هلا اختي ملك
احب اشارك معك حبيبتي بما تسعفني به الذاكره الان من بعض غناوينا الشعبيه اللي كنا نقولها زمان
اذاجا المطر كنا نقول
طاح المطر على الطين الله يسلم فلسطين
فلسطين بــــــــــــــلادنا واليهود أعدائنــــا
-----------------------------------------------------------------
وهذي مشهووووووووووووره عند اهل المدينه زماااااااااااان وتسمى " الشعبنه "
كانو الصغار يخرجون في شعبان ويدورون على البيوت ويقولون :
" سيدي شاهر .. يا شربيك "
" اما مشبك ولا فشار ولا نكسر باب الدار "
واذا عطتهم راعية البيت اللي يبغون "مشبك او فشار" يقولون لها :
" قاروره يا قاروره .. ست البيت أموره " أو " بندوره يا بندوره ست البيت غندوره "
واذا ما عطتهم .......ياويلها ويلاه يقولون لها :
" كبريته يا كبريته ست البيت عفريته "
----------------------------------------------------------------------
وهذي لعبه ايضا كنا نلعبها مع البنات ونصفق ليدينا ببعض ونقول
انا وياك يابسمه
تحت الشجره جلسنا
جانا الشرطي وحبسنا
كله منك يابسمه
بسمه اليوم زعلانه
تبغى قطعة تفاحه
والتفاحه في الثلاجه
والثلاجه مقفوله
والمفتاح عند الحداد
والحداد يبغى فلوس
والفلوس عند العروس
والعروس تبغى ولد
والولد يبغى حليب
والحليب عند البقر
والبقر يبغى حشيش
والحشيش فوق الجبل
والجبل يبغى مطر
يامطره حطي حطي
على قريعة بنت اختي
بنت اختي جابت ولد
سمته عبد الصمد
ركبته في المشايه
والمشايه مكسوره
قطعت راس الليمونه
----------------------------------------------------
هذا ماتذكره الان عزيزتي
ولي عوده عندما اذكر شئ جديد
--------------------------------------------------------------------------------