انا وحده عمري بنهاية العشرينات
متخرجه ومتعلمه وعندي دورات تعليميه واداريه وبالنهايه عاطله حسبي الله ونعم الوكيل


انا زمان على ايام دراستي كنت امشي بطريق غلط ( شات ومسن وجوال وحب ومعاكسات وبس ) وكنت اخرج من علاقه فاشله لعلاقه ألعن منها لين تدمرت نفسيتي ومستوآي الدراسي

بوفاة احد الأشخاص القريبين لقلبي فقت من إللي انا فيه

حافظت على صلاتي بعدت نهائيا عن ذآ الطريق ماشاء الله تبارك الله لي سنين وانا محافظه على صلاتي واخلاقي واحاول اكسب رضى ربي

وكنت ادخل النت ولا افكر اني ادخل شات او مسن او ارتبط بشخص ايميلاتي كلها غيرت ارقامهم السريه لارقام طويله ومتفرقه علشان ماافتكرها بعدين

صرت لما اطلع برآ البيت لسوق او لأي مكان اغض بصري ولما اي شخص بس يحاول يعاكسني اتحول لوحش كاسر واخليه يهرب عكس زمان استغفر الله يارب

الوضع تمام ومستقر لسنين طويله لكني للامانه كنت فاقده شي مااحس بطعم شي احس اني ماشيه كذآ بالحياه لاهدف ولاشي ومافي شي يفرحني

صرت اكره اهلي واتخاصم معاهم لاني للامانه ماني لاقيه اهتمام ابدا كل واحد فينا بديره ثانيه وشو بديره قصدي كوكب ثاني

قبل فتره قريبه صرت افكر كثير بالجنس وصرت احاول اني اطلع من البيت بكثره بس علشان اشوف الرجال

نظراتي مااقدر اغضها ابدا صارت اصوات الجنس الآخر تثيرني



صرت ادخل شات وتعرفت على شخص وبعدين طلعت لي ايميل جديد واضفته صرت اتكلم معاه بديت احس بالتسليه معاه
تطورت الحاله معاه وصار يشغل الكام ويرسل افلام اباحية ويرسل صوره الشخصيه ويقولي اتمنى كل شي بالحلال
ودايم يكرر كلمه ابي بالحلال بالحلال بالحلال

كأنو عرف نقطة ضعفي صرت اصدقه واطمن له كثير للأمانه ادمنته كثير واخاف من الجاي
الآن يصر علي انه يكلمني جوال

ولما يصر علي يدي تاكلني على الجوال لكني بالنهايه ماادق لاني ماابي اضعف وارجع لزمان لاني اعرف لو رجعت برجع بقووووه


انا من داخلي مو مصدقته نهائياً واعرف هدف الشباب اللي يتعرفو عن طريق الجوال او المسن او الشات مستحيل يكون زواج وان كان فطلاق على طول

لكني ماادري ايش فيه ليه مااقدر ابعد عنه احس انه ساحرني

انا من عائله مفكككه بدرجة ماتتخيلونها مانعرف نتكلم مع بعض حياتنا مشاحنات وحرب اهليه

ويمكن علشان كذآ صدقته يوم يقولي كلام حلو لا مو صدقته افرح يوم اسمع كلام حلو


ساعدوني قولولي كلام يخوفني من ربي عزوجل
انصحوني بطريقه حلووه
مو مشكله لو كانت النصيحه قويه وتفوقني من الي انا فيه

ابي احد يطلعني من إلي انا فيه بنصيحه بتخووويف من الله

ساعدوني بخطوات اسويها

ابنتي الكريمة
لعلك تشرفين والدك المستشار رجل الرجال في العيادة ( عيادة رجل الرجال النفسية ) لنبحث الموضوع سوياً
وحتى ذلك الحين أكتبي بقلم عريض في غرفة نومك قوله تعالى ( ألم يعلم بأن الله يرى) واقرئيها كلما مررتِ بها وأجعليها منبه لجوالك وسترين الفرق بعد أيام قليلة.
ببساطه لأن الله يرى فلا تجعليه أهون العالمين لفعلك الرائين لكِ.
لا شك أن للنفس قوة لفعل الخير ولها فترة أي ارتخاء ولكن يظهر من كلامك حسن نفسك وتربيتك وخوفك من الله واستغلال إبليس للضيقة التي تمر بك من حينٍ لآخر.
بارك الله فيكِ يا ابنتي.

__________________

لتوفير الجهد والوقت للجميع :
1- كتابة الوقائع ثم المشاعر ثم المطلوب.
2- ما أقوم به هو التعامل مع عقل صاحب أو صاحبة المشكلة وشخصيتهما ونظرتهما للحياة لترقيتها للأفضل بإذن الله على ضوء ما يكتبان هنا.
3- لا بد أن تكون لدى صاحبة أو صاحبة الموضوع الرغبة في القبول بالنصح والرغبة في التغيير لا طلب الدوران معه على محور شكواه والبكاء معه.
4- لا يمكن بعد الله أن أعدل من ظروف الكاتب أو من شخصيات أطراف العلاقة في مشكلته إلا بتواصلهم معي هنا شخصياً.

الله يعطيك العافيه على ردك على موضوعي
انا تركت ردي بالعياده
والله لايحرمنا من تواجدك بذآ المنتدى

اختي لاتكذبي على نفسك
واضح جدا انك انسانه واعيه وفاهمه والدليل انك عارفه الطرق والنتائج والخطا والصح
يعني كل شي واضح بالنسبه لك
تحتاجين لوقفه جديه مع نفسك
النفس امارة بالسوء
اذا حاربي نفسك
تقولين البيت حرب اهليه يعني مايضر ان تضمي نفسك الاماره بالسوء في هذه الحرب الاهليه وتعلني الحرب عليها ونشوف من ينتصر في هذه الحروب فلابد من كل حرب ان يكون هناك منتصر وسترين من يستسلم
واذا استسلمتي ونفسك الاماره بسوء انتصرت
اسمحي لي اقول ياخيبه اهلك فيك
ويا حسافه على شبابك اللي ضيعتيه
وليه مايكون عقاب من الله على اللي تسوينه من اثام
اخيرا عفي نفسك فلا تنتظري منا ان نصونك ونعفك
تقبلي ردي بصدر رحب
تحياتي

لاحول ولاقوة إلا بالله
الله يهديك وتصحي من اللي إنتي فيه
تخيلي إنك تموتي لاقدر الله وإنتي على هالشي أفلام إباحية شات مسن معاكسات كيف بتلقين ربك
لما ربي يسألك عن اللي سويتيه شنو بتجاوبي ؟؟؟!
لما ربي يسألك عن العمر والوقت اللي ضيعيته بهالعيشة ....... مارح أقولك هالكلمة حفاظا على مشاعرك
إنتي إذا انحرقت يدك بماي حار رح تصرخي وتتألمي وتبكي
تتوقعين بتتحملي ناااار جهنم ؟! ومن رح ينقذك ولايشفعلك شنو رح تكون مبرراتك
رح تقولين والله أهلي في حروب أهليه ومدري إيش
إصحي على نفسك لافات الفوت ماينفع الصوت
حافظي على نفسك
إبدي حياة جديدة نظيفة وطاهرة ومترفعة عن هالشغلات الدنيئة
سجلي في دورات تعليمية تثقيفية في مراكز لتحفيظ القرآن شغلي القرآن على طووول\لاتهملي الأذكار
أشغلي وقتك بأي شي يعود عليك بالنفع

__________________
اللهم اجبر كسر قلبي وروحي اللهم آآمين
دعواتكم لي بالوظيفة الصالحة فانا بأمس الحاجة إليها
سبحان الله وبحمده سبحان ربي العظيم
فزورة مطبخنا اليوم
علينا اللون وعليك التنسيق مسابقة ممتعة وشيقة
امممممممم ماذا لوو

باب التوبه مفتوح

والطريق الصحيح معروف والطريق الخطأ معروف

الله يهديك

__________________
استغفر الله الذي لا إله إلا هو الحي القيوم وأتوب إليه

والله كلآمك قشعرلي بدني ..

جداً في الصميم .. جوزيتي خيراً

الله يهديكي يا ليال ويرزقك الزوج الصالح ويصلح بالك وينوور طريقك بالايماان..

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟

بالعكس , اذا اتزوجت باذن الله اكييد راح تترك جميع العلاقات السوابقه .
وتكمل حياتها مع الزوج المستقبلي .

غير كدا حسستني من كلامك . انو البنت بس يلي بتغلط وبتكلم شاب ..
اعذرني بس الشبااب ايضاً ..

يعني لو الشاب كان يكلم بنت وبعدين اتزوج عاااادي جداً ولا كانو صار شي صح؟؟
بس كدا مجتمعنا مع الاسف يشووف الشاب بكل طرقه صحيحه اما البنت لا غلطاانه ..

أنا معاك في حكاية الشرف والعفه والفضايح يلي بتجي ورا البنت ..
لكن اذا البنت تابت واتوجهت للطريق الصحيح ربي راااح يريحمها باذن الله ..

كلنا بنغلط ونخطأ .. وخير الخطااوؤن التوابين ..

دمت بوود=)

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟

مشكورين على ردكم على مشكلتي وعلى دعواتكم لي بالهدايه

زهرة الرمان الله يوفقك وين ماتروحي على هالدعوه الطيبه

توني صغير انا لو لقيت من يعفني كان مالجأت لذآ كله وان جآ النصيب لأترك كل شي
وانا ان شاء الله اكون صالحه واستحق الزوج الصالح

يعني معليش البنت الاقي لها سبب لو لجأت لذآ الطريق لانو البنت ماتقدر تروح لأهلها وتقول زوجوني ابغى اعف نفسي عن الحرام وان قالتها اهلها اغتالوها عكس الشاب اللي بيده يطلب وبدل الوحده مية وحده تدور له على عروس
وبالنهايه تلاقي اغلبهم يتعرفو ويعاكسو وطريق الزواج سهل لهم

نسأل الله لك الهدى والمغفرة
أعرف ان ماتعانبن منه امر صعب جدا واعرف ان الشيطان عندما يجد ثغرة الى باطن النفس البشرية فانه يثخن فيها الجراح
امامك الان فرصة رائعة في رمضان !!! لاتدعيها تفلت من يديك
حاولي ان تتعلمي كيف تخشعين في الصلاة وكيف تشعرين بلذة العبادة ... اطياي السجود واطيلي الدعاء في السجود .. ان استطعت ان تبكي فاطلقي لمدامعك العنان ...وسوف تشعرين براحة غريبة !
كان رسول الله صلى الله عليه وسلم يقوا (ارحنا بها يا بلال) ولم امن اعرف المعنى الحقيقي لهذا الحديث حتى وقعت في ضائقة تشبه ماتمرين به نوعا ما ودمرتني نفسيا فلجأت الى الله واصبحت اتحرق شوقا لموعد الصلاة لأقف بين يدي الله وادعوه ان يخلصني من الالم النفسي الذي كان يمزقني طوال الوقت ... حتى من الله علي بلاجاية وبدأت اتعافى ويدأت البسمة تعرف طريقها لشفتاي وبدأت السعادة تعرف طريقها الى قلبي ...
صدقيني ياختاه ... هذي تجربة شخصية وانا ادرك مدى الالم والحلرمان الذي تشعرين به ولكن اصدقي التوبة والتوجه لى الله والاجوء اليه واطيلي السجود بين يديه وكوني على ثقة تامة بأن الله سيستجيب لك ...
انت تمرين الان في امتحان ...وان شاء الله ستتمكين من اجتيازه لتنعمي بسعادة حقيقية ... سعادة الشعور بالطهر ...سعادة الشعور بان الله عز ول قد استجاب لتضرعك ...سعادة الشعور بلذة العبادة .. وبعدها ستجدين فكرك صلفيا وسيلهمك الله ان تخططي وتعملي ليكون لك دورا ايجابيا في هذه الدنيا حتى يحين الموعد المنتظر ونلاقي الله بقلب سليم .
اسأل الله لك التوفيق والهداية والثبات