعن اولادك وترتاحين من المشاكل ...!
وفي حالة مارجعك وتزوج اهنيه اذا مارد اولادك ارفعي عليه قضيه ضم حضانه لك ومن حقك هذا حاولي تكون المحكمه آآآآخر الحلول ، وان شاءالله تصير الامور للاحسن كل شي بالدنيا يحتاج صبر واحتساب ...!
ولاتنسين مايصيب المسلم الا بسبب ذنوبه يقول علي رضي الله عنه مانزل بلاء الا بذنب ولارُفع الا بتوبه وكذلك كل شي بالدنيا يبدأ صغير وينتهي كبير الا المشاكل والمثائب والحوادث تبدأ كبيره وتنتهي صغيره ، قُلِ الله ينجيكم منها ومن كل كرب ...!

__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي

االيوم انا وهو تكلمنا ..وهو حلف لي انه ماطلقني ولا شي واتفقنا وكل شي ..وكان حيجيب لي اولادي ..بس يبغاني اتنازل عن البيت المستقل عشان اولادي قلتله لا مااقدر هذا صار عند ابويا روح وتفاهم مع ابويا قال انا ضحيت وجبت لك الاولاد انتي ضحي واصبري علي لين ربي يرزقني اسويلك الباب ..قلتله من قبل لاترسل الاولاد انا ماابغى اخدعك ولا اغشك انا مااحقدر اقنع ابويا ..الوالد متمسك برأيه
قلب علي وصار يقولي كنتي بتلعبي فيني ..وانتي تبغي تتسلي فيني ..ونيتك مو صافيه
قلتله ليش كل هذا ..لاني فتحت اوراقي لك ووضحتلك موقفي قال انتي ماتبغي تضحي