اعذريني على هالكلمه ,,, زوجش معتبرش مربيه وخادمه ومن دون اجر ... وفوق هذا ما يعجب


انتي تركتي له المطبخ ,, انا اشوف تتركين له البيت بكبره يشبع فيه ويدبره اهو مثل ما يحب ويرضى


ويا ريت تتركين العيال وياه ولفتره زمنيه كبيره

خل يحس ويحترم نفسه ,, هذا مستقعد لش على الطالعه والنازله ,,, كوني حازمه في قراراتش ووريه الوجه الجديد

__________________
وهل من مصير اخر ؟

الله يهديه ويسخره لك

جربي ماتردي عليه ابدا ولا تتجادلي معاه

واي شي استشيريه واذا ماتعدل فهو فعلا يحب النكد

اختي زوجي انسان غير واعي بالرغم انه ناجح تعليمياً بس فاشل جدا اسرياً
هو تربى بقرية ما عمر اهله دخلو مطاعم او سافروا طول ما كان عايش معهم
عكس اهلي ابي وامي متعلمين وبمدينه ومن احنا صغار خادمات ومربيات وسفر وكان ابي يخصص جزء كبير من راتبه للترفية
لمن تزوج اخوي اتبع نفس طريقه ابي بعد انجاب زوجته قدم لها خادمه رحلات سنوية وترفيه طوال الاسبوع سوق تمشيه مطعم .. الله يبارك لهم ويهنيهم
زوجي يتبع اسلوب والده ولكن والده دفعته الظروف الى هالتصرفات .. بحكم ان القرى ما تتوفر فيها مطاعم تمشيات وخادمات وغير كذا الزمن عمي وعمتي كبار جدا ربي يعطيهم العافية ما كان على زمنهم خادمات ..
انا وزوجي بينا خلاف كبير بالنشأه ما اقول ان نشأة والدي لنا صحيحه قد يكون الدلال احد معوقات الحياة ولا اقول زوجي نشأته غير صحيحة بالعكس اخوانه كثير طيبين مع زوجاتهم وعائلة على خلف عالي
بالإضافة ترك المنزل .. مو مقتنعة جدا لان ابنائي مالهم ذنب
الان هو اب رائع وناجح وواثقه راح يوفر لابنائي ارقى مستويات التعليم الصحة المعيشة
حتى ملابسهم ما يشتري لهم الا ارقى شيء
انا الي اعاني وبقوه
وانا اشوف شخص يعاني واحد
ولا اروح ارتاح ويعانون شخصين الي هم ابنائي
والحمدالله اولادي جالسه اشتغل على نقاط الضعف في ابوهم رغم صغر سنهم اعلمهم على الاحترام والتعايش والتعاون والحب والهدوء .. وكل هذا في وقت غياب ابوهم لان في حضوره ما يرضى اكلمهم

في نقطه ما ودي اذكرها بس كثير تأذيني في نفسي
زوجي كنت اعرفه قبل الزواج سنه بالمصادفه
والله كان فقط هاتف وكانت نيته جادة للزواج وانا كنت جدا ارى نفسي محظوظة انسان وصل درجة الدكتوراه عمره 37
والدي اخبرته انه قريب لزميلتي رفض الموافقه
ثم اقنعته امي
كنت متمسكه فيه لاني احببته وهو حبني
قدم لي شهر عسل وزواج كبير ولا بالاحلام
وحب وراحة وطمأنينه .. كان بينا اندماج فضيع حتى لمن قريباتي يشوفون صور الملكه كانت كلمتهم ارواحكم في بعض
والله من اول ما سافرت معاه بدأ اسلوبه بس على اقل حده
ورجعنا وكمل انجبت توأمي وهنا انتكس فعلياً
الي يقهرني احيان ينعتني بكلمات في شرفي
ويقول انتي تعرفين ليه الي زيك تكمل باقي حياتها وعينها بالارض
قلت له ما سويت غلط وما زلت مقتنعه بموقفي
وانا انسانه اخاف الله ..
واذا عندك هالنظرة كان ما تزوجنا
وخليتني .. يقول انتي واهلك ما صدقتوا اجي اخطب
علمته بموقف رفض ايي له عشان اكسر نفسه مو مصدقني
انا عارفه اني غلطت ويشهد الله ندمانه ندم شديد
بس عاد قدر ..
عشان كذا احيان اقول ربي ابتلاني بمن اعتقدت انه حياتي وراحتي بهالدنيا
ويمكن هالصدمة هي سبب الاكتئاب ونوبات البكاء الي انا فيها
الي احسه اني ارتحت كثير لمن تكلمت هنا .. لان في اجزاء مستحيل تطلع لاي مخلوق غيري

يعني الي يسويه الحين قاعد يعاقبش .. على ذنب هو مشترك فيه !!

__________________
وهل من مصير اخر ؟

ما ادري والله احيان اقول ينتقم
واحيان اقول يعاملني كذا لان هو طبيعته كذا
علما مع العالم اجمع طيب مرا بس سطحي ماله احتكاك ابدا ولا مكالمات الا امه وابوه
اخوانه اذا اللتقى فيهم طيب وضحك وسوالف واذا مالتقى فيهم عادي ما بينهم تواصل

هو مسوي لي حظر بالواتس اب يقول دايم انتي عليه وانا ما ابيك
ولا عمري طلبت منه يرفع الحظر
مره طلب مني صورة لولدي قلت بس لا ترجع الحظر ترا حركه مؤذيه للنفس
سكت .. وكنا مرا مروقين
ارسلت الصوره ، استقبل ورجع حظر 😒
ما كلمته بكيفه
هو احيان يعلق على جلستي بالجوال .. بس انا اختار الجوال ولا النكد الى اعيشه معه

هو له يومين يقولي انا كلمت امي تدور لي زوجه
قلت الله يوفقك تزوج .. ويوم عندها واليوم الثاني شوف عيالك ووقت المبيت هديه اقدمها لها
لمن جلست مع نفسي .. ممكن اغار طبيعة اي امرأة .. بس احس مشاعر الغيرة ارحم الف مره من مشاعر القهر والظلم
اشوفه لمن يطلع من البيت اجد راحه في نفسي كبيرة ..
وفعلا زواجه قد يكون نعمة لي لان مل الي ابغاه سقف يلمني مع ابنائي ، خلوه وهدوء ، وظيفة
والتفرغ لتربية ابنائي والعناية فيهم
اما نفسي احسها عايفه اي خير منه ولا من غيره
اهلي ناس شبعانين الحمدالله ووالدي عرض علي شقه اذا تطلقت بس ايش بستفيد
وهالولدين مين بيدرسهم من وين بيشرف على مصاريفه
انا لو كان سيء معي ومع ابناءه والله ما جلست دقيقه
بس انا الي مشتتني ناره معي وجنته مع ابناءه
اخاف اطلق واشوف عيالي فاقدين هالدلال ابوهم مسكنهم بشقة جدا فخمة وما يتعالجون الا بمستشفيات رائعة
ومهتم بألعاب حلوه لهم .. التغذية كريم معهم جداً
فزواجه بيريحني ويحقق لي رغبتي بالانفصال عنه دون الضرر بأبنائي
طبعا موضوع الزواج فالي قبل سنه وردي دايما واحد بشرني متى بس
اعرف رد يجرح بس يستاهل
ولا واحد يقول لزوجته انا كنت متزوج برا لمن كنت ادرس قلت ما سألتك ليه تعلمني
يبي يحسسني انه واو ومرغوب وطريقته منفره
او يبي يقهرني
قلت ما قبل الزواج بكيفك يقول والله كانت احس منك ارجع البيت مرتب نظيف وملابسي مرتبه
قلت تقدر ترجعها على ذمتك اذا باقي ما تزوجت بس زوجه زي كذا وانت كنت مرتاح معها وطلقتها يدل منت كفو
وقمت
انا اعرف انها كذبه القصه وان كانت حقيقه بكيفه
وقالي شهر خمسه الي فات ملكته قلت الله يوفقك بس احس معاملتها وتعلم قبل الزواج كيف تحافظ على حب زوجتك وكيف تراعيها
والان يقول بعد رمضان .. قلت الله يجمع بينكم على خير
محد سأله عشان يقول
يغلط وينكد وينرفز ومتوقع اغار عليه يعني ؟
والله ويشهد ربي وقلتها له الف مره
ما عمري حلمت بالثراء والسفر ومتع هالدنيا حلمي بيت وراحه وهدوء ونكون احباب ما استطعنا
غير كذا انا انسانه غير متطلبه لان هذي طبيعتي
اجلس 9 شهور ما رحت للسوق
مناسبات ما احظر ابدا رغم اني جدا اجتماعية بس ما احب مكان يلزمني تكاليف وصخب وازعاج
احب اروح لأهله ونستمتع معهم مرا واضحك من قلبي
واحب اروح لاهلي واجتمع مع قريباتي
اهلي انزل لهم كل 3 شهور مره ويكفيني
احب زميلة لي تسكن جمبي اللتقي فيها كل شهر
بس يعني اوافقة بالبيتوتية بس اخالفه اني اجتماعية هو غير اجتماعي ابدا ونظرته للناس سلبية
بس مو يعني بيتوتيه انه يتفرغ لمضايقتي
ابي وظيفه لانه ما يعطيني اي مصروف لي ولمن اطلبه يجيب شيء يقول ما اشوف اني احتاجه
فاضطر اشتريه بدون علمه ..
واحتاج للوظيفه لانه 24 س يحسسك انك افشل مخلوق
فأخاف اضعف مع هالافكار .. قلت ممكن الوظيفة توفر لي راحه نفسية ومادية
قالي لمن يكبرون اولادي ويروحون المدارس سكرت الموضوع لاني ما ابي احطهم بحضانات

كم عمر اطفالش ؟؟

كملتي دراستش ؟

__________________
وهل من مصير اخر ؟

اطفالي قريب سنتين
ودارستي جامعيه وحاصلة على مدرب معتمد .. وسابقاً قبل الزواج كنت أعمل لمدة ثلاث سنوات في مدرسة مشرفة برامج خارجيه
والحمدالله كنت متفوقه بعملي ، وراتبي كان كويس
بس لاني بتزوج بمدينه ثانيه تركت العمل
وقبل الإنجاب ومع الغربة بالمدينه الثانيه طلبت عمل ورفض جدا
انا موافق بس لمن الاطفال يروحون للمدارس
وايضا رغم قسوته طلب مني الحمل وقال اجيب لك شغاله تساعدك وانا اعرفه غير صادق ابدا
وتعبت من طفلين وزوج متعبني
كيف ثلاثة .. قلت اسفة ما عاد افكر بالإنجاب ابدا
انا احيان ارد عليه بحدة عشان اخليه يراجع نفسه
وفعلا يتعدل يوم ولمن ارجع اشاركهم الوجبه واضحك معهم طوالي يقلب

طبعا لاني امس مرا زعلت
وطنشته ورحت غرفتي وكل علامات الزعل باينه على وجهي وصحيت بنفس الملامح
اليوم صاحي ولا قالي ولا حرف واحد
لا اكل عيال
ولا ملابس
ولا تعليمات
اذا شافتي زعلانه يعدل نفسه بس والله لو يشوفني بس ابتسمت يرجع يشين حاله
معقوله اعيش حياتي كلها بملامح كئيبة عشان يكفيني شره ؟؟
وايش معنى اذا زعلت يتعدل ليه العيال ما عاد يهمونه
هذا يدل ان العيال بس حجه ينكد فيها علي
حسبنا الله ونعم الوكيل