يااختي نصيحتي لك انك تصبري
في العادة السنة الاولى يكونو الزوج والزوجة مش متعودين ع بعض و يكونو مشاكلهم كثيرة فمابالك بالشهر الاول
الشخصيات تختلف و النفسيات تختلف .. فحاولي تفهمي زوجك
اذا كان ما يمتدحك فحاولي انت تمدحينه
حاولي تقوليله عالاشياء الحلوة اللي فيه
حاولي تفهمي منه ايش يحبك تلبسي .. ايش الالوان اللي يحبها
وروحي اشتري زي ما يقولك .. والبسيه ... و ع طول قوليله اكيد انا اليوم حلوة لأني اشتريتلك خصيصا هاللبس اللي تحبه
واذا حاول ينتقدك او ينتقد لبسك
قوليله اكيد انت غيران
قوليها بضحك و بعدها غيري الموضوع ع طول
نصيحة مني
كل ما ينتقدك طنشي ولا تهتمي
احيانا لما يشوفك تعصبي من انتقاداته فيزيد من انتقاداته بس عشان يعصبك
لذلك انت طنشي واعملي نفسك مش سامعة ابدا
و اما تكلمي معاه عن موضوع ثاني او روحي اعملي اي شي
شوفي بالنسبة لسكوته .. ففي العادة الرجالة بعد الزواج يكون كلامهم قليل
اتذكر زوجي قبل الزواج ايام الخطوبة كان 24 ساعة وهو يتكلم وبعد ماتزوجنا صرت " اشحذ " منه الكلام ... و ياريثه يتكلم
وايضا يااما ينتقد فيني ... وكان اي شيء يصير في البيت غلط ع طول يحطني انا السبب ....
في الاول كنت ازعل مثلك بس بعدين صرت اطنش .. و صرت امتدحه الين ماصار يمتدحني
وشي ثاني ... حاولي تنتقديه مرة مرة ... يعني مش كثير لكن مرة او اثنين و اذا زعل
فهذه فرصتك انك تشرحيله عن زعلك لما ينتقدك
حاولي تنسي موضوع الطلاق