عوده للتجمع مره اخرى
باذن الله بابدى برنامج اتكنز من جديد مع الرياضه دعواتكم

يا اهلا ومية سهلا بالحبيبة مبتعثة
بالتوفيق يا رب
ان شاءالله بتوصلي لمرادك بأقرب وقت
⚘⚘⚘⚘⚘⚘⚘⚘

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

سلامات يا رشيقات
كيف همتكن
اليوم مشيت انا وزوجي حوالي 8 كيلومتر 🖒🖒🖒🖒
ورح نستمر بالمشي اقل شي تلات مرات بالاسبوع غير التمارين الرياضية
ووزنت حالي وزني 63 وكنت قبل 64 من بعد ما ادمنت عالشوكولا بس حاليا منتبهة عالكمية يعني خسرت كيلو 😊😊
بعد في تلاتة كيلو لأوصل لهدفي
زوجي كان 97 صار 94 وهدفه 88 لانو طوله 184
وان شاءالله بخلال شهرين عالمشي والرياضة يوصل للمطلوب

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

ماشاء الله ميمو الرياضة بالمساندة النفسية الله يهنيكم يارب


شو صار مع ريجيم البيض


انا الحمد لله وصلت للهدف صراحة نزلت بسرعة 3 كيلو وخلاص مبسوطة يعني هلا بوزن 66 والنتيجة جيدة جدا بروح عالرياضة بانتظام وكم مرة بالاسبوع بطلع بره بعمل جري jogging على مهلي اموووت بهذا الشي وبس ابدأه بصير مدمنة على الجري في الهواء الطلق.. وتاثيره على الجزء السفلي كامل للجسم قوي ومافي داعي لتمارين المقاومة بالنادي اذا بداوم على الجري.. بس بحب اعمل زومبا

بس في شي بيصير معي بالجري بره، اول مرة وهي قبل اسبوعين بعد انقطاع منذ فصل الصيف، جريت يمكن 3 دقائق وحسيت بألم في صدري او رئتي ما ادري هيك بالوسط كل ما اخذ نفس احس بالم قوي وتوقفت وصرت امشي فقط وضليت المسا بسعل كانو صدري متحسس، بس اليوم التالي خلاص راحت الاعراض وطلعت مرة ثانية اركض والحمد لله راح الالم نهائي.. وهذا الشي كان صار لي قبل سنة يمكن كذلك بعد انقطاع طويل عن الجري في الطبيعة. مع انو الجري على الة المشي بالنادي ما بيصير معي اي شي أحد عنده تفسير؟

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

اهلين حبي مسك برافووو عليك وان شاءالله عطول تحافظي عالهدف المطلوب

وبالنسبة للجري انا بيصير معي هيك وبوقف وما بقدر اتحمل
اما امشي ساعتين تلاتة ما بحس بأي تعب ولا عندي اي مشكلة وبكون كتير مرتاحة والتنفس عندي مريح

اما ريجيم البيض رح اعمله قبل ما سافر بشهر لانو بينزل 5 كيلو وبس مدته اسبوع واحد بالشهر
ممنوع اكتر من اسبوع بالشهر .
وانا بدي نزلهن بس احتياط كرمال الاكل بلبنان كليا مختلف عن هون فاذا زدت ما بيأثر عليي
والا انا 3 كيلو نزلهن وبحافظ على وزني المطلوب
فاذا نجح بخبركن عنه وبحط البرنامج

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

اهلا يا معشر الدايت على قولة اخونا
مسك برافو عليك عزيمة ماشا الله
والتعب الي تحسينه عادي هو يكون بعد الانقطاع لمدة ثم العودة
ميمو ما شاء الله
الله يدوم المحبة شي جميل ان الكوبل يشجعان بعض
انا زوجي ما يحب ياخذني معه قلت له خليني اعمل معك footing
كاني سبيته قالي نعم نعم تجرين معي في الغابة ؟هههههه
واليوم كنت رايحة الصبح مع ابي واخواتي كنا مخططين الله غالب جاني ظرف فجائي ما اقدر

أسعد الله أوقاتكم بكل خير

متل ما خبرتكن انو صرت امشي أنا وزوجي مسافات طويلة
فاليوم كنت عم احكي انا وجارتي عالطريق قبل ما روح على مشواري
وعم تخبرني انها راحت لعند أخصائية تغذية ومن حديث لحديث خبرتني انها منزلة برنامج اسمه S Health
المهم نزلته ورحت مشيت وجبت اغراض ورجعت بعد ساعتين وطبعا كلو مشي ما أخدت ولا باص وبس وصلت عالبيت كنت ماشية بحدود ال4،48 كيلو و وحرقت بحدود ال 195سعرة حرارية والمشي كان عادي
وبالبيت عملت تمارين مشي من المطبخ للصالون روحة ورجعة وهرولة ورقص بحدود 20 دقيقة
وبالليل عملت نص ساعة تمارين عالبرندة وطفيت الانارة بالصالون وكانت درجة الحرارة 3 واجمل تمرين بعمله لانو لا بحس بالشوب ولا بالبرد بتكون حرارة الجسم معتدلة عالحركة والطقس البارد ولا بيمل او بيتعب الواحد مع انو بحس بعضلات جسمي بس من دون ما اعرق ولا إتعب
وحسبت اكلي الطبيعي متل العادة بس خففت من كمية الشوكولا
طلعت ما باكل كتير او بالأحرى الاكل اللي باكله ما فيه سعرات حرارية كتير
والبرنامج بيخليك تدمن عالمشي والتمارين بيصير في طمع كل ما تحس حرقت بتطمع تحرق اكتر





وهون اول ما بلشت اعطاني انو لازم امشي 6000 خطوة فأنا كل النهار طلع 21الف وشوي 😊😊😊😊😊






على حسب وزن جسمي بحاجة ل1900 سعرة
وأخدت عن طريق الاكل 1405 من اصل 1900 يعني في 495 رح ينضافوا للسعرات المحترقة من المشي والتمارين
وحرقت اليوم بالتمارين والمشي706 سعرة
يعني الاجمالي حرق جسمي 1495 سعرة
واكلي اليوم عبارة عن وجبة خفيفة الصبح موزة
الفطور ساندويش سمك الترويت المدخن مع كباية ماي قبل الاكل وبعد الأكل
العصر قطعة شوكولا وحبة تمر
الغدا تبولة ونص صحن بطاطا بالفرن وماي قبل الاكل وبعده
والعشا سندويش قريدس وماي قبل وبعد
ومن بعدها ملعقة صغيرة عسل ولبن على فريز


والواحد بس يتطلع عالأكل والسعرات الحرارية
لا شعوريا بيصير يعرف يحسبهن تلقائيا
لانو مرات بناكل نوع بكميات قليلة وبنكسب سعرات كتير

مثلا كوب المكسرات المحمص بالزيت لوحده 800 سعرة وشوي
فأنا شايفة ناس من بعد العشا بتتسلى بصحن مع كوب عصير بيحتوي على ماي وسكر ومنكهات فاتخيلوا ئديش في سعرات ومن دون ما يحس الواحد
وفي اكلات بكميات منيحة وبسعرات حرارية اقل
الاهم انو ناكل من كل شي بس على قد حاجة جسمنا
وما لازم ننزل بسرعة لانو رح نرجع نطلع بسرعة
المفروض بالأسبوع كيلو
الا اذا كنا مضطرين كرمال مناسبة هون بنتبع نظام قاسي لننزل بأسبوع 4 او 5 كيلو وهالشي الو ردة فعل اكيد

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

وهيدي اليوم اتخطيت الف سعرة حرارية محترقة من الرياضة والمشي والهرولة









واغلب التمارين بالبيت بس الصبح عال10 ونص مشيت انا وزوجي بهيدا المكان تقريبا ساعتين
بس كل واحد لحال كأنو ما بنعرف بعض ههههه






والاكل اليوم متل البارحة وزدنا سلطة
بس الفطور بيختلف
اليوم كان فول مدمس مع حمص




وبين الوجبات موزة وخرمة وشوكولا تويكس اصبعين ولبن على فواكه

متشوقة يجي آخر الشهر اذا الله راد وان شاءالله رح استمر دايما هيك
لاني كنت امشي ساعة ساعتين بس ما بيحرقوا كتير اذا مش هرولة او تمارين رياضية

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

برافو والله يا ميمو ماشاء الله اكتسحتي الموضوع هههه انا آخر يوم رياضة هو يوم كتبتلكم هون لان بعدها مرضت مدري عيون مين هذي الي حسدتني عالنتيجة ههه

بس تعالي وينو ريجيم البيض الي وعدتينا فيه ولاخلاص قرب الموعد لقيتي حالك موقادرة عليه كل يوم

اكثر شي يعجبني فيك لما ترقصي وتستهبلي عن جد هذا هو النشاط يافراشة

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

فتحت الموضوع باللاب و طلعت في وجهي صورة هالاكل مكبرة
ماشاء الله تبارك الله الله يعطيك الصحة و العافية .. تنسيقك
انا اقترح تسوي موضوع فيه طريقة حفظ الخضرة وتقطيعها و تنسيقها