السلام عليكم ورحمة الله وبركاته
الموضوع لايستحق التأجيل
بستشيركم ياجماعه بموضوع وسبق واستشرت الخاله الغاليه بيتا واالاخت شفا الله والدتها سيدة الموقف*
والان انا بموضوع ضايقني كثير تكفون ماني قادره اتحكم بااعصابي
انا متزوجه مطلق بأطفال بنتين عنده*
واللحين لي 3 سنوات متزوجه
شرطي انو يجيب لي خادمه بالبدايه بس ماطل ويماطل مدري ليش*
وهدا طبعه معي من تزوجني لايوفي بوعد ولاينجز لي شي من طلبات*
بعد الحن والزن وافق*
وقدم خادمه*
حصلت مشكله قبل ايام عشان مصروف العيد*
وصارت مشاده كلاميه*
وقبلها البنات عشان رفضت اخذهم معي لبعض المناسبات وخليته مره يوديهم عند امهم ومره عند عماتهم
طبعا من بعد ماشفت تعامله معي مايوفي بوعوده ولا شي*
صرت ارفض اخذ البنات معي*
ماني ملزومه*
يجلس عندهم بالبيت
صارت مشاكل على كذا*
قال خلاص مافي خدامه وببيعها انتي ماخدمتي بناتي؟؟؟؟
وكلام كثير*
انا شرطت وانت قبلت ليش اللحين ترفض*
قال بكيفي ببيعها*
حتى لو كنتي كاتبته بالعقد بكيفي انا مالك شغل
وصارت هوشه وكلام كثير
طيب شسوي اللحين عقلي مقفل من القهر
من كثر حركاته اللي قهرني فيها طلعت فيني بقع بيضاء ورحت عالجت طلع بهاق*
شعري قلب ابيض من الشيب من القهر اللي قهرني*
اللهم إني اعوذ بك من قهر الرجال
ياجماعه يمكن انا اسلوبي معاه غلط بسالفة البنات بس شسوي غصب علي*
يمن علي بمصروفي وحاجرني ماطلع عشان البنات والشغاله بيبيعها وهي لسى ماجت
غير الكلام السم اللي كان يسمعني اياه اول الزواج بشكلي وبتصرفاتي*
يارب رحمتك*
صبرت وصبرت عشان ولدي*
مابغاه ينتزعه مني مثل ماأخذ البنات*
ويقول ماتبيني عطيني فلوسي وروحي لبيت اهلك
وجهوني
شسوي الله يجزاكم خيبر
الخاله بيتا والبليغ والعقد الفريد ومس داني وكلكم نورني الله يرضى عليكم

طولي بالك حبيبتي هدي نفسك واسترخي
قومي تحممي ،وصلي ركعتين واقرئي قرآن،، واشربي عصير وروقي،،
ثم إذا ممكن تكتبين لنا إيجابيات زوجك
وكم الفر ق في أعماركم
وليش ماخلا البنات عند أمهم
وكيف تعاملك مع البنات في وجوده وغيابه

أكثري من لا حول ولا قوة إلا بالله
(ألا بذكر الله نطمئن القلوب)

السلام والرحمه
ابصراحه موضوعج يقهر شو يعني ماخدمتي بناتي لو يبا خدامه خل يتزوج خدامه من البدايه موب ياخذ بنت ابوها معززة مكرمه عشان تربي بناته وبعدين اذا بتربين تربين بكيفج موب بكيفه يعني لله والخدامه تساعد في البيت تنظف تخم وتسوي وايد امور انا بنت موب متزوجه ومااعيش من غير الخدامات مستحيل اتريا بعد ماتخلص اقامه وحده فيهم يااني اجددها اذا تبا تشتغل وتكمل او اجهز خدامه يديده من مكتب واسويلها فيزا قبل لاتنتهي اقامه الثانيه البيت يباله مداراه والوحده متى بتتفرغ لنفسها وحياتها وهوايتها اذا بتقعد اتنظف وتطبخ وتخم هاي موب عيشه والله صج من قريت موضوعج انقهرت من وضعج ماادري كيف ساكته
حلوة هاي (انتي ماخدمتي بناتي) والله زين اهلي يربوني ويدلعوني ويكبرون واخرتها تباني اخدم بناتك والشيب اللي براسج والبهق فيج موب في بناته يعني انتي تنظفين وتطبخين وتربين كل هذا وهو بسلامته يهدد يبيع الخدامه واخرتها يطالب بفلوسه قوليله والله لادفنك بفلوس ابويا بيني وبينك شرع الله والولد تنازل عنه جان تبا فلوسك وولدج لاتتنازلين عنه .. على الاقل يعيش الولد في بيت ابوج بين الخدم والحشم ولايقعد في بيت فقر مع احترامي
اذا زوجج شحفان الله يعينج كيف صابره وساكته كل هالوقت على باله ماوراج رياييل
لا ابصراحه انصحج جوفي حل مقنع يرد كيده وظلمه معاج .. موب حلوة ابدن استغرب من هالنوعيه من الازواج على بالهم البنت سلعه يبيع ويشتري فيها ..

جزاك الله خير اختي مكلومه الله يجبر بخاطرك رديتي

ايجابياته
محافظ على صلواته
بار بوالدينه
لايدخن
يحترمني بوجودي مايطالع مسلسلات ولاافلام ولاغيره
لاني ولله الحمد ماحب هالاشياء
اغراض البيت مايقصر من مأكل ومشرب
لكن مصروف بيدي الله يهديه يعطيني بس بعد طلاعة الروح والمن
واغلب مشاكلنا ع الماده
يخاف على عياله ويحبهم ومايبي عليهم قاصر
عمري 27
وعمره35
والبنات لانه سبب طلاقه خيانه وهو اعترف لي بداية الزواج
وقال ماتربت هي تربي بناتي

وتعاملي الحمدلله اخاف الله فيهم
صحيح احيانا اعصب عليهم زي ماتعصبين على عيالك

;;;كم أعمار بناته؟
هل اتفقتما على تربيتهما سويا في فترة الملكة؟
...
هل عندما تخرجان سويا للسوق يشتري لك بكرم ؟

__________________

جزاك الله خير اختي بنت ابوظبي
على حميتك
من قلبي اقول الله يجزاك خير

الحمدلله وراي رجال اخواني مايقصرون لكن ماحب اادخل احد من اهلي على مشاكل مثل هذه

وانا صبرت من باب وعسى ان تكرهوا شيئا وهو خير لكم
نادرا ماكتب هنا وادعي ربي ان يفرجها من عنده
انا ضميري يؤنبني من جهة البنات
لكن تصرفاته
خاصه الكذب والوعود الكاذبه اللي للحين مانفذ الا اثنين منها بس
واقسم بالله اني جيت عنده واعتذرت رغم انه هو المخطئ وعطاني ظهره مرتين اجي له ابغى حياتنا تصيرعاًيه من غير مشاكل
الا يعاند ويحط مشاكل
يارب رحمتك
كنت اكره ازواج اخواتي لانهم سببوا امراض وحده اكتئاب والثانيه قولون عصبي مادريت انو حتى انا بيجيني الدور وصار فيني بهاق وشيب شعر راسي
لا إله الاانت سبحانك إني كنت من الظالمين

عمر بناته 8 سنوات
والتربيه للاسف ماتكلمنا ولا جبت طاري كنت انتظر منه يتكلم
عشنا كأي مملكين وكانت فترة الملكة قصيره
ونادرا مايكلمني اصلا
والسوق انزل لوحدي
ويعطيني المبلغ بيدي 500 لي ولولدي



رابط موضوع سابق لي
http://www.66n.com/forums/showthread.php?t=239221

الرجل عزيزتي ما يجي بالأوامر والفرض والعناد
طلباتك كلها مجابة عنده ؛ إذا فهمتيه وأحسنتي التعامل معه وكسبتيه
يعطيك كنوز الدنيا إن رءاك تستحقين
ويحرمك من الريال إن رءاك لا تستحقين

الذكية من تكسب زوجها بفهمه وتقبله وإسعاده, واعتقد ثلاث سنوات كافيه لتفهميه
إحدى نقاط ضعفه الواضحه التي لو أحسنتي استغلالها لأجل الله أولا ثم لأجله : هن بناته

كلام مختصر و عين العقل , احسنت بهذه النصيحة
اختي سماء العدالة , بارك الله فيك

__________________

ليش ماتحتسبين اجرك في الطفلتين وتربيهم وتحسنين لهم لوجه الله يمكن ربي يدخلك الجنه بسببهم
خليه عمل خالص لوجه الله فقط واحتسبي اجرك على الله وحده
تراه عمل عظيم اعتبريهم يتيمات ام وانتي كافلتهم
وزوجك باللين اطلبيه وبالتعاطف والرحمه عشان قلبه يلين خصوصا انه قدم في الشغاله لاتخربين على نفسك بعنادك
انتي ابكي وقولي تعبت منهم ساعدني اكيد بيتعاطف معك مو انا اشترطت احنا اتفقنا حطهم عند امك حطهم عند عماتهم التهديد ماينفع ابدا صدقيني

__________________
اللَّهُمَّ إِنَّا نَسْأَلُكَ نُفُوساً مُطْمَئِنَّةً تُؤْمِنُ بِلِقَائِكَ، وَتَقْنَعُ بِعَطَائِكَ، وَتَرْضَى بِقَضَائِكَ.