السلام عليكم ورحمة الله وبركاته


عادي اشتري سيكل واروح عليه البقاله والغسال والحلاق وهالأمور ؟

مع اني رجال وعمري 22 وشنب ولحيه ؟

صراحه ودي اشتري سيكل واروح عليه واجي ، احس اني كل مالي وارجع ورا للطفوله

__________________
استغفر الله الذي لا إله إلا هو الحي القيوم وأتوب إليه

لا مابيهه شي عادي اذا واحد ما تتوفر عندة السيارة مابيهه شي

لا عندي سياره

بس مليت من السيارات

وانا من سكان الرياض وتعرف الزحمات ونظام ساهر

لذالك قرررت اشتري سيكل صراحه وشريت واحد مستعمل

هذا هو



بس الله يعيني على تعليقات الناس هههههههههه

__________________
استغفر الله الذي لا إله إلا هو الحي القيوم وأتوب إليه

لا عادي مابيه شي وكل الشباب هسة تركب سيكل
بس انصحك بدراجة نارية افضل

الدراجه الناريه غاليه علي مره

يعني اللي حلوه ومواصفاتها زينه توصل عندنا من الـ 10 آلاف إلى الـ 25 ألف

بس ان شاء الله بكره بطب السوق وبدور لي واحد رخيص

انا اشوف واحد من الجيران معاه واحد وعاجبني مره

__________________
استغفر الله الذي لا إله إلا هو الحي القيوم وأتوب إليه

ههههههههه عادي مافيها شي ولو تجيب سييكل ابو ثلاث كفرات من ورى اثنين ومن قدام وحده افضل

في حمل المثقولات من اغراض بقاله والغسال ...الخ

وعساكـ ع القوهـ"

منجد غريب الناس تدور راحتها واختصار الوقت عشان يستفيدو منو بوقت ثاني وانت تبى تطول السالفه وتضيع الوقت وتضيع جهدك كمان ههههههههه

من ناحيت عادي عـــــــــــــــــــــــــــــــــــــــــــــادي واتــــــومــــــــــــــــــــــــــــــــاتيكــ كمان "

تقبل مروري"

رضاء الناس غايه لاتدرك ما عليكـ فيهم خليهم اخر اهتمامكـ"

__________________
تدري متى تنفض يديكـ وتعاف (( الحياهـ ))...
لا عطاكـ الله معاآآآآآناة وحرمكـ (( الــصــبـر ))...

الدبابات خطيره وأيضا ً السياكل

انتبه لعمرك

بعدين السيكل متعب

يعني لو إنت في الدخل وتبغى تروح البديعه تحتاج وقت وجهد أكثر

يعني لو تبي تروح البقاله أو المسجد أو المغسله السيكل مفيد جدا ً

أولاد عمي عندهم سيكل ويذهبوا للمدرسه بالسيكل

بلا سواق بلا هم وهذا هو التطور بعينه

بالنسبه لكلام الناس ماعليك من أحد , احنا في 2011


بالعكس بداية التطور إننا نركب سيكل وسينتهي المطاف بميترو في الرياض

بصراحه جو الرياض مايساعد علي ركوب السيكل

بنظري حلات السيكل انك تركبه ويكون علي يمينك ويسارك بساتين وجو عليل ونسمات ترد الروح
مو جو يخليك طول الوقت مبوز ومكشر وحالتك حاله

__________________
الحمدلله علي أنعم الله الظاهره والباطنه

روعة الصمت : ان شاء الله ما فيه الا العافيه وش عرفك اني ساكن في البديعه ههههههههه فعلاً لو نشوف الدول المتطوره كلهم يسوقون سياكل والسياكل لها انظمه ومواقف وطرق مخصصه

نور دبي : تبين الجد بس قولي ما شاء الله انا ما عندي مشاكل مع الحر ولا الشمس لأن صراحه تعودت على الجو وصرت مثل الضب هههههه والبساتين اللي ترد الروح وين بنلاقيها عاد ههههههه

__________________
استغفر الله الذي لا إله إلا هو الحي القيوم وأتوب إليه

ماشاء الله

اذن اعقلها وتوكل

__________________
الحمدلله علي أنعم الله الظاهره والباطنه