السلام عليكم راح اقولكم عن قصتي انا مطلقة من اربع سنين وعند ولد راح ابدا من اول نشأت بعائلة عادية جدا امي خوافة جدا من ابوي وتخوفنا من ابوي كثير لاأحد يتكلم ولا يسمعكم ابوكم ونشأنا على الرعب من ابوي مع انه العكس تماما بس ماأكتشفت هذا الشي الا لما كبرت المهم كان لايطلعنا ولا نتمشى ودايما خايفين منة وتعودنا على هالنظام وابوي بعد تعود على نظامنا حياتنا مملة جدا امس مثل اليوم واليوم مثل بكرة لما وصلت 3 جامعه تقدم لي شخص من بعيد ووافقت بدون تردد ابغى اطلع من حياة الضيقة مبدئيا هو شخص ممتاز وغني ومن سكان الرياض عاد انا عشقي الرياض وصار الزواج بسرعه تزوجته ولكن الصدمة اللي ماأفقت منها الا بعد ماحملت منة تزوجت (( بــــــــــــــــــــــــــــــــــــخــــــــــــ ـــــــــــــــــــيـــــــــل))تخيلوا يوديني لأفخم المولات والمنتزهات وارجع كذا ماأشتري ولا شي يعني شوف عينك وحظ غيرك على قولتهم اذا مر على اصحاب المحلات اللي هي الفطاير والسينبون وغيرها اللي يحطون عرض عشان الناس تشتري وتقدر تذوق ياكل واذا قلت اشتر لنا يقول خلاص شبعت حالتي انا وولدي بالويل تخيلوا البس لبس تجهيزي وانا عروس 3سنين لبسي تقطع من كثر مالبسته
اهلي كريمين جدا وانا ماتعودت على البخل ولاقدرت اكمل معه ورجعت مطلقة لبيت اهلي ومعي ولد عمرة سنة
والله قهر اهلي كريمين بس لا يطلعون ولا يروحون ويجون ولاسفريات ولا تمشية ولا اختلاط وزوجي بخيل بس يحب التمشية والسفر والطلعة هالحين رجعت لحياة الكتمة من جديد بس اللي يقهرني اكثر معي ولد والله انة يكسر خاطري مااحد يطلعة ويفسحة لو شوي
ودي العبة واطلعة مثل باقي الاطفال بس مابليد حيلة اذا قلت لخوالة طلعوة مايرضون اخذوا طبع ابوي والله اني في ضيقة مايعلمها الا الله تخيلوا لو اقولكم امي بيصك عمرها الخمسين ماعمرها اعتمرت ولا شافت مكة والله بنموت من الكتمة ادعوالي ان الله يفرجها لي ولخواتي والله لي اخت خايفة تجيها نفسية من الكبت اللي نحس فية
قرايبنا للأسف بعيد كنا نجيهم وحنا صغار بس لما كبرنا خلاص معد نروح
والله مالي الا الله ثم انتم ادعوا لي

وعليكم السلام
والله ياخيتي زين انك نفذتي بجلدك
البخل صفه قبيحه بالرجل وتلاقينه معه فلوس
بس ليه مغبيهن ماندري
ودي اعرف وش يفكر فيه يوم يحرم نفسه وعياله منهن
الواحد منا يتعب ويشقئ في سبيل انه يبسط عياله
موب يحرمهم
ابوي الله يرحمه ماكان بخيل حاطنا في بيت ماشاءالله تبارك الله
ونسافر كثير وبالاعياد اذكر كان يعطينا
لكن فيه امور كان يرفض وهذي سياسه داخليه ماعرفته
الا يوم كبرت وصار لي راتب حلو الحمدلله
الله يصبرك أختي والله يكسر الخاطر ولدك الله يصلحه ويخليه لك

__________________
يارب ترحم أبيي وتشافي اميمتي

بصراحه اقوللك رأي ومن غيرماتزعلين صح البخل صفه شينه بس أنتي قلتي مميزات فيه جداا جميله
وهي انه يحب التمشيه وطلعات وسفريات احسن من أنك تعيشين في بيت لاطلعات ولاتمشيات ولاسفريات
ومن ناحية البخل فأكيد أن عنده فلوس ومو شوي بعد كأن خذيتي اللي تبين من غير مايحس ولايدري
وسامحيني ياعزيزتي تراني ضحكت يوم قلتي أنه اذا رحتو المول يأكل ويشبع ولقلتو اشترلنا قال شبعت هههه
الله يعوضك يارب
على العموم اذا كنتي متضايقه من جلستك في البيت سجلي بدار تحفيظ للقران الكريم وحاولي تستفيدي من وقتك بشئ مفيد واحمدي ربك أن عندك طفل على الأقل يسليك من الطفش وأن شاء الله يارب مايجي بعد رمضان إلا ونتي مخطوبه بأحسن واحد كرم وطيبه وشهامه واخلاق ودين

__________________
live nice

سبحان الله

الحمدلله على نعمه ، انتِ بخير وعافية ، و امن واستقرار .

وعائلة كريمة لم تبخل عليك وعلى ابنك ، كل ما في الامر طلعات و تمشيات !!!

أتمني تطلعي على عيادة رجل الرجال و تطلعي على حكاية الاخت الشفاء والله ان فيها عبرة للمعتبر ..

ودمت بخير ..

ياقلبي عليكي ..
فضفضي يا قلبي وطلعي كل الا بقلبك والله فعلآ شي يقهر ..

اطلقتي من زوجك بس عشاانه بخيل جدااًً...!!؟
او هنالك اسباب سلبيه كثيره منه ..!!؟

لي عووودة للموضوووع
دمتي بووود=)

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟

مع هذا الراي
المشكله اختي الكريمه تكمن فيك انتي
يعني لا عاجبك عند اهلك ولا عاجبك عند زوجك
وكل مكان فيه عيوب
يعني حتى لو تغير ما بيعجبك
تحياتي

انا احمد ربي على حالي دايما ودايما اتذكر انه فيه ناس اسواء مني حال لكن مجرد فضفضة وشكرا على الرد

لا كانت هناك اسباب ثانية كثيرة والله يعوضني

والله اني قنوعه لا تحكم على الانسان من سطرين كتبتهم

الله يصبرك يا اختي ويفرج همك ويشرح صدرك
فعلا وضعك صعب ويضيق الصدر الله يعينك بس حاولي باي طريقة تسلي نفسك ما ادري اش اقولك احضري انتي واختك فلم في البيت او حمليه من النت >>>>>>> مع اجتناب مالايجوز طبعا فيها
اشغلي نفسك بخياطة اوهواية او طبخات مثلا خلي اخوانك يشترولك شكولاتات وشبسات من البقلاة وخرابيط واقعودي سولفي مع اخنك >>>>>>> خخخخ احب اسويها فله وطبعا اول واهم من هذا كله المحافظة على القران والصلوات والدعاء اما ابنك اطلبو من خواله يشتروا لو الالعاب ان شاء وحدة بس او دفاتر تلوين الوان صلصال اي شي بسيط مو لازم مكلف اهم شي يتسلى فيه سوي له اكلات معينة مثلا بيتزا على شكل وجه ضاحك سيارة او كيك او بسكوت وخلي يلعب معاكي ويشكل شغليلو لاب توب افلام كرتون او اعملي له مسبح في البانيو والله يا اختي حاولت اكتب اي شي اعرفه لاني مرت بوحدتك تقريبا فزوجي الله يخليه لي ليس بمقصر لكنه كثير السفر في عمله وانا اعيش في منطقة بعيدة وحدي ولا اخرج كثيرا لاني اخاف ولا اعرف احد بالمنطقة بنتي زي ولدك والله كنت احزن عليها واحاول اسليها قدر ما اقدر بهذي الطرق . والي يقولي المفروض ماتتطلقي منه بسبب بخله . ليه مهي انسانة مومن حقها تعيش بكرامة زي الاوادم ومادام هو عنده المفروض ينفق عليها ويوسع عليها بالي يقدر عليه وهذا واجب اما لها ثلاث سنين بنفس الملابس وقدها مقطعة ولايشترليها ولا ياكلها لاهي ولاولدها ويضيق عليها عيشتها وهي كانت مكرمة ومعززه بيت اهلها ليه حسبي الله ونعم الوكيل رجال مايخافون الله في حريمهم ويجرون ورا الفلوس بس وبعدين هي ماطلبت الطلاق الا بعد ماصبرت وحاولت انها تصلح الوضع ونصيحة للاخت اذاصار ورجعتي له او انحلت الامور بارادة الله لاتتهاوني في حقك من النفقه المستحقة لك مادامك قايمة بواجباتك تجاهه
واسفة على الاطالة