اهلي وزوجي عالمين مختلفين
هم يشوفون نفسهم ارقى وافهم واحسن
وهو يشوفهم نفخه عالفاضي
وكل طرف مو مبين مشاعره للثاني
بس انا عارفه وساكته

اذا زوجي شرى لاهلي شي
خضره او تمور او بخور مثلا
ما اعجبهم او اخذوه بدون نفس
بعدين يقولون لي: زوجك مايعرف يشري
فصرت اقول له لاتجيب لهم ولاتعطيهم
بس ما اعلمه السبب الحقيقي
مره اقول اهلي عندهم من هالشي
ومره اهلي مايميلوا لهالشي وهكذا


قبل اسبوع
شرينا حاجة لذييييذه اعجبتنا
قال زوجي: عطي امك منه
حطيت لها كميه واعطيتها
قالت: اعوذ بالله طعمه كرررريه
كذا بانقراف
قلت لها عادي ماما الاكل اذواق
وبس
يعني انا ما ابي امي تشكر
بس انتقادها دايما لاذع
هي وابوي يظنون كذا هم وااااو

والامر ينقلب 180 درجة مع اختي
ومع جارات امي وصديقاتها
اي شي لو سخيف توصله لاعلى سما


الشي الثاني
انا من تزوجت لي الان فوق 7 سنين
واهلي يرفضون تماما اسافر معهم
ياما طلبت منهم وياما قلت
وهم رافضين وقالوا لي انسي
رغم ان زوجي معطيني تصريح
وزوجي يقول اتكفل بسفرتك كلها
وماراح اكلفهم ريال واحد.. رافضين
وابوي قال دام تزوجتي رجلك على رجل زوجك

قلت اوكي خلاص اللي يريحهم
اختي متزوجة من 6 شهور
بعد يومين بتسافر معهم برا!!
ولا قالوا لي الا بعد ماحجزوا
وضبطوا امورهم وكل شي
قالت امي: ترى بنسافر بعد يومين!!!
انا استغربت ووجهي تغير
بس قلت: تروحون وترجعون بالسلامه


وبرأسي الف علامة استفهام
ولاحظوا اختي حامل
مع ذلك بتروح معهم طياره وسفر وشوبينق
وانا اول سنه ماحملت وطفشانه
وكانوا يقولون بوجهي: سفراتك مع زوجك وبس


معليش اعذروني
بس متضايقه شوي
والله احب اختي
واحب امي وكل اهلي
بس حاز بخاطري
ومستصعبه اناقش امي
او اسألها لي هم كذا معي!